老厝邊

营业中

休息中

之前成日見佢門口大排長龍 覺得點都要試一次半次但係香港要食正宗台灣野 唔係咁易 呢間算係咁因為台灣食市一般都好專一賣麵就賣麵 賣麵線就賣麵線 非常專一 而品質就可以控制得好好而香港 舖租貴 賣單一食品，真係好難捱今日叫左紅燒牛三寶牛肉麵 （牛展 牛筋 牛肚）大腸麵線 （大）芋泥蛋餅 甜不辣 牛肉麵份量十足大腸麵線 味道濃 不過豬腸可以切厚點 口感會好好多招牌芋泥蛋餅 味道偏淡 因為用無鹽芝士 建議啲芝士可以改用一半有鹽 味道一點好好多 唔洗點醬都得甜不辣 就不過不失總括黎講 疫情底下 都止到我啲台灣引

大角咀晚上挺熱鬧，最近開了很多新的餐廳，但我還是喜歡半新舊的老厝邊，價廉物美😋👍🏻今晚來到不用等就有位子了，不加思索點了餐廳的招牌菜 - 芋泥蛋餅、大腸麵線、紅燒牛筋牛肉麵，再加個冬瓜茶，正👍🏻👍🏻👍🏻餐廳各樣菜式都充滿台灣地道風味，但我最欣賞這裏的芋泥蛋餅，芋頭味道濃郁，加上肉鬆香口惹味，外面包着蛋餅，新鮮熱辣辣，真係好好味，去到一定要食啊😋今年不能出外去旅行，去到大角咀都可以食到不同地方的美味，總有一點安慰😊

想食個間大排長龍，太肚餓就去左呢間老厝邊😂😂點知有驚喜！🤩叫左個 嘉義雞飯，排骨飯，芋泥蛋餅，鹽酥雞大推鹽酥雞同芋泥蛋餅😋😋鹽酥雞新鮮炸起 ，好酥脆，雞肉好嫩，好香九層塔味。芋泥蛋餅正， 好台灣口味， 啖啖芋泥，再多都得啊！ 感覺極邪惡，加埋個醬仲好食。嘉義雞飯，不過不失，味道偏淡但係雞肉唔錯。個腌菜外貌上有啲🤭味道正常排骨飯都係新鮮炸起，但係真係等左好耐☹️☹️黎到就有啲落差... 側面個啲配菜偏油 但係勝左都多配菜。 塊排隊酥軟但係偏薄身 食落唔重口味見其他人叫牛肉麵好似好好食，可能下次叫返牛肉麵同滷肉飯。價錢合理親民😚經過都可以試一試

有日見到那個好多人介紹就打算收工去食，8點半去到那個門口已經見到排晒隊，而且隊尾有個牌寫住便當賣晒冇得食，咁冇辦法啦，唯有沿住埃華街望下有咩食，路過見到間台灣野叫老厝邊，入面又坐滿人喎，見到開飯有160個好評就試試佢啦。我地2個人叫左3樣野，一個芋泥蛋餅，一個炸排骨便當同一碗紅燒牛肉麵，開飯d好評真係不能盡信，個蛋餅係好食既，我諗160好評都係因為蛋餅，其他2樣真係極之重口味蛋餅係好食既，芋泥夠香滑，蛋皮薄有蛋香，好食過阿木果份紅燒牛肉麵個湯真係好重牛肉味仲要好咸，佢加埋d雪菜咸上加咸，牛肉係金錢展但係完全冇咬口淋到爛，仲要黐牙好似湯渣咁，感覺上係同湯一齊煲咁，唔掂最後係個炸排骨便當，炸排骨正常，豆腐粒正常，飯同飯上面少少魯肉都正常，不過佢d配菜就咸到痴線，果幾塊細細塊煎蛋咸到夠係幾碗飯，個什菜係用魚湯煮，不過又係咸到癲，唔食配菜都還可以總結就係如果你返工係體力勞動，成日出汗既，就可以嚟呢間食下，一定補充返晒流失既汗水！

大角咀 · 台灣菜我地果日1145去到，第一檯客所以唔洗等～大概1點走果陣已經坐滿晒！想去嘅朋友記得早d去！••••••••••••••••🐮牛筋牛肉麵 70hkd-牛筋牛肉：好！厚！肉！同埋好淋，好有牛味。牛筋都好軟，好入味。女士們食完皮膚一定靚靚！-湯：陣陣嘅古早味，唔怕太heavy💕-蘿蔔好入味同埋仲有其他配菜。麵就普通無咩特別。🥚芋泥蛋餅 38hkd係香港黎講食過最有蛋味嘅蛋餅！入面配埋嘅芋泥雖然唔係好重味，但係都食得出淡淡芋頭味。配埋肉鬆同少少芝士無得頂！個醬汁係好普遍嘅台式辣醬，我個人唔係太鍾意食，原汁原味嘅蛋餅先係精華～🍗鹹酥雞 38hkd你無睇錯，佢唔係鹽酥雞～ 唔洗擔心，食落去完全唔怕鹹，反而個味道好balanced。雞肉好潤好juicy，唔怕太厚粉，超級香脆！絕對大推！最重要係新鮮炸出黎！環境：🐣🐣🐣🐣味道：🐣🐣🐣🐣價錢：🐣🐣🐣🐣搖尾巴指數：🐣🐣🐣🐣(最高分5個）

本身諗住食拉麵，但見長龍，就轉陣食其他野。誤打誤撞，見到有間台灣野，就入去試。我地叫咗一碗紅燒牛筋牛肉麵、大滷肉飯同芋泥蛋餅。牛肉麵望落好足料，有3塊牛展同4、5條牛筋，湯底唔算好濃味同好油，正常，牛展同牛筋炆得好入味，不錯。至於滷肉飯亦都做得不錯，肥瘦肉均等。而蛋餅有芋泥第一次食，雖然加有肉鬆，因為有甜甜的芋泥，感覺好像吃甜品一樣😝餐廳整體是中上的，就算冇得去台灣，經過開大角咀也可以順便一試頂下癮🤣