Dough Kitchen

营业中

休息中

第一次去大坑食飯 發現是個好地方 好多小店 而呢間想食好耐 終於試到😋 因為舖仔細細所以吾book好難walkin衝住海膽手工意粉黎 海膽真係鮮甜到好幸福🤤💕 意粉好彈牙而且包滿住醬汁 芝士焗北海道帶子🧀滿滿的帶子加埋拉絲拉極都唔斷既 底部仲有薯蓉北海道明太子配辣椒欖油意粉🌶 辣味比想像中勁 所以有啲遮左明太子既味我比較喜歡Tiramisu既芝士層多過蛋糕 所以呢個正中口味 雖然滿滿既芝士層但吾膩而且咖啡味好濃 喜歡！至於飲品highball酒味略嫌淡🍺

食過兩次dough kitchen 同樣都係嗌咗海膽意粉。意粉係用咗唔同類別嘅意粉底，一個係闊條意粉底，另一個係粗意粉底（口感似烏冬但比較煙韌有咬口）。手工意粉真係好出色，配咗大大大舊海膽，唔會食完好漏，醬汁配搭好好。大推！！**********************Pizza部分餅底係意大利薄餅，唔會好似食厚批咁食到最後唔想食個皮。外脆內軟又唔會焗得太乾，火箭菜配Parma Ham 雖然普通但pizza餅底本身好食，令成個pizza都變得好味。**********************芝士焗北海道帶子一定要襯熱食！超邪惡，濃郁嘅芝士配上新鮮嘅帶子，每一啖都好有罪惡感。**********************甜品——Tiramisu濃濃嘅咖啡酒味，mascarpone cheese 打得勁滑再配咗浸過咖啡酒嘅lady finger每一啖都係一種滿足同快樂。**********************要試埋佢杯Peach Jelly Soda。桃味梳打再配啫喱刺激味蕾刺激味覺，十分特別。隱世手工意大利菜，十分出色一試難忘啊！