維港灣餃子坊 (已結業)

鹹蛋黃芥菜鮮肉湯餃 (8隻) $45餃子皮薄，餡料係芥菜豬肉+半粒鹹蛋，鹹蛋黃嘅存在感極強，所以入口會先俾鹹蛋味沖擊。芥菜切粒配搭豬肉餡，比例半半，原本以為芥菜會又苦又澀，結果味道冇想像中咁強烈，而且纖維感低，睇得出店家有處理過芥菜葉。大白菜鮮肉湯餃 (8隻) $39餡料同樣足料飽滿，豬肉比例高，但味道有少少腥。大白菜切粒，份量少所以菜味弱，俾大量豬肉味蓋過咗。芝士粟米煎餃 (6隻) $45煎餃底部煎到金黃香脆，但接口位(頂部)煎得太乾，有啲硬。餡料係芝士粟米+豬肉(?)餡，粟米飽滿但唔夠甜，芝士奶香濃郁，有啲爆晒餡，但蓋過咗肉味，食完都唔知係豬肉定雞肉餡。

元朗有唔少好食嘅餃子，今日就黎試下呢間維港灣餃子坊！呢間舖頭主打係手工餃子同自家製無味精老火湯嫁🔥個日一入到去舖頭，就可以見到有員工係度包緊一盤盤嘅餃子，客人可以揀堂食或者買生餃返去自己煮！坐低望下個餐牌，餃子款式都有幾多選擇，由正常嘅韭菜餃、白菜餃，到比較特色嘅芝士餃、松露餃都有嫁🌟**********<芝士粟米煎餃(6隻) > $45呢個芝士餃子非常值得推介，煎餃外皮好脆，芝士味好濃，粟米又清甜，一個人食曬都無問題🤤另外，叫任何餃子都會送一碗老火靚湯，個老火湯味道濃郁，就算飲曬成碗返到屋企都無話好口渴，感覺係真材實料，完全無落味精👍🏻<蒜泥白肉> $35個蒜泥白肉嘅醬料有少少辣，加上蒜蓉芫荽蔥等配料，滿滿咁覆蓋係一塊塊薄切嘅脯肉上面，有強烈嘅味道衝擊，但唯一美中不足嘅係辣醬嘅油比較多，令到感覺比較肥膩🤔