維港灣餃子坊

营业中

休息中

難得係元朗搵到尼間主打餃子既店鋪。餐廳環境清雅，牆上掛左唔少有趣既畫作，透過廚房既玻璃仲可以睇到店員包餃子既過程。叫左芝士粟米拼芫茜煎餃($42)，流沙咸蛋鮮蝦餃($28)，芝士蝦丸($24)，吉列豬扒($22)。每隻餃子都係皮薄餡多，脹卜卜。第一次食芝士粟米味既餃子，好似中西合壁咁，估唔到又幾夾，餃子滲透住濃濃既芝士味，但係又唔膩，加埋粟米後提升左唔少口感。餃子有滿滿既芫茜，食落好健康。而且叫餃子會附送是日靚湯一碗，係冇添加味精既，飲落好清甜，仲有粟米添。最值得推薦既係新推出既流沙咸蛋鮮蝦餃，金燦燦又脆口嘅外皮沾滿流沙既咸蛋，賣相一流。入面係好足料既蝦膠，咬落去好爽又實。餐廳仲有多款小食選擇，吉列豬扒大份之餘仲好厚肉，炸皮唔算厚，而且又好軟熟。小食仲好近貼潮流，推出左唔少芝士類既產品，芝士蝦丸估唔到竟然會有拉芝既效果，而且蝦丸同樣打得好實，口感一流。整體，煎餃一樣，脆卜卜惹味，而且芝士產品口感唔錯。

今日幫襯o左一間恬靜o既小店。呢間中式餃子麵檔以手作餃子招徠，口號係「想餃就餃」，語帶雙關，帶點玩點性質。一般餃子都係菜呀、豬肉呀呢類o架o者，但見佢門口sell 緊流心芝士口味甚至流沙咸蛋，等我一於試下佢究竟好無食先~先叫個正常o既先，叫o左碗芫茜鮮肉湯餃湯麵($38)。本身我都幾好芫茜，如果去d 食粥、腸粉o個d 鋪頭都會叫佢加多d，有時要另外加錢添。佢呢個湯麵有5 粒湯餃，ok 飽滿，釀入o左幾多芫茜，十分之香，整體味道係唔錯o既~麵底有多個選擇，包括唔常見o既菠菜麵、銀針粉甚至讚岐烏冬，全部一樣錢。菠菜麵其實都想試下，不過因為個麵主要係朋友食，咁就佢揀番叫乜，佢寫o左個刀削麵。麵條偏薄而長身，浸淫o係豬骨湯之中，湯呈奶白o既顏色。一心入o黎試特色水餃o既我，點o左一客芝士粟米拼芫茜煎餃($42)，屬於雙拼，可以一次過試到多d 款式嘛。首先如果單叫一碟餃子(即係唔係湯麵)，佢會附送一碗是日靚湯。店鋪當眼位置寫住今日o既湯係野生山珍雞湯，飲落帶點中藥補品o既味道，唔識得exactly 形容，有少少似我老母煲俾我飲d 抗敏感湯水o既味道，實好滋潤。煎餃呢擺落口即刻能夠感受到佢股鑊氣，