甜源居

营业中

休息中

星期日和幾個朋友去西貢吃海鮮後，大家想找個地方繼續聊天，於是看到附近有間甜品店環境不錯，就進去試試。這間甜品店的甜品很特別，我們點了幾款獨特的甜品。朱古力沙冰味道濃郁，沙冰加上朱古力醬和棉花糖，讓人忍不住一口接一口，非常適合喜歡朱古力的人。芒果河粉，這道甜品給人眼前一亮的感覺。河粉滑溜充滿椰汁的香味，配上新鮮的芒果肉，用筷子來品嚐，更能體會河粉的滑溜口感。榴槤班戟，榴槤的香氣撲鼻而來，薄薄的班戟皮包著充滿榴槤蓉及忌廉內餡，每一口都充滿驚喜。這裡每款甜品都有其獨特的風味和口感而且環境也非常舒適，是和朋友聊天的好地方。

天氣太熱大大小小朋友仔暑假去西貢遊船河回程經過碼頭必定會去食甜品在海旁附近見到“甜源居”🥭芒果超吸引😋剛剛上岸，未是高峰期,可以座得好舒服😍😍朱古力沙冰🍦小朋友最喜歡食朱古力沙冰，不會太甜，濃香朱古力味凍冰冰大大杯真的要同人分享才可食完招牌楊枝甘露大大件香甜芒果🥭西米軟硬適中柚子香甜加上椰香奶味，又唔甜天氣咁熱食碗甜品真的大滿足😁芒果河粉香甜芒果河粉柔軟順滑香濃芒果汁清新而不會覺得好飽😋榴槤班戟一上枱已傳來榴槤飄香大大件香甜榴槤肉薄薄綠色的班戟超軟滑忌廉香甜又順滑簡直完美配搭

夏天熱辣辣，天時暑熱，食完飯當然好想再食凍冰冰甜品，呢間西貢甜品屋裝修別緻，冷氣開放，當然好值得試吓啦🥰🥰🥰有相為證，芒果河粉有好多芒果蓉，亦都有好多芒果果肉，鍾意食芒果嘅朋友仔一定會好鍾意，而且芒果色澤深黃，一睇到都覺得好甜好好味，加埋「河粉」真係一絕，冰涼消暑嘅好選擇朱古力沙冰上面有又厚又香濃的朱古力醬，仲有好多粒軟綿綿又五彩繽紛嘅棉花糖，見到已經垂涎欲滴，食一啖即刻冰涼晒，由口腔一直落到個胃，真係好爽😋😋

最近陽光普照，去咗西貢度玩完，熱辣辣好想食返個甜品先，好彩都搵到甜品舖😍😍朱古力沙冰鍾意食朱古力🍫嘅我梗係要試一試沙冰，外型非常之吸引，見到面頭有啲朱古力醬同埋棉花糖😎沙冰嘅朱古力味十分之濃郁，口感亦好綿滑，啱晒炎炎夏日去食芒果河粉🥭每次睇到都覺得河粉都覺得好特別，食緊甜品又好似唔係食緊甜品😈全個底用晒芒果汁，十分之滿足，仲有好多芒果果肉喺入邊榴槤班戟估唔到個班戟有三大嚿😍班戟皮都算薄，食落去啱啱好，而入邊有好多榴槤果肉，加埋cream 一齊食雙重感受👍🏼👍🏼👍🏼甜源居 (西貢)西貢西貢海傍街16號地舖

下晝同朋友經過，食完午餐之後想搵個地方食甜品。見到呢間甜品2:00就開門，所以就去咗呢度試吓。佢嘅榴槤同埋芒果河粉係人氣之選，食過好多唔同嘅甜品舖好多芒果都係酸嘅，一係就冇乜芒果味。但係今次嚟到呢度食呢個芒果河粉，芒果係非常之清甜，再加上河粉造型嘅椰子蒟蒻啫喱，又彈牙又爽口，真係好好食，仲有煙靭嘅西米，口感真係一流，份量比較大碗，所以可以兩個人share。我哋仲嗌咗碗，榴槤飄香，榴槤味非常之濃，仲有一舊榴槤嘅果肉，鍾意食榴槤嘅一定要試吓。

西貢糖水夜食完正餐，最岩同朋友食埋糖水作為結尾。右：榴連忘返榴連蓉+紫米+榴連露既組合好夾！口感較好，味道唔算好甜，但榴連味唔算濃左：榴連飄香質地同西米露都夾，口感軟糯，有大大勺榴連蓉！一樣，味道唔算好甜，但榴連味唔算濃芒果河粉（應該係佢地既招牌）分量真係好大碗，係麵碗size！食左正餐既人最好兩個人share一碗。其實唔係真係出面食河粉質地，非糯米粉，係似滑身，淡椰汁蒟蒻製成既粉，爽Q口感，加埋芒果汁食都唔會好’漏‘😋 但可能時令關係，冬天食芒果就唔太香甜，但都還可以。有位朋友唔食榴連 又唔食芒果選擇左中式熱糖水，比西式糖水遜色比較稀，味道淡總結：西式糖水比較出色，選擇好多，味道唔錯！推介！

「一台獨大 」的殺傷力真的比想像中來得更大，令旁邊的同行競爭對手失去空間，亦令內裡的從業人員選擇大減，看完昨晚大台的台慶頒獎典禮後，令我有感而發。西貢其實都有點同病相憐，因為糖水甜品店「X記」有西貢成名後，生意急速擴張發展，現在全香港都有它的分店。「X記」的出現，大大影響它西貢總店旁邊，其他甜品店的生意額。這些甜品店最終不是被迫結業，就是要搬到其他地區，避開「X記」的風頭，「甜源居」正正就是受害者之一。最初「甜源居」在「X記」旁邊營業，「X記」每天大收旺場，店內逼滿食客，連帶「甜源居」的生意額亦大受影響，最後被迫搬到魚類批發市場旁邊繼續營業，才能尋回一線生機。雖則「甜源居」搬到魚類批發市場旁邊，市場街近年也成為了遊客的出沒點，但「甜源居」始終處於比較隱蔽的位置。如果「甜源居」不刻意宣傳，外人不認識「甜源居」的話，即使進入西貢的遊客，也未必能輕易找到「甜源居」。「甜源居」是獨立甜品小店，只此一間，不像「X記」儼如一個品牌般，開到全香港都是它們的分店店舖。「甜源居」有着「X記」現在沒有的，貼地又親民的街坊氣息，牆上掛着大量名人幫襯過「甜源居」的留念照片。跟「X記」相比，「甜源居」一樣有榴槤

Vi每次黎西貢食飯之後都會黎呢間甜源居食糖水, 好喜歡呢度既家庭式經營, 而且糖水又多款, 今次同家人黎西貢食飯, 都一樣黎左甜源居 點左幾款糖水, 其中Vi最喜愛的就係呢款白雪公主, 入面其實係山竹, 青心丸,薏米同椰汁, 講真, Vi從未o係其他糖水店見到有山竹既糖水, 所以覺得呢個配搭好特別, 山竹肉有好多, 好好食, 而青心丸係類似jelly既質感, 加埋薏米, 成個糖水好有咬口, 而椰汁底食落似普通罐頭果隻, 稀身似水狀, 有點太甜, 但山竹,青心丸同薏米已經好好食~之後呢個芒果河粉係Vi母親每次都食既, 湯底係濃濃既芒果汁+西米, 而河粉其實係jelly, 質感滑溜有咬口, 上面仲有好多件芒果肉, 係唔錯既~另外仲試左炸雪米糍, 一份有4粒都幾多, 睇落好似炸帶子咁, 入面係雲尼拿雪米糍, 咬落外皮好脆, 裡面既雪米糍皮煙un, 加埋雪糕冷熱交溶幾特別, 但Vi略嫌炸粉太厚, 同埋雪糕味道只係得雲尼拿有點單調~同家人黎西貢食飯再食糖水已經係習慣, 每次走同一路線食同一款糖水也是一種溫馨 唔同既係, 近一兩次黎, 都聽到旁邊既食客大大聲講普通話, 睇黎呢度已經回復不了昔日

黎左甜源居好多次 只不過因為滿記太多人 而呢到坐得OK.今次想試下大家都推薦既芒果河粉 睇下係咪我成日叫錯野 所以覺得佢一般河粉由椰漿整成 有椰汁味 不過粗幼大少條條唔同 睇得出係自家製， 而芒果塊都幾足料 不過唔甜。 再黎就係西米， 落左好多 成碗野即時亮晶晶左 新鮮感係有，味道就真係好一般， 冇咩特別。 有少少覺得自己食緊車仔麵 ～ 呵呵。 聽朋友講 香雪公主好一般， 芒果沙冰有濃芒果味，朱古力沙冰脆皮好似好好食 ~而叫中式野既朋友都。。唔建議我地黎食中式野。。。

入西貢食糖水有時唔一定要食最出名果間，不如沿住海傍街行入少少，試下甜品如其名嘅Sweetheart Dessert甜源居啦！甜源居沒有豪華的裝修，但就有最豪華的明星陣容！對呀，牆上的都是明星光顧後的相片，Cool魔也常常是座上客呢！多明星光顧，到底是不是信心保證呢？試了芒果河粉，大大碗，用筷子食！真的有如在麵鋪的河粉般，光是賣相已十分吸引！芒果熟度剛好，河粉則有如椰汁啫哩，爽囗滑溜充滿椰汁香，加上新鮮芒果汁和西米，真是未吃完又想再Encore！另外也點了楊枝甘露，芒果、柚子和椰奶的味道配合得天衣無縫，絕對是水準之作。每逢入冬後甜源居更會推出限定流心雙皮奶。可惜我們今次早了幾天，店員說要大概11月才有！Couple們去西貢時要試喔，而且一定要試芒果河粉！

喺附同一班朋友食完海鮮，又好似未傾夠，所以就去食個甜品喇朋友帶我們黎LEE間，未試過喎！法式燉奶~~~質地都算做得好滑滑，甜左少少白雪公主~~~本來是有山竹但冇貨所以轉了海底椰、清心丸、仲有D新鮮生果，LEE個配搭都唔錯芒果河粉~~~河粉好煙UN呀，芒果又甜美喎楊枝甘露涼粉~~~楊枝甘露好足料喎，味道好好榴槤飄香~~~好多榴槤肉喎，味道都好唔錯喎楊枝甘露豆腐花~~~豆花滑滑的，好味喎 黑馬王子~~~楊枝甘露、黑珍珠仲有清心丸蛋白杏仁茶~~~好多蛋白，都好香杏仁香呀雷沙湯圓~~~麻麻地，湯圓皮唔夠煙UN呀

今日同朋友入左西貢食飯.食完飯散步散左一陣比我發現左一間好浪漫噶甜品屋..就入左去試下.入到去環境好浪漫啊.食慾都上曬.問下店主乜最好味.要特色D噶..店主就推薦左個芒果河粉..聽落幾得意喔.河粉?甜品有河粉好特別..一於就叫距啦..我d朋友聽見甘特別都跟住叫左幾個..哇..好大碗啊..個碗都好特別..食落去D河粉好香.應該系加椰汁整噶..問下店主用乜整噶..店主話系蒟蒻喔..D芒果都好新鮮..加埋成碗芒果汁..一個字.正..先33問 我覺得好值得...朋友點左個8寶海底椰..呢個8寶真系明付其實喔..好多材料..味道都好好..老人家就點左芝麻胡..距地話D芝麻胡好香.生磨噶喔...緊系香啦.成日入西貢都唔知有間甘正噶野..下次帶埋D朋友再黎先得.如果唔系食完晚飯肯定試埋其他野.,.我都霖好下次黎點乜了..炸雪糕...白雪公主.白馬皇子..D名好特別.下次要試下先得..今晚好開心.大家不妨入西貢食飯噶話就去下呢間 甜源居 試下..小弟覺得值得推薦啊.

黎到西貢最尾1站;就梗係食甜品啦!睇完OR話呢度有芒果河粉;就同男朋友叫左1碗SHARE30蚊就有D貴囉不過...蒟蒻整成O既河粉;望落已經好吸引!加埋芒果汁做O既湯底同埋少許西米;再加埋半個新鮮芒果切片;加埋1齊就好似魚片河粉!湯底O既金黃好吸引!!呢個河粉最特別係冇味精;仲要成個湯底飲晒河粉好煙UN好有咬口;芒果好甜;加埋個湯底真係好正!!下次要再黎~PS;西貢吾係淨係得滿記姐我又覺得!呢度假錢貴得有道理;滿記吾係話吾好;但係價錢偏貴我又吾太覺得值果個價!

同朋友在西貢食完晚飯,當然想食埋甜品la,不過唔係滿記,而係甜源居,貪呢度唔似前者越做越差。由於朋友第一次來,當然order芒果河粉俾佢地試下,結果不出我所料,個個讚不絕口,賣相靚,味道一流,真係可以把芒果汁底當作湯咁飲。而我就因為之前已試過芒果汁底,所以今次就轉試番石榴汁底,又香又清甜。另外再order炸湯圓,如果就咁食,就好普通,但如果淋上芒果汁(隨炸湯圓附送),即刻fresh好多