半熟工房 (金馬倫道) (已結業)

芝士略甜，唔夠香濃。個人鍾意鹹芝士，哩款無咩鹹味。蛋撻皮有少少硬，可能是剛出爐的關係吧，如果軟一點會更有牛油的香味。但勝在剛出爐，好辣手，熱辣辣的感覺好淨。咬破表皮，一淡落去，好creamy，但又唔會流出哩，唔會食到周圍都係。

出開去尖沙咀，當然係去買芝士撻，氹下我最親愛的姐姐，等佢喺呢三個月屋企環境被擠迫下開心少少啦！今次去到見到有新嘢，藍莓芝士蛋糕（凍食）！買仲有已經唔新但我冇食過嘅半熟綠茶芝士撻同半熟朱古力撻藍莓芝士蛋糕，說真的不太有藍莓味，芝士味亦不太出色，讚的只是不太膩，可一次食兩件半熟芝士撻，忌廉芝士流出嚟，超正半熟綠茶芝士撻，綠茶非常出色，更中和咗芝士嘅膩口感，感覺食完一件都冇咁膩半熟朱古力撻，非常邪惡朱古力漿湧出嚟，朱古力控必然選擇依家半熟芝士撻仲做緊$120六件，抵食過之前，仲唔洗點排隊，可以一試

聞名已久，今日終於食到半熟工房既芝士撻，個撻比想像中大個，而且熱辣辣食好creamy，芝士味都算濃，而且又唔會太咸，奶味都幾重，入面仲要係流心，好滑好正，個撻皮焗得好脆好脆，好香好好食，食完一啲都唔覺得濟，食多個都得😆😆

呢間店一開既時候，成日都有一條長龍，所以見到都唔想排。依家終於無人排，見到有新鮮出爐既芝士撻，就忍唔住買左黎試下。呢到幾好，有d位比你即場食埋。睇落好似平平無奇，仲要20幾蚊一個，好似唔抵甘。但一食你就會知係值得既，一個撻，充滿曬芝士，個撻皮又好食。呢個配搭真係無得輸。加上岩岩出爐，熱辣辣，芝士好似係你口中溶化甘。因為太好食，買左番去比屋企人食。屋企人話一般啦，雖然好有芝士味。我心諗點會丫，一食，凍左既芝士撻，d芝士唔流，好似一pat野甘，雖然個味仲係一樣，都係好食，但口感唔同曬。所以一定要趁熱食!!!!!!!!!!另外，好似仲有朱古力味同抹茶味，下次有機會再試。行街經過買黎食下都唔錯，不過因為芝士都幾飽，最好唔好食飯前食。

次次行過見到都想食！不過每次一係就去緊食飯，一係就已經食飽左，所以一直都無緣試到！今次真係好想食，即使已經好飽，但都堅持要入去食個飯後甜品！哈哈！我地好好彩，撞正佢新鮮出爐，熱辣辣咁！咬落好Creamy，軟綿綿，入口即溶嘅感覺！超正呀！！！佢個撻皮同芝士嘅配搭簡直天衣無縫！聽落好似好誇張？但事實真係有種完美嘅感覺！少左其中一樣，都出唔到個效果！！

芝士撻終於吃到半熟工場的芝士撻這裡的芝士撻係曲奇底，個曲奇底實淨，不會一觸即散。但也不失香脆！芝士撻表面脹卜卜，咬下去，芝士不其然流出來！芝士不太濃！有點乳酸味。味道不錯！價格郤是其他芝士撻之最！而且吃一個勁濟！吃時，要小口的吃，如果唔係d芝士會勁快流哂出來，令你狠狽萭分！ 綠茶半熟芝士撻這個緑茶芝士撻係新產品，每次出爐，很快就掃清光。而這個撻係以綠茶為主角，翻焗後，竟然重有小小流心，有淡淡的綠茶味，微甘。綠茶味不濃，而芝士味也不重，雖然無咁濟！但就無原味咁香咁好吃！

食過sogo個間人龍店亦鍾意食芝士撻！今次就轉戰tst呢間長龍店！22蚊個撻我會有要求，但同預期都有差少出入！雖然好夠芝味但唔夠流心！不過個撻就比sogo個間大件嘅！所以行過唔多人排都可以一試嘅！

五點鐘去到 已經有長長人龍 結果排左半個鐘半熟工房既芝士撻定價$22一件 比對面海既bake貴$2 但就大件好多 芝士料多到脹卜卜芝士撻既芝士味都濃 不過冇bake咁有層次半熟工房仲有賣半熟蛋糕 比起芝士撻 我會prefer半熟蛋糕 蛋糕質感綿滑 介乎雪糕同蛋糕之間既口感 好好味最重要既係買半熟蛋糕係唔使排隊的 誠意推薦

今天下午放假3點幾出開尖沙咀, 經過半熟工房未見有人潮, 一個箭步走入去買來食過先叫潮人, 只需用5分鐘便等到剛出爐既芝士撻.  買了半打最潮既芝士撻及半熟芝士蛋糕回家和家人分享.  我急不及待趁新鮮先食一個, 曲奇餅皮較薄脆而不鬆，可能size較大餅皮薄一拎起很易裂開，餡面不夠漲滿，餡料有半流帶有淡淡芝士味。頗像食芝士蛋糕. 再試一個雪凍後食，但餅皮已變軟，芝士餡質地似芝士凍餅。整體味道是好的，熱食較好。包裝袋+餅盒很日式，兩層間格以防撞爛.反而我較喜歡半熟芝士蛋糕$75(5件)，size細細，每個獨立包裝好像日式伴手禮。雪凍後取出即食，像梳乎里軟綿綿入口即融，有點像以往很流行"E虅家"既日式水焗芝士蛋糕，這個質地更溶化，帶著淡淡芝士味不會太濃太膩。獨自也能輕易吃光一件。 包裝很緻細, 寫明用靚料, 北海道特濃奶油芝士, 日本麵粉及法國牛油.

認識半熟工房係佢既芝士蛋糕，之前係某寄賣於某餅店，早排終於係尖沙嘴擁有自己舖頭，今日經過唔多人，就買一件試試，店舖除半熟蛋糕，芝士撻外，仲有切餅，同原個蛋糕，最受歡迎都係近期大熱既芝士撻，等左15分鐘，註明每人最多只可買12件芝士撻，$22趁熱食，蘇皮好脆，尚算香口，第一啖就食到淡淡芝士味，滑滑蛋味幾足夠，但有點失望就係無我想像的流心感覺

小妹是個懶懶的為食貓，愛食但不愛排隊，所以每次人氣熱店開幕，小妹一定不是即時去試的～ 這陣子芝士撻大熱，半熟工房雖然在很方便的尖沙咀開了店子，但每次看見它的人龍真的把小妹嚇怕呀！才剛說完不喜歡排隊，轉頭小妹又走了去排隊啦～ 事源今日小妹到尖沙咀做treatment，做完正想回家的時候，看見半熟工房的門口只有三、四人在排隊，跟之前由街頭排至街尾的狀況折然不同，在這情況下，不排隊就笨笨啦！店子每十二分鐘就有新鮮的芝士撻出爐~ 而每人限定只能買六件~ 在門外排隊的時候，也順道偷望一下店子~ 店子頗為寬敞，以白色木色為主調，感覺很和諧~ 店子的盡頭就是賣芝士撻的櫃子，另一旁就售賣半熟芝士蛋糕及其他蛋糕，如果不是買芝士撻的話，就千萬不要笨笨的排隊呀~~ 只買半熟芝士蛋糕及其他蛋糕的話，是可以直接入店內的~排隊的時候，有店員在維持秩序，也有店員問客人要買多少件芝士撻，然後寫張飛仔俾客人，拎住飛仔才可以買芝士撻呀～店員：「小姐要幾多件呀？」小妹：「六件唔該」店員：「Er... 得返最後兩件...」小妹：「....... 兩件啦咁....」難怪只剩下那麼少客人排隊啦.... 懷著失望的心情繼續排隊..

半熟工房同BAKE既芝士撻既到滿城風雨, 一撻難求...一直都無留意半熟工房, 係有一途經半熟工房見到售罄既標示先發現原來半熟工房係尖沙咀金馬倫道...我地係7點半7點9左右到達, 見到有長長既人龍...職員就帶定頭盔話所有飛已經係6:50分派哂, 無飛既客人如果未賣完先有機會買到...問下職員仲有幾多盤, 佢就回答話仲剩1盤...我地抱住緊張既心情討論平均要幾多個人買幾多個我地先有機會買到..."如果佢地買4個我地就有機會買到","佢應該同佢個fd一齊買既","斷估佢都唔會買6個啦"...而排我地前一個既男仔就係到暗笑我地既行為...到我地啦!! 芝士撻得返4個, 為左唔俾其他人啤, 所以我地買左3個...芝士撻: 買左當然要即食...芝士撻拎上手就裂開兩半...咬一啖, 面頭有塊烤黃既芝士表皮, 中間既芝士好似custard咁, 好軟好滑, 芝士味濃, 咸咸甜甜咁, 仲食到有檸檬汁既味道...tart皮就唔會太厚, 亦無淋到, 就好似蛋撻既曲奇皮...食完一個又食一個...唯一唔滿意係個價錢, $22蚊一個, 份量雖然比我想像中多, 但$22蚊其實食到2,3個好味既蛋撻...不過真

9月6號同屋企人飲完茶之後就去試下芝士撻，門口排隊都唔算多人，排咗20分鐘左右，買咗半打芝士撻，3條半盒芝士蛋糕，總共$357。芝士撻要即場食，口感太鬆散，味道太淡，流心？何來流心！唔值呢個價，如果賣$12-15就差唔多，亦都唔會再去排隊食！反而芝士蛋糕就唔錯，味道夠濃，蛋糕都鬆軟，如果將芝士蛋糕個味放落芝士撻就更好。

排長龍試新野係港人既習慣,近日芝士撻在港大熱,當然要品嚐佢既味道~早上十一時營業,由於反應熱烈每人只可買六件芝士撻。另外,從店員口中得悉新鮮熱辣既芝士撻要於中午十二時三十分才送到,由於外邊傍沱大雨,最後選擇像個英國御林軍般站立 等侯芝士撻來臨。九十分鐘後,香氣四溢既芝士撻出爐,體會到自己為左食都可以去到咁盡；一口氣買下四件與家人分享,店員還很有禮貌說多謝下次光臨,離開時人龍已滔滔不絕~芝士撻外表金黃,餅底香脆,芝士味濃厚,還有少量芝士慢慢流出,與之前台灣流行既半熟蛋糕有點相近不過吃完一整個感覺有點膩。雖然一件要$22,但與家人開心share,兩個字值得~