新德里餐廳

营业中

休息中

呢一間係我第一次去重慶大廈食嘅餐廳，從來都未入過去重慶大廈嘅我，啱啱入去嘅時候有少少驚，不過上到去之後個感覺又令我有新嘅睇法，入到去餐廳都幾大入邊都有一啲香港人喺度食緊野，我哋俾人安排到一個比較角落嘅位置，餐廳播住一啲印度式嘅純音樂都令人覺得幾輕鬆，侍應都好熱情咁樣介紹餐單入邊嘅食物亦都有一啲推介，我今次揀咗食新德里炸雞、芝士煎餅、咖喱燴羊肉、青檸梳打同埋芒果乳酪。整體食物都幾好食，特別係芝士煎餅，因為個人特別比較喜歡一啲香口嘅食物，呢個煎餅點㗎呢非常之夾。題外話，喺食物嚟之前餐廳侍應會比一盤薄餅，而嗰個薄餅係可以點枱面嘅兩種醬汁，我相信一種係燒烤汁，而另一種應該係辣豆醬。嗰隻炸雞其實都幾好食，唔係嗰種炸到好乾身嘅炸雞，而係入邊都有滑溜嘅感覺。個羊肉相對上有啲遜色，雖然個咖喱汁都好好味但係個羊肉就有啲乾。不過整體來講，其實呢一間餐廳CP值都幾高因為都好平同幾好食，但你叫我食多一次我就會寧願揀其他印度餐廳。

是但問個香港人都知重慶大廈的印度野最出名，而如果你問我邊間最好食？我會答你係新德里。可能大家睇得多《重慶森林》，會以為重慶大廈係一個有關殺手、罪惡、槍林彈雨之地而卻步（我細蚊仔個陣都係咁諗）。畢竟重慶大廈的確有自己生態（詳情可以睇下我老死中大人類學教授麥高登著作：《世界中心的貧民窟：香港重慶大廈》），明明是香港地方，一搭入大廈一步，周圍的顏色氣味都唔同曬。而且一入去就勁多印度人sell野好唔舒服，自己行的話，地面個層得印度鋪同找換店行到暈陀陀。我自小係尖沙咀成長，對於去重慶大廈食咖哩，都算有d心得，我可以話比大家聽，唔洗怕，去食新德里，係有攻略。你只要係大廈門口講句：新德里！之後就會有好友善的印度手足親自帶你上餐廳。先睇下menu。落完order就會送餐前小吃papadam。Papadam脆扑扑，不過就咁食就咸d，所以可以點埋枱面的薄荷醬同燒烤醬。免費小吃，不過不失啦。作為多年新德里fans的話，芝士烤餅係必食的！而作為多年新德里fans，我覺得芝士烤餅＋菠菜芝士的味道是最夾的！只是那拉絲芝士足以把玩四個小時，拉到我樂而忘返！仲叫多份蒜蓉烤餅。蒜蓉味充足，不過就真係太大塊，仲大過我塊面

男友喜歡吃咖哩，一於上openrice看看有什麼咖哩小店好吃。這間小店食評不錯便去試試。小店位於重慶大廈，裡頭有各式不同的餐廳，店員很熱情地為各自的店舖拉客。我們找到 "新德里"的員工，他直接帶我地上餐廳。餐廳裝修簡潔乾淨，地方亦闊落。我們點了幾個招牌菜，分別有香燒春雞脾、芝士烤餅、燴羊肉 及 芒果乳酪。芒果乳酪最先送到，大大杯果味香濃，感覺是新鮮攪成沒有溝水。有沒有乳酪已不再重要，啖啖杧果香夠晒吸引。雞脾細細隻有蔬菜墊底，熱騰騰跟鐵板上。店員細心地將雞脾切開一半，方便食用。雞脾厚身但肉質嫰滑，味道不是太濃，有淡淡的炭燒味。雖然沒有醬汁但亦不會乾身！烤餅漲卜卜，外皮有少許燒焦。內裡芝士蠻多，是最愛的起絲芝士!! 烤餅煙韌有咬口，芝士香口而且不會令人有太飽太滯的感覺。大家記得襯熱吃，超讚!羊肉細細碟，咖哩味道較正宗，有多種香料，味道易入口。平時我只愛吃日式咖哩，估不到這裡的咖哩連我也覺得不錯。香料味道不會太搶，小辣=微辣，是香港人可以接受的辣度。男友對這餐很滿意，結帳時發現這裡沒有收取加一服務費，平均每人$100有找，對比起其他位於尖沙咀的餐廳，來得好吃抵吃。

呢塊送ge餅..食落去冇咩味~~係靠台面上d醬啦~~~呢個牛油餅唔會太肥膩~~~牛油味係重ge~~~咖哩雞~~~雞肉就麻麻地啦~~~冇咩雞味,,,但個咖哩係真心好味ge~~~我個人係食得spricy ge~~~所以接受到啦~~~~香料都幾足呀~~~Mango Lassi 係我覺得最好味嘅~不過如果冰可以少d就好啦~~~講真~~~芒果味真係好重~~~感覺幾真材實料~~~不過$30蚊...好似....

之前試過7E咖哩王，今次一於試下呢間。胡椒餅：2塊。免費送的。即烤即吃，上檯時仍暖的。餅內有切碎了的原粒黑胡椒，塗上甜醬及青薄荷醬，吃起來也辣辣的，薄薄的餅身夠香脆，帶點胡椒辣味，是很惹味的開胃小食呢，這是點著桌上的兩隻調味醬汁同吃的，$55大辣咖喱雞：由於知道其他小辣都唔辣，經印度叔叔介紹這個最辣，好味！獨待香料味道有別一般港式咖喱，最適合拌著烤餅吃，對嗜辣之人來說味道仍不是很辣，份量不算大，約6件雞，還有少少薯仔$18。蒜茸烤餅：烤餅內夾著香料，微微的蒜茸味道，伴上咖喱汁食，十分滋味$60。新德里炒飯：長身的印度米特別，炒到粒粒分明，微辣，有不少配料，如：雞、蛋白、青豆、青椒、紅蘿蔔…$10。馬沙拉茶：加入香料的奶茶味道很獨特，只有熱飲供應，滑且香，“馬沙拉”的香料味$27。芒果乳酪：不是冰凍的，味道不算濃，乳酪味不酸，有別平常所飲的乳酪，頗特別的裝飾雖然簡單，但環境頗清潔整齊，富地道特色，招呼不錯，價錢合理二人合共$170新德里：環境衛生。服務7E咖哩王：味道。價錢

收工就出左去想去好耐既重慶大廈食我至愛既咖哩~第一次我就選擇左openrice至多笑面既3樓新德里去食~上到去~覺得個環都ok bor~都算乾淨~之後就開始點菜~點左好多人推介既咖哩角+芝士薄餅+新德里薄餅+大辣既咖哩羊肉+小辣有蕃茄既咖哩魚~我地2個人食~諗住再叫多2隻咖哩角同薄餅試下~老闆好細心咁話食完先叫~怕我地食唔哂~送既薄脆餅+2種汁: d汁紅色果隻好食d.....咖哩角:本人覺得勁好食,個外層好實在,裡面有熱辣辣既薯仔,,,,,,yummy~芝士薄餅:又係好好食~好香芝士味,但如果點左咖哩汁~會似原味多d...所以本人中意淨咁食...(本人勁愛飽類野)新德里薄餅:即係將d芝士變左蛋...味道都ok....本人較好芝士.....大辣既咖哩羊肉:都唔算好辣,羊肉好好食.唔so....正....小辣有蕃茄既咖哩魚:都ok....但唔突出.....芒果乳酪:好杰好濃....味道都ok.....所有野比我地2個人清哂....因為真係好好味....薄餅比咖喱更正.....呢間.....本人一定會再幫襯......