7E咖喱王

营业中

休息中

十幾年前, “帝皇” 帶一班大學同學去 “重慶大廈” 食咖喱, 年少無知, 當然大開眼界. 轉眼十年, 試過其他唔同嘅咖喱, 最後, 我最鍾意嘅都係印度咖喱, 特別係重慶大廈嘅 “7E咖喱王”.😂 話說早幾個月前開始咖喱癮發作, 試過幾次一個人嚟食 (Why not?). 現實係, 搵朋友同你嚟重慶大廈真係好困難. 問問下, “細妹” 竟然話有興趣, 轉頭搵埋 “意大利長介”.今日約咗喺重慶大廈門口集合, 然後我帶路直衝入E座 (直行, 見到警崗右轉, 去到盡頭左轉, 一直行到最尾, E座𨋢口係右手邊). 沿途好多人申手派傳單俾我哋. 上到7樓, 一梯幾伙, 其中一伙就係 “7E咖喱王”, 其餘似係賓館 (唔係講笑, 我同事 “波特” 第一日嚟香港就係住重慶大廈嘅賓館). 餐廳裝修簡單光猛, 整潔程度同茶餐廳差唔多.🥢 小食: 薄脆餅, 配綠色嘅奶酪醬. 送嘅, 好食.🥟 免治牛肉咖喱角, Beef Samosa. 皮脆, 唔油, 餡料分量充足.🐓 香燒雞塊, Tandoori Chicken. 用鐵板上, 肉質厚滑, 香料味道入晒雞肉, 超讚.🐐 串燒免治羊肉卷, Seekh K

旅行前要唱錢，順便想行吓尖沙咀，周末就過去咗重慶大廈附近。唱錢之後到食飯時間，見到網上話7E咖哩王好食，就上去試試。原來入面有A, B, C, D, E等好多座，唔小心好易搵錯。入面侍應招呼好好，我哋唔明菜式，佢耐心講解入面嘅食材。最後我哋叫咗魚，雞飯，咖喱角，蒜香薄餅，同芒果乳酸。芒果乳酸最快嚟到，芒果味濃，喺餐前飲酸酸的，食欲大增。依個應是素咖喱角，脆口，汁料香濃。馬德里魚有椰香，色香味俱全魚同汁去配蒜香薄餅好夾，蒜香naan值得推介，兩個人食咗三件唔夠喉🤣同埋佢啲香濃嘅咖喱汁剩低嘅時候，真係想嗌多一份😣 不過之後其他野食到我哋好飽下次有機會多啲人嚟食就會再點唔同味道嘅naan印度雞飯較辣，飯粒乾身，雞件入味，好正宗，配合芒果乳酸，消一消辣，都幾夾。今次經驗令我對重慶大廈了解左啲啲，下次都會想約多幾個朋友一齊再過嚟幫襯

重慶大廈搵食初體驗，晚飯當晚全店滿坐， 還不時有客人等位， 期待…威化胡椒餅 $0點菜後，先送你一份威化胡椒餅，配薄荷醬食可中和胡椒餅的咸味， 香脆可口。蒜茸烤餅 $27 蒜茸味夠，烤餅外皮及內心鬆厚柔軟。窩仔牛腩 $132 汁香濃帶酸， 點薄餅或配白飯食都錯， 好醒胃🤤，牛腩軟腍好入味。 窩仔蝦 $165咖喱汁不辣，一窩約有7-8隻中蝦，蝦沒有鮮味。芒果乳酸 $39飲品濃稠， 飲得出印度芒果香味😋，略嫌細杯， 唔夠喉。推介: 窩仔牛腩 & 芒果乳酸

重慶大廈就成日都經過 但入去食野就真係第一次～ 為咗食正宗咖喱 獻出第一次🤣 果然無令我失望！.今次食咗....🌟特式香料雞呢個真係好正！我朋友唔食得辣本身都驚驚地，食落唔太辣甜甜地，食到啲香料味道好驚喜，係未食過既味道，撈飯同點薄餅都好惹味😋清曬！必食！.🌟咖哩牛腩食第一啖覺得好食，係平時食到既咖喱味，啱啲唔太喜歡香料同重口味既人食～明明開頭食都覺得好好味，可能因為香料雞個味太特別同驚喜，相比下呢個會普通啲，不過都試得過😋.🌟芝士烤餅食咖喱點可以無烤餅！！！呢個芝士烤餅好大份，咬開中間充滿住芝士，好滿足， 點埋咖哩食簡直係天堂❤️❤️❤️ 咖哩同烤餅真係天生一對！一定要嗌呀！飲品方面🌟芒果乳酸口感好杰好濃 好重芒果味🍹.🌟青檸梳打中規中矩 正常味道 食完咖喱飲呢個清清地好fresh!.有個重點就係個到啲職員全部都好nice!!!!服務態度好好，唔知嗌邊樣好可以請佢地推介一下，餐飯食得好舒服☺️

不嬲都有鋪印度癮，間唔時就要食一餐，今次去開尖沙咀，所以就揀咗食7E咖喱王 呢間餐廳我已經食過幾次，第一次係同事介紹，食過之後覺得唔錯，所以間唔時都會再泥威化胡椒餅：免費送的！好脆！印式薯仔沙律：大大碟，好多料！分別有芝士、青瓜、蕃茄同埋薯仔濃汁咖哩蝦：好多蝦，啲蝦係爽嘅！個汁唔算辣，同埋好濃味！撈飯一流！印度香料雞：呢個對比濃汁咖喱蝦多啲椰汁，好香奶味，係我嘅至愛！蒜茸烤餅：對比起其他鋪頭，佢呢個蝦餅好香蒜蓉味，撈咖喱汁食同埋就咁食都好好味，正！白飯係食咖喱嘅必備之選！芒果乳酸：好濃芒果味，清新之選！青檸梳打：開胃之選！食完之後老闆仲好好咁送咗張VIP咭俾我哋

勁耐冇食過印度野，而去到印度餐廳一定要飲佢，非常之有名氣嘅芒果乳酸。芒果本身都好清甜，味道吸引再加埋打成奶昔真係令人無法抗拒。印度餐廳一直都做得好正宗，呢度就好似比其他更帶點酸酸地。同埋好正宗嘅飲品就係馬沙拉茶，佢比普通港式奶茶帶多啲印度茶嘅香味同埋更加甜，其實會有啲似泰國嘅奶茶。如果飲品再大杯啲就更正啦😜而呢個燒烤正常好豐富，有雞有印度看料卷又有揸到好香脆嘅魚柳等。好似雞肉都有兩款，特別豐富，叫呢個精選就可以試晒唔同嘅嘢食，每樣食d啱啱好。咁鍾意食芝士就梗係要食呢個芝士薄餅啦！芝士總係啱我心意既！之後香濃茄汁燴蝦球，番茄味道清新開胃。但提提大家呢個係用蝦仁嗰種蝦球。食咖哩就一定要有牛肉啦，選擇咗咖喱王牛腩特式。牛腩大大件，好香牛味，咖喱味容易入口。我覺得每樣菜式份量方面，一定唔會浪費。而其醬汁嘅份量非常之多，我諗大家係薄餅同埋炒飯等等配合一齊食嘅話可以撈到幾碗飯都唔止！！

去開尖沙咀，經過重慶大廈想去試吓印度特色咖喱，等lift好多人，上到去餐廳鋪面較細，裝修簡約食物選擇都算多，牛羊海鮮等都有先點左份咖哩角，有四件，以薯蓉為主材料，再有青豆香料等，味道都算香肉類就揀左羊肉咖哩，呢款咖哩香港比較少見，面層好似係一些蔬菜，羊肉煮得幾軟，而汁醬比較重口味配上薯仔烤餅食唔錯，烤餅燒得香脆，裡面有薯蓉及其他香料另外再叫左份芝士球，同我想像中有點唔同，原來係好多醬汁，芝士球其實似薯仔裡有芝士粒，再配上微辣嘅汁料怕辣嘅朋友可以試下芒果乳酸，因為酸酸甜甜可以解辣朋友嘅青檸梳打亦夠解渴餐廳咖哩同一般食開嘅咖哩唔同，可能係印度口味，大家有興趣可以試下

放工約咗姪女係尖沙咀食飯, 佢話想食咖哩,毫無頭緒嘅我就問同事有咩推介, 佢二話不說就介紹我食7E咖哩王, 仲話呢間必食唔可以錯過! 你講到咁, 我就即管試吓有幾好食! 結果,真係好好食 佢冇介紹錯威化楜椒餅~好薄好脆味道鹹鹹哋, 點啲綠色醬汁個味道又會唔同咗, 綠色醬汁有辣椒,洋蔥同薄荷葉, 辣得嚟好清新, 中和咗脆餅嘅鹹, 配合一齊食都唔錯!印度咖哩角~外皮較厚身都炸得幾脆, 裡面包有好香咖哩味嘅薯仔同青豆, 都幾大隻, 對我來說一隻已經好足夠!印度香料雞~醬汁甜甜地食落有會啲微辣 , 帶有好香嘅香葉味 , 雞肉肉質嫩滑, 每件雞都被醬汁重重包住, 所以雞肉好入味! 食到我停唔到口! 小亮推介原汁咖哩羊肉~ 好香咖哩味, 辣度適中, 用來點烤餅簡直係一流! 羊肉一啲都唔羶, 仲要煮得好腍好入味! 如果羊肉可以多番啲就更加好了！食咖哩當然要配烤餅啦！牛油烤餅~ 烤餅都幾大塊, 厚薄適中, 好香牛油味同酥脆, 點咖哩汁同香料雞個汁都係冇得頂嘅食咗咁多重口味, 當然要嚟杯飲品refresh 一下芒果乳酸 ~ 好濃嘅芒果味, 甜酸度恰好, 幾好飲!

老豆鍾意食辣，但又唔鍾意油膩嘢食， 所以對麻辣火鍋,川菜嗰啲興趣不大， 呢日諗起可以帶佢食印度菜， 所以呢日就特意來到重慶大廈7樓呢間好多人推薦過嘅餐廳-7E咖哩王 ( 餐廳名即系地址7樓E室， 包你唔會去錯地點👍😆)一坐低老闆就送上一客威化胡椒餅， 塊餅又薄又香脆， 胡椒味頗突出， 鹹鹹地好開胃😁兩個不太了解印度菜的傻瓜望著餐牌良久仍未能決定吃什麼， 旁邊嘅老闆決定出手， 好好笑容咁行過嚟問我哋有咩特別想食， 我哋就反問有咩推介😆， 佢話既然係咁一於幫我哋叫個前菜, 一個羊肉同雞肉咖哩，加一個薄餅， 額外每人一杯飲品， 聽落就知有幾豐富🍻🙌🙌前菜- 印度咖哩角✨喺我腦海中咖哩角同春卷差唔多， 都係炸脆咗個皮， 裏面包住啲有咖哩醬嘅雜菜絲... 估唔到印度咖哩卷個皮係香脆咁多， 外面餅皮比一般春卷厚實， 但由於新鮮炸好，輕易就能咬開， 外皮亦比我想像中"輕盈"， 一點也不油膩👍外皮冇咩咖哩味本身有啲失望， 原來咖哩嘅精華在餡料之中！ 裏面包住有咖哩香的薯仔和青豆， 完全有內脆內軟嘅效果， 食到裏面熱到冒著煙，又香軟嘅薯仔蓉，好滿足💕💕 老闆仲特意提醒我哋可以點啲薄荷醬食， 估唔到又幾清

繼上次第一次同友人去重慶大廈食7E咖哩後,一試難忘,於是趁今日有機會,帶男友再次深入重慶森林。一上到去,多人到呢...好彩2人枱好快就有lu~但食食下要轉枱既,不過冇辦法,實在太多人la~今次點了--- 特色烤雞 : 鐵板上的,waiter一送上黎出晒煙,擠檸檬汁既時候鐵板發出"吱吱"聲,證明:鐵板非常之熱。烤雞應該係雞全脾黎的,有2隻,共4件,好有燒烤的香味同味道,雞肉也好嫰,一點都唔"鞋",好好味!!!:燒羊肉咖哩 : 第2次食了,上次冒險地點了這個,點知個個都話好味;知道男友好鍾意食羊肉,就點了;結果男友覺得超好味,連骨也想啜埋=];而我,一直好怕羊有羶味,一開始食有少少,食落左一d都唔覺得有;羊肉超腍,但唔係用梳打粉整既腍,骨連肉係最好味,因為肉質會比較腍,好好好味!!!!!!這個也辣辣地的~ 濃汁蕃茄蝦 : 個汁一d蕃茄味都冇,只係有好甜同椰汁的味道,比較岩唔食辣既人;我最怕蝦係"梅",但這個一d都唔"梅",一碟都有10多隻蝦的,但size唔大;食到尾,發現原來有菠蘿粒;如果唔想only食肉的話,可以叫這個既~芝士薄餅 : 上次食係超好味,好多cheese,好香;但今次好似失