黑布小巷

营业中

休息中

珍惜每次嘅Cheat meal 都會揀想食嘅嘢，台灣菜絕對夠邪惡🙈 超邨惡爆漿吐司🍞，仲有芝士蛋餅🧀🥚屹立不倒多年嘅工廈台灣菜～環境餐牌 麻辣鬼椒雞腿芝士蛋吐司 $58 吐司有豬扒同雞腿🍗2款，我就叫咗麻辣鬼椒雞腿芝士蛋吐司😈 超足料！雞腿肉份量多，麻辣粉剛好唔會太辣蓋過肉味，芝士蛋超邪惡，但蛋漿熟咗啲無流心。 芝士蛋餅 $38 蛋餅叫咗最Basic嘅芝士蛋餅 ，襯熱拉絲😍蛋皮夠Q彈，表面塗上獨加醬汁甜甜地更加惹味。 紅燒台式牛肉麵 $68紅燒台式牛肉麵用上自家熬制香濃紅燒牛肉湯，湯頭香甜又帶濃郁肉味，配上三大件牛肋條及彈牙台灣麵，頗為高質嘅紅燒台式牛肉麵🫶🏻 另外再配自家炒惹味酸菜，鍾意可以加入湯中一齊享用。 夜市蝦卷 $38另外主食都可以加配小食，本身想試蝦餅但售罄，就叫咗蝦卷，都幾煙韌。 桂圓杞子玫瑰三色圓 $38甜品有芋圓，$38碗都幾抵食，飲品跟主食加配都有優惠價，桂花烏龍、冬瓜茶呢啲都有得揀。

依間台式食店其實由以前係葵涌時見到已經收藏左想試 。趁同朋友聚舊，又見到係荔枝角都開左就簡左依間黎試。位置上接近地鐵站同D2 place 既工業大廈 。店舖係以QR Code 落單同埋要先付款黎送餐，仲要唔收加一 ，性價比幾高😎🐥 慢烤雞腿芝士蛋吐司（$56） ： 依個真係食完勁飽🤩份量非常足料 滿滿既芝士仲有大大舊既雞腿，成件到好邪惡😈 仲可以以優惠價加配小食同飲品！ 🦐夜市蝦捲 （跟餐價+$28） ： 一份有3條，蝦味幾突出又唔會好咸🐮 紅燒台式牛肉麵（$78） ：必叫之選，每日限量供應。 份量幾大份。 不得不說牛肋條真係好大舊又林，口感唔錯👍🥚芝士蛋餅（$38） ： 蛋餅作為台灣既常見食物，點可以錯過🫡 作為芝士控 一定會叫芝士蛋餅🧀 滿滿既芝士🧀勁邪惡😈😈 份量好足，蛋味也幾濃🤩🥤冬瓜茶（跟餐加配$9） ： 甜度是固定。 本身都驚會好甜 因為出面其他地方飲會好甜 ，但意料之外既係岩岩好 ，唔會得個甜字🤩

因為要試姊妹裙所以黎到荔枝角呢個地方，即刻上openrice睇下有咩好野介紹先！然後就見到呢間喺openrice排第一同埋最多好評既黑布小巷！可能由於時間尚早，當日可以唔需要排隊直接入座。入座之後掃QR code落單。美食就好快送到喇。一送到黎比呢個爆漿效果吸引到但係食落就覺得比較咸，同埋好滯既感覺。蛋餅就一般般，個胃冇位擺既話可以唔駛叫。呢個飯反而有少少驚喜！！個雞扒新鮮炸起，醃得好入味！！手工滷肉都唔錯，不過有骨，份量亦都太少，令到個飯比較乾。 如果多少少汁，個飯會好好多。總括黎講，d野食係唔錯，價錢都公道，但冇話去到好驚艷既感覺。如果唔需要排隊既話，都可以一試既。

話說上次同同事黎食過lunch之後, 覺得又好味又抵食, 所以今次就帶埋老婆黎等佢試下.餐廳都係喺荔枝角美食工廈內.掃枱面QR code落單同比錢, 野食好快就一次過送到.冬瓜茶本身就已經少甜實在太好, 凍凍的好清爽.台式香腸外皮脆脆的, 鹹鹹香香, 帶有少少既煙燻味。芝士蛋餅餅皮鬆軟, 包著半熔既芝士有拉絲既程度, 有芝士香味定唔濃烈, 食落口感軟綿綿的.紅燒牛肉麵既湯似再濃縮既羅宋湯, 有蕃茄既酸甜味和牛肉既鮮味, 而且啲牛煮到好腍超入味.慢烤雞腿芝士蛋吐司, 麵包外層少脆, 雞肉好嫩滑同有肉汁, 芝士味唔重, 半生熟蛋好似醬咁流哂蛋汁出黎.芋頭椰汁三色圓, 椰汁好有椰香味同有少少杰, 芋頭切到同芋圓差唔多大細, 而芋圓細細粒好彈牙.

曾經返過荔枝角嘅我想回味一下佢地嘅味道簡直係廉價之選🤩佢地出現完全係窮人恩物樣樣大大份 保證你食飽飽🥰💕❣️慢烤雞腿蛋吐司 $49叫吐司必定會跟手套🧤食每一啖蛋黃汁都流出嚟🥚吐司大大份🥪料又足 佢地嘅一份等於出面嘅兩份雞腿肉肥美 🐥有肉地❣️手工滷肉雞扒便當 $68雞扒會分開上 熱辣辣🔥外皮脆身 入口juicy又嫩滑滷肉肥瘦好適中🐷🐷配料多多 成個便當夠曬香口❣️芝士蛋餅 $35蛋餅皮皮薄 夠煙韌夠軟熟😍就算影左一陣相📷芝士都仲係會出現拉絲足料蛋餅～每舊每啖都係實的的❣️花枝丸配麻辣鬼椒粉 跟餐價$28花枝丸咬口彈牙😎😎食完一粒終於明白點解會個名叫麻辣鬼椒粉辣味會係後勁出現🌶️而辣嘅程度都真係幾辣下如果鍾意食辣 唔會放過叫花枝丸🔥❣️凍頂烏龍茶 跟餐價$12❣️桂花烏龍茶 跟餐價$12佢地嘅烏龍茶係用左8小時低溫冷泡⏳亦係選用左台灣茶葉而成飲落清新 feel到係0️⃣甜度桂花烏龍帶有陣陣淡淡桂花香味🌼❣️黑糖紅棗薑三色圓 $38佢地嘅芋圓係女人必食👧🏻幾款唔同口味 但都係養生好選擇而三色分別係：⭐芋頭⭐蕃薯⭐紫薯粒粒芋圓煙韌 有咬口雖然薑味會相對比較重 但食落係可接受🫚