心燒食堂

营业中

休息中

【串燒性價比之選】📝整體食評食物種類豐富，已經有點眼闊肚窄，因為想試的食物實在太多，而且係美味的。性價比之選，當然係食咗咁多美食，都係$1000鬆啲，會想再回頭。進食當日係情人節，全店滿座。心燒免治雞肉棒 $48 😋9.5/10 【必食】肥美雞肉棒配上生雞蛋，配搭非常夾。兩人一串都可以夠食。燒蟶子皇 $68 😋9/10 【必食】食物新鮮，配上醬料更美味。燒珍寶網貝 $78😋8.5/10 【推薦】食材新鮮，其實新鮮已經勝過一切。燒松葉蟹配多士 $88 😋8/10松葉蟹多士非常有誠意，有6塊多士，2人食份量都略為多。多士夠熱香脆，值得可加。心燒雞翼 😋8/10不過不失😆燒特級牛脷芯 $68 😋8/10 【推薦】串燒牛脷芯特別難抗拒，沒有over cook之餘，牛脷肉質厚嫩，值得推薦。脆炸粟米金磚 $68 😋8/10 【推薦】上枱係係熱到燙咀，炸物一定要夠食。食物方面，鹽燒粟米帶點咸味，格外開胃。芝士年糕 $42 😋6/10網上都頗多人推介，但個人不太喜歡，感覺有點奇怪。年糕似湯圓口感，較喜歡甜食，不過都幾特別，值得一試。燒甜蕃薯 $38😋7/10不過不失😆燒翠肉瓜 $38 😋7.5/10不

這店已聽聞很久，但由於小弟的人群恐懼症真的令我不喜歡在銅鑼灣吃飯，見到他的facebook有一帶一露，所以和朋友一同拜訪。由於近來工作忙到太瘋狂，實在太久沒有出去吃飯，所以我對這餐真的有點期待。先說一帶一露：一看便知，係一粒超大帶子配上黑松露，仲有一圈海膽和底部有牛油果沙律。一看就知足料兼美味，加上老闆做優惠，只要68.9就可食到咁正的前菜，真的多謝一個咁有心的老細。之後我們仲點了其他的食物。串燒蝦：一看都是足料之作，其實佢主打是燒物，所以燒蝦新鮮簡單得來都十分好味，只用了少少鹽和辣粉燒，由於新鮮，所以燒得很脆很香，送酒一流。炸雞：雖然個外表沒有太金黃，但仍做到外脆內軟，而且還能保留肉汁，真的又是另一個送酒的好菜式。芝士年糕：咬下去，熱的芝心已經噴出來，外面燒得有少少硬，但年糕裡仍是軟的，所以都係好好味，令人感到十分溫暖。這店雖然有點逼，但他的環境還算舒服，加上地道日本的食物和老闆的心機，值得再來。

今次慕名而來 想食串燒但唔肯定幾點去銅鑼灣 就無訂枱大約8點去到 已經人山人海 好彩都仲有位侍應好友善咁帶我同朋友坐底不過張枱就有啲窄 明嘅 生意大做好貼心嘅係 我地shopping 完拎住個大紙袋原本放係櫈後面 侍應哥哥見我地甘辛苦就話如果唔貴重可以放係收銀處先當堂闊落哂店員可能見我地傻下傻下就好有心機咁介紹下有咩推介 加分等梗果陣發現周圍擺滿佛教嘅畫投影片都不停放出唔多畫像 幾特別好啦入正題 食串燒梗係要飲啤酒 而朋友就叫左杯荔枝xx唔記得左個名 不過幾好味頭盤黎左個海膽胡麻豆腐沙律我唔食海膽 不過朋友話幾新鮮豆腐夠凍夠滑 胡麻醬滿佈沙律 酸酸地好開胃食完沙律個碟已經白哂 侍應立即幫我地換碟 讚跟住就瘋狂食串燒豚肉提子串 見到個名就覺得好得意豚肉燒得好香 一咬落去啲提子汁咇哂出黎完全無燒乾 正燒雞翼就一般 一夾起有啲散 而且有啲乾上為 炸墨魚餅 下為手打雞肉串炸墨魚餅唔錯 香脆可口 啲肉夠實配埋個source酸酸辣辣咁雞肉串配蛋黃同燒汁 口感好彈真材實料 唔係一pack買返黎果啲燒南瓜顏色好靚 食落有陣甜味但原諒我新手 仲未諗到係咩ToT燒冬菰唔惦 一來都幾乾 二來超級咸完全遮蓋咗