樂景快餐店 (已結業)

香港食店時常在變，樂景仍是那樣，由五年前到今天，味道環境仍是不變。人物依舊，價錢當然貴了一點。因私事到附近，便到樂景坐一會。點了芝士漢堡包加熱奶茶，稍稍煎過麵包，又熱又脆，加上微微溶化的芝士，一點肥肉及筋的漢堡，是很好的配撘。奶茶香又滑，很好飲。只是二十大元的早餐，食得又平又滿足。環境及衛生是很水準以下，要坐得企理，食得舒服的人士來說會有一點困難。

這間快餐店在灣仔頗有名氣, 標榜即叫即做的牛肉漢堡. 店舖小小, 座位只得幾個, 提供各款炒粉麵飯 下午茶餐-- 鹵水蛋+芝士漢堡+奶茶鹵水蛋唔係好入味, 普通芝士漢堡整體都幾好, 烘過的麵包加上煎得香脆的牛肉, 再加芝士. 不過牛肉稍為燶了一點...但比m記的好吃奶茶...原本已經幫你落埋糖, 好甜! 味道一般~

之前睇openrice介紹過灣仔都有間賣港色漢堡包的店,今日經開灣仔就去試下叫左個芝士漢堡($10), 比起時新,佢細個d, 而且用的醬只係普通的茄汁,而且塊肉只得半個包咁大,又厚薄不均.不過佢個包烘過, 塊牛肉都熱熱地, ok 吧, $10 一個都ok喇不過個人鐘意時新多d ~

較早前黎到灣仔,想起附近有一間備受好評、賣burger 的快餐店,便決定去食個芝士漢堡!芝士漢堡($10),比起burger king,mos,m記..它真的十分經濟下午時份,餐廳一個食客都無,我靜靜地等著芝士漢堡出爐時,發覺牆上貼有唔少雜誌都介紹過的食評。芝士漢堡終於整好喇!熱辣辣!芝士在半融狀態,包同時新一樣,都係嘉頓出品,漢堡扒雖沒有洋蔥粒混入,但唔會死實,稔稔地,加埋茄汁,味道豐富,真係好正!!奶茶係真正港式奶茶,滑而茶味濃郁..不錯!!總體而言,時新同樂意各有千秋,前者勝在混入洋蔥粒的漢堡扒,後者加入我最愛的茄汁,漢堡扒較稔,值得再三一試!現在每次途經巴路士街，步履都會不自覺的往樂景走，回味那簡單及愜意的美味．簡簡單單的漢堡，還不過是賣$10，在這百物騰貴的今天，真的不可思議．簡簡單單的即煎漢堡牛肉，配合那簡簡單單放在鐵板上烘暖的圓面包，原來快樂就是這麼簡單呢^^

打風日, 難得閒在家中休息一下, 亦乘機睇下其他食家有咩好推介, 咁啱冇意間睇左食家"失敗者"幾篇留言, 師傅覺得可以一試, 於是決定昨日去試一試先!一放飯師傅已經好有目標咁向目的地出發, 其實未去到師傅已經知道呢間食店地方好細, 不過亦無損師傅興緻, 入到食店睇左一陣, 師傅就柯打左個雜扒飯, 再加一個芝士漢堡堂食! 個阿叔覆番係一個鴛鴦扒餐, 一個芝士漢堡, 再問師傅飲咩餐飲, 咁師傅就揀左汽水!師傅不以為言, 繼續慢慢等; 等左都幾耐, 冇辦法啦即叫即整係要等下; 點知出到黎個樣令師傅覺得詫異, 皆因個鴛鴦扒餐除左有鴛鴦扒, 仲有熱狗同薯條, 反而飯都冇啖; 再睇下d外賣紙終於發現個鴛鴦扒餐原來係有呢d野食; 有少少失落啦, 唯有硬著頭皮硬食兩個包啦!好先講下個鴛鴦扒餐, 鴛鴦扒有牛扒同豬扒, 牛扒就比較乾身, 韌左少少; 而豬扒反而夠鬆夠腍夠入味, 都幾好味; 而熱狗個包就比較乾身, 但鬆軟, 沙律醬唔多夠, 所以口感一般, 腸仔就唔算太咸, 都幾好味; 薯條係即叫即炸, 不過炸得好乾身, 而且幾硬, 唔多好味; 而芝士漢堡個包係好鬆軟, 芝士有一塊不過係未溶, 而漢堡扒就好香

時新漢堡對漢堡文化的沖擊非同小可，令到一眾食友認為只有外國漢堡的絕對優勢的觀念有所改變，由此可見其實港人的飲食文化絕不比別人遜色。其實在八十年代的港式快餐店大行其道，用百花齊放來形容絕不為過。到現在港式快餐店漸漸式微，被新一化食店慢慢取代。那究竟要變通還是留著舊有的特色呢﹖這一點看來是後者更能留住食客，時新就是其中一個好例子了。不過，要留得坐客人，本身的味道絕不可馬虎了事。剛吃過了芝士汁公仔麵，特意"留力"來這裡試一下快餐店"三寶"。三寶是熱狗、魚柳包和漢堡包~熱狗的腸仔是用炸的，加上一點律汁，略嫌簡單了一點，如果加入酸瓜一定會更加好~魚柳包的魚塊雖炸得有點過火，但魚味竟然不少，香口之餘又有魚味，絕對合格~最後的是主角漢堡包，這裡沒有自家製的醬汁，用的只是茄汁而已，加上漢堡味道偏咸，令到味道濃而有點失衡。如果可以加上一片蕃茄、生菜和改用沙律醬，味道一定會平衡得多。所以說舊的雖好但其味道也要令人回味才行呢......紅豆冰的紅豆不夠腍和入味，陳皮味也欠奉，最致命的是紅豆份量少得可憐，就算是忙也總不能如此"求其"吧......三寶的麵包都煎得十分香脆，在此味道上要加上一分~