瘋鳥 (已結業)

我同朋友都喜歡去下coffee shop 嘆下咖啡食個lunch做下文青，無意發現咗呢間位於長沙灣既cafe，估唔到星期日都有lunch set，仲十分掋食！我叫咗個和風蟹肉bagel set lunch ($56)，加 $5 可轉latte。咖啡不過不失，但個 bagel 有驚氣，個包熱辣辣又脆口，蟹肉patty 非常特别，配上薯條同沙津，十分好食。另外散叫咗個芝士薯波($50)，好多好多芝士呀！ 新鮮炸岀嚟既薯波熱到辣嘴，份量大，我哋兩個都食唔晒，適合3至4人分享。

喜愛瘋鳥的名字，完全切合本Food Mad在Openrice的名字，實在太貼題了。😀 芝士薯波外層香脆中間粉綿，芝士汁濃杰恰到好處，薯粒剛弄好熱烘烘的，現場食好味得不得了，一人份剛剛好。向來喝齋啡的小人都覺得這杯拉花的手功是不錯的，奶滑啡香，入喉香醇。一份芝士薯波，一杯拉花latte，嘆之體驗！

朋友過嚟長沙灣食晚飯，我帶左佢嚟「瘋鳥」，佢仲話2.5個人去食「瘋鳥」，瘋了嗎？由於係星期六晚，舖頭比較細所以坐喺門口等左一陣~其實之前一家三口都嚟過食tea同晚餐，雖然無bb櫈提供，但係寶貝坐牆邊嘅位食嘢都ok嘅~而嘢食方面都keep到水準，係間有用心嘅小店

復活節陽光明媚，把握機會親親大自然，由獅子山出發行到畢架山，經蘇屋落山，為補充體力兼獎勵自己，到長沙灣吃吃美食！在門外等候都已經感受到濃厚的文青氣色，和旁邊坐滿的士大哥的大排檔構成有趣對比波蘭電影大師奇士勞斯基「紅白藍」三部曲，是店內陳設的亮點另外，亦有本地畫家的postcard寄賣，「真．香港」！再加分！店內坐滿文青Menu食物選擇偏少，所以只點了一小食及一主食。 車打芝士可謂「舖天蓋地」，芝士控表示十分滿足！脆漿不多，感覺比較健康，成功做到脆口，而且保留薯味。雖然屬於無難度菜式，但整體都不錯！Peachy.foodie rating: ✮✮✮✮☆(4/5)  塗滿參巴醬crossover粗粒花生醬的脆餅底，與豆腐出奇地夾，雖然菠蘿和生芽菜似路過多過襯過（建議換上醃製過的芽菜）。是瘋狂還是創意？見人見智。不過絕對只此一家。留意返:少少辣素食Peachy.foodie rating: ✮✮✮✮☆(3.5/5) (創意加半分)

放工約左個fd去食飯....想近d番屋企...所以揀左長沙灣呢一間..嗌左Potato ball stuffed with cheese 芝士薯波 芝士薯波 好好味啊~外脆內軟...細心的是他們面層,中層都放了芝士醬!愛吃芝士的你們! 一定會心心眼!薯波炸到岩岩好...唔太油....因為有時食d炸薯波其實會炸到好油架~再嗌左個炸蘑菇....其實只是雞脾菇而已,,但好爽口....就算炸左都好....你咬落個雞脾菇到時...仲食到好JUICY佢比芝士薯波更會秒殺..到最後再嗌多左個3重芝士PIZZA呢個應該係呢到既必點菜式....好大份.....2個女仔根本上食唔哂...好多芝士....每一份都會有一隻吉烈蝦的...但可能本身我地食得太多芝士...所以好快就飽左了..但呢個PIZZA真係好多料跟埋...真係好抵食...佢入面已經有左紅,黃,青椒係入面...再加埋洋蔥,佢根本上就係一個大厚批....

好開心又發掘到一間CAFE 入到去首先見到有2位客人飲住野用住macbook 睇泥好多人都鐘意依個文青落腳點 坐底之後 身為食貨既我梗係睇menu嗌野食先啦 不過其實未睇之前已經睇過openrice做左功課有preference啦 最想試既當然係佢既三重芝士炸蝦pizza($98) 份量都吾細 不過見到隔離枱2人share 但我地可能都吾係好肚餓 4個人share岩岩好 我個人好鐘意 一泥係芝士邊個抵擋到 二泥真係好味 首先相機食先 無呃人芝士足料拉晒絲甘 之前見有人話批底厚 相中大家可以睇到老闆即刻改良左 厚有厚好處既可以飽滯但當然個balance都好緊要 所以依個改良版我真係心心眼 雖然無食過之前版本 但起碼原本好驚會好厚 但依家甘大個portion都食晒 無徙野架我 而for我依啲甘鐘意好食擺最後既人泥講 我就首先切開兩旁既芝士pizza部分 姐係總共我食左3塊pizza 係咪好叻計數呢我(誤lol) 先食左兩旁個兩塊先 最後慢慢嘆個軸心 炸蝦脆 入面既蝦肉嫩 批邊好脆 覺得太邪惡或者素食者 可以嗌另外個個pizza--泰式豆腐芽菜花生醬 之後再嗌左忌廉牛乳

返工附近開左間新cafe，瘋鳥哩個名一睇就估到係年輕人開，但點都估唔到原來係幾位九十後開真係令我哩個九十後都有幾分羡慕啊木、花、鳥…感覺好舒服，無論自己一個黎定一班姐妹、情侶都好岩黎哩度傾計食飯芝士薯波…先黎食小食，炸薯波細細粒一口size，外脆內薯，再點埋芝士醬食真係個開心share既小食黎嫁不過食到一半，薯波就俾芝士醬整淋左，建議鋪面既芝士醬可以少d，再另上芝士醬咁就更好喇鹽酥菇…又一個開心share既小食！外層炸粉灑滿椒鹽粉，夠薄又夠脆，入面包住好juicy既雞脾菇，一咬脆卜卜，再咬d菇汁就必哂出黎好正啊…哩個真係超推介！忌廉牛乳三文魚意大利粉… 哩個正正常常，味道唔錯，意粉煮得岩岩好唔會過淋，三文魚份量足夠，唯一係唔係好夠忌廉牛乳汁，所以牛乳味唔係好食得出。三重芝士炸蝦Pizza…芝士迷試左未？!厚批厚度岩岩好，底部微脆咬落又不失鬆軟，pizza加入左海量芝士 每咬一啖都成口芝味嫁 炸蝦既炸粉好薄好脆，蝦肉完全唔鞋！仲有青紅椒同其他配料，所以完全唔會膩，四個人share食岩岩好！雖然哩個pizza芝士多到極度充滿罪惡感但都係食左先算啦！一咬個pizza，d芝士可以拉到勁長勁滿足

係門口等緊位既時候, 我地已經開始睇餐牌佢既食物選擇不多, 好多都係炸既, 好邪惡呀!好鐘意芝士, 好鐘意食菇同薯仔既我...就諗都唔諗叫2樣炸物!芝士薯波這個是非常邪惡的好西我望住廚房 倒出炸起既薯波 份量超多！剛炸起既薯波加上芝士 味道十分好 熱辣辣, 簡直天下無敵!另外叫左鹽酥菇哩個菇菇食落去應該係雞脾菇, 出面炸得脆, 菇好爽口,鹽酥不會整得太咸, 一陣就已經ko左...最最最邪惡既東西出現了,我比佢個名吸引左而order既三重芝士炸蝦pizza (厚批)pizza即叫即做, 等既事間比較耐, 好香 芝士味好濃, 厚批好脆, 有三色椒, 中間係天婦羅蝦, 但其實味道比較普通d既一個pizza! 荔枝玫瑰茶很香既玫瑰花茶味加上荔枝既香味~食左油膩野飲反杯茶就啱啱好!