影片
港铁铜锣湾站 C 出口
继续阅读
电话号码
23838686
开饭介绍
「心」者，用心也！心燒是一間以串燒為主的食堂，以心燒製食品，更以心服務食客。而心燒更是一間畫廊，每月邀請本地不同藝術家展出。營業至深宵，提供過百款酒品讓客人夜宵。
继续阅读
营业时间
今日营业
18:00 - 01:00
星期一至日
18:00 - 01:00
以上资料只供参考，请与餐厅确认详情
相关文章
成日喺銅鑼灣搵食嘅我哋竟然未試過呢間12年名店🤣今次嚟試吓真係完全冇失望，好舒服滿足嘅體驗！佢哋居酒屋有兩層，如果係同friend子慶祝一班人嚟食嘅話仲可以book房！又有得飲啤酒！私隱度極高 仲開到凌晨！串燒/炸物/熱食/酒水嘅款式都好多，最重要係食物質素非常高，完全無伏，係用心製作嘅小店啊🫶🏻🫶🏻價錢埋單大概三四百蚊一位，坐成晚+嘢食勁高質，銅鑼灣嚟講完全係值得試！-聽老闆講呢度都好多名星嚟，姜B同AK都嚟過呢度食嘢飯！🤣🤣仲喺餐廳門口嗰度簽咗1塊簽名版🤣大家可以嚟打卡發掘下！-前菜:🍢磯煮鮑魚 $188/1份真係大過我個拳頭👊🏻又大又厚肉，爽彈口感 完全唔韌唔鞋！🥹仲好新鮮 醬漬味甘甜 ！極滿足🍢一帶一露 $138/1份帶子&海膽嘅配搭，配上黑松露！海膽超鮮甜 完全唔腥 好甘甜，做開胃菜真係滿分！-燒物:🍢燒特級牛脷芯 $88/1串厚切牛舌 啖啖肉 完全唔靭 勁重牛味！高質高質🍢燒豚肉葡萄卷 $48/1串提子嘅甜味好好咁中和到豬肉嘅膩感，粒提子仲勁大勁甜又Juicy，配搭豬肉外皮少少鹹 夾得啱啱好🥹必點！！🍢心燒免治雞肉棒 $48/1串呢個係每次食串燒必點嘅項目！超入味雞肉棒+啖啖軟骨 配生雞蛋🍢燒白鱔 $98/1串白鱔肉非常厚 肉質爽口彈牙 啲魚皮都燒得好脆！淨係配搭少少嘅鹽燒味 已經夠晒 完全可以食返白鱔嘅鮮味！🍢心燒龍串鳳 $58/1串燒雞翼夾住咗啲蝦乾😹幾特別！🍢燒芝士年糕 $42/1串🍢燒菠蘿 $38/1串🍢豬頸肉伴柚子汁 $48/1串-炸物: 🍢脆炸自家製牛肉餅HK$88/1份佢哋自己手打嘅牛肉餡😮睇片都見到炸皮勁薄勁脆 一切開就聞到極香牛肉味！值得一試👍🏻🍢雞皮餃 $68/1份超香口 皮超薄 裡面啲餡爆滿 一咬就爆出嚟🤣餸酒咬下一流🍢脆炸粟米金磚炸粟米 $78/1份好得意嘅炸粟米😆最正係無芯，可以啖啖肉慢慢食🤣-甜品:🍢燒芝麻/花生湯丸 $30/1份第一次試燒湯圓🤣煙煙韌韌咁 花生/芝麻餡都好好味🤣
继续阅读
今次一行10人黎呢間餐廳幫朋友慶祝生日，早幾日訂咗位之後，餐廳就安排咗一間房間俾我哋用餐，夠晒私隱度，非常適合朋友聚會，唔怕大聲傾偈嘈到其他人，亦唔怕其他食客騷擾到我哋。佢嘅串燒種類都算多，基本種類嘅豬牛雞海鮮都有供應，而比較特別嘅就包括有豚肉包提子串燒，提子嘅甜味中和左豬肉嘅油膩，係一個幾合拍嘅組合，而且提子食起上嚟非常多汁。另外值得一提嘅仲有佢嘅爆膽丼，每三個人就可以預訂1份，$99嘅價錢就可以食到一碗鋪滿三文魚子同海膽嘅丼飯，魚子同海膽食落都好新鮮，冇任何怪味，而佢提供嘅份量就好似日本旅遊節目上面嘅海膽三文魚子放題，非常有滿足感
继续阅读
放工想去小酌幾杯，同時又想有高質嘅食物，居酒屋絕對係個好選擇🤩心燒食堂滿足哂兩個願望之餘，仲要推出勁抵食$98海膽飯優惠，即刻叫埋朋友放工直落啦🥳-🔥必食Items ▫️ 爆膽丼★★★★★ （$98 只限星期一至四 需預留） 新鮮海膽配三文魚籽同日本產蛋黃，呢個配搭簡直💯，雖然上枱個陣覺得有少少細碗，但好在海膽嘅份糧好足，又大塊又鮮甜🤩懷疑佢海膽多過飯🤫▫️ 涼拌山葵牛脷$45 ★★★★★山葵加埋蒜蓉做醬料，同牛脷好夾，口感夠哂爽口彈牙，開胃小菜一流👍🏻▫️ 炸七味魷魚鬚 $68 ★★★★☆魷魚鬚炸得好酥脆，配埋檸檬汁都唔錯，好啱做下酒菜😆▫️ 黑松露蟹柳炒飯 $98 ★★★★☆餐廳都幾大方比左唔少黑松露，如果個松露味再出啲會更惹味🤌🏻
继续阅读
呢間又係 book mark 咗好耐，今日終於有機會一試。首先一定要介紹呢個兩餸爆膽丼，想食要預訂，碗仔細細，但海膽勁多又鮮味，撈埋隻日本雞蛋（朋友唔食所以另上），真係欲罷不能。唯一可惜係冇咗三文魚籽，唔知係咪缺貨？不過齋食海膽都好滿足😋。跟住就係幾款燒物，包括特級牛脷芯，豬頸肉伴柚子汁，鹽燒心燒雞翼同燒冬菇，樣樣都高質，牛脷芯同豬頸肉夠 juicy，雞翼燒得夠香口，冬菇就正常發揮，燒完唔會太乾，好食。再之後係幾款小食甜品，包括燒芝士年糕餅，燒菠蘿同燒芝麻湯圓。芝士年糕餅芝士味勁濃郁，絕對有驚喜；燒菠蘿係呢度嘅名物，又甜又 juicy；芝麻湯圓都幾有趣，外形勁似燒墨魚丸😹，味道都唔錯，如果可以整到佢流心就更加好（我認我好貪心😎）。朋友唔飲酒，所以我叫咗杯 mocktail，呢杯 Baby Bellini 有桃片，橙汁，檸檬汁同薑啤，對於我嚟講實在太甜，下次可能叫梳打類較好。最後必須一提，呢度嘅服務認真好，打電話同佢哋溝通過兩次，兩次都非常有禮，值得一讚👍。
继续阅读
—🥗 一帶一露🌽 脆炸粟米金磚•🍢 燒特級牛脷芯🍢 燒豬頸肉伴柚子汁🍢 燒豚肉葡萄卷❤️🍢 心燒免治雞肉棒🍢 燒白鱔🍢 燒翠肉瓜🍢 燒菠蘿❤️•🍲 心燒炒麵—好久沒來心燒了 掛住個燒豚肉葡萄卷吾知係咪禮拜五晚太多人 好似無以前咁好食了...
继续阅读