滾喜火鍋專門店 (已結業)

4個人約左6:45pm，有朋友早到左半個鐘，結果都可以入去坐住等，仲已經可以叫定野食，攞定野飲。服務員都幾熱情，雖然成個場得3個人，但有求必應，唔需要等好耐。話就話2小時放題，但過左鐘都無趕人走，差唔多9點先離場。食物方面，4個人2個煲，當然叫晒麻辣同芝士雞煲。麻辣揀左BB辣，開煲炒果下又香又攻鼻，食落幾香，幾乎無辣味，雞髀肉為主；芝士果邊就感覺芝士少左d，但芝士味超香，4個人食2煲，已經飽飽地，無再加雞，直接轉火鍋模式。火鍋方面，其實就一般，不過不失，份量分得幾細，嗌嘅時候都易把握，上菜都快，無話要等住食。印象較深嘅係白鱔片，幾滑下；其次就係佢嘅竹蓆茅根水，灌了兩壺🤣。

忙完一日就係食雞煲之時😈呢間嚟咗至少3次，裝修睇落普普通通，但真心好食。重點是任食拉絲無限芝士雞煲 // 麻辣雞煲CP值超高 超級推薦大家去!! 👻今日選了任食高級安格斯套餐 ($208/人)首先選了無限拉絲的芝士雞煲套餐還含60種配料及飲料最吸睛的是芝士跟洋蔥炒得焦香非常滿足(隱藏食譜是等芝士在鍋底形成芝士薄脆!!)之前都試過BB辣的麻辣雞煲，都好過癮🌶️雞塊多肉少骨比例很👌🏻(吃過雞塊小得可憐像咬骨頭的雞煲 非常無趣😑)麻勁香氣十足 不會太辣瞬間暴風式吸入吃完成煲😂配料方面 高級安格斯牛片完全不馬虎塊塊工整平均，有安格斯牛味自家製的響鈴卷跟鹹蛋炸魚皮也很脆口💓香菇貢丸也是我的最愛～飲料選擇以罐裝紙包包裝為主喝了兩罐楊協成的涼茶系列在馬拉西亞製作的清涼爽和台灣的雨前龍井茶很開心發現了隱藏在旺角女人街道的雞煲這個限時兩小時無限火鍋店真的有驚喜！

見疫情有緩和趨勢，閨蜜話好掛住雞煲， 想出去食番餐，好呀餐廳位於通菜街，行過女人街好多檔口都冇開檔，有啲唔慣，真的希望明天會更好😍餐廳地方闊大，又有卡位，係呢個時候，空間感好重要呢度雞煲加打邊爐有三款選擇，我哋揀咗中價的雞煲加任食高級安格斯，任飲任食兩小時雞煲有芝士/麻辣選擇，閨蜜係芝士控，第一時間已經揀咗芝士雞煲雞煲上檯嘅時候啲芝士係未溶嘅，等咗沒多久，芝士剛溶的時候，店員姨姨已經好熟手同我哋搞勻咗，食得每件雞件畀滿滿的芝士包圍住，肉質仍保持嫩滑，閨蜜表示很滿意接著當然是火鍋時候，叫咗香茜皮蛋湯， 配料全部可以揀幾人份量或者注明幾多件， 避免浪費先叫咗安格斯牛肉，比起普通肥牛，牛味較重，鍾意食牛嘅，一定要揀呢個餐其他嘅火鍋配料選擇都不少叫咗海蝦，脆鯇片，白鱔片，水魷，牛柏葉，各式丸，腸仔，紅薯粉，響鈴，娃娃菜………等等。呢度啲店務員手快腳快，態度親切，見我哋話唔想飲雪櫃嘅凍嘢，特意去紙箱開啲冇雪過嘅烏龍茶畀我哋開心的大吃大喝，又是捧著個肚離開的一餐。

實在很久很久沒有吃過雞煲要是和朋友特登相約來到旺角這家叫做滾喜的餐廳試一試他的芝士雞煲。除了芝士雞煲以外，仲可以選擇麻辣雞煲。而辣度方面亦都有不同嘅程度。當晚我和朋友選擇了208這個套餐可以升級食安格斯牛肉還有大量的配料。一坐低店員馬上就會給你醬油和醬油的配料選擇也不少飲品方面亦都有很多的選擇也是任飲的他的竹蔗水非常鮮甜，用來做一個中和很合適一開始我們先吃這個芝士雞煲份量超級多而且還可以追加雞件，芝士的香味和雞件非常配合令我們吃過不停還配上洋葱簡直一流吃完雞煲之後就直接打邊爐然後打邊爐的配料非常之多亦非常之新鮮安格斯牛肉配上有芝士香味的湯底非常好吃每一種蔬菜亦都非常之新鮮，這個蜂巢豆腐吸收了湯底的精華完全無法形容那種味道。海鮮方面不得不讚，非常新鮮而且那些蝦很大隻完全出乎我意料之外，魚片也很鮮甜很爽口我和朋友也不停地追加每一台客人都會送上魚皮和脆響鈴，這兩個用來打邊爐真的是絕配另外不得不讚這家餐廳的服務侍應態度非常熱情有禮而且會主動前來幫忙。這家雞煲真的值得一吃！

召集喜愛吃雞煲之友，最近發現了一間在旺角以雞煲做主打的火鍋店，Slogan配合餐廳名字【滾喜】，「滾出你最...喜愛的火鍋味道」。挺有意思的，環境不是豪華裝演但有著非一般親切的服務，所以能做到仍然晚晚爆場，吸引不少區外區內食客捧場。道到這的確當然要立即去試試！熱愛火鍋美食在機緣下開設的火鍋店。 希望將最好的火鍋味道，分享給各位食客朋友，這是老闆的所望，當日入到去未有座位未睇Menu，店員已經非常有禮地招呼，服務意外地殷勤，坐低後就發現四圍都係滿座情怳。呢度環境夠大通風做得好，食完都冇味留係身上邊。餐牌睇睇先，任食火鍋有3款套餐！分別在於牛肉款式唔同～ 其他火鍋配料、雞煲都係samesame！1. 任食雪花肥牛 $178最平既一合餐，任食牛肉係普通雪花肥牛…但無論樣子得口感都係肥牛水準之上2. 任食頂級安格斯牛肉 $198食好少少可以揀呢個，因為唔洗$200就可以連安格斯牛肉都任食！牛肉相對會較濃3. 任食頂級雪花安格斯＋美國桶蠔 $268呢個就最Top既。雪花肥牛、頂級安格斯、頂級雪花安格斯、美國桶蠔，全部任食！話明頂級肉質一定會有分別既...是日我就揀左第二個啦，任食頂級安格斯牛肉

好耐冇食雞煲了！終於「的」起心肝去搵搵食邊間雞煲放題！見到呢間滾喜火鍋專門店原來都有得食雞煲仲要有芝士雞煲！所以就隨便去試試啦。先黎有d 料比我地整個醬，有我最鐘意嘅炸蒜！先黎一個芝士雞煲！大家睇睇d芝士，真係幾多！我見到都哇咗聲 。呢間好嘅地方係佢會幫你計時然後再黎幫你開蓋炒，之前試過食其他店完全唔知幾時可以開蓋炒d雞之後有d d 老登登登登！另外我地仲叫咗麻辣雞煲（小辣）！我個人覺得可以叫多少少辣☺️因為我算係食得偏辣，但我朋友唔太食得，所以就小辣好了。令我最最最驚訝嘅係，佢可以2款雞煲任refill未試過一間可以咁樣無限refill雞！叫咗個小食咸蛋魚皮，有點少。。。嘿嘿 因為食咗好多先記得影 ！好味！咸蛋味幾重。之後係肉全部都係肉。圖最左係羊肉，我朋友話好正！鐘意羊嘅必食，圖中間係牛舌，第一次試牛舌打邊爐都幾好味，之後就係普通肥牛。我同朋友都一致想食靚少少嘅牛，所以叫咗 頂級雪花安格斯+美國桶蠔放題 睇睇d雪花靚到呢，如果一大班朋友黎食叫多d一碟過影相應該幾靚！牛食落真係唔同d 重d牛味真心！美國桶蠔呢個美國桶蠔好似手掌咁大隻架！讚嘅係 煮完都仲咁粒冇縮水 正！總括呢間幾好，雞煲

今日系旺角行街，行行下肚仔餓就行過去女人街果邊搵野食，行下發現女人街果度有間火鍋店，由出面望入去餐廳寬闊，又是卡位座位舒適。系大門口見到$188/人套餐好抵好吸引。前菜每位選一款湯底：芝士雞煲/麻辣雞煲選一款肉類兩位選一款自家手工丸兩位選一款火鍋配料每位選一款菇菜每位選一款粉麵兩位選一款飲品每位選一皮芝士雞煲上面舖滿芝士，芝士溶解後每塊雞都沾滿芝士，加上拉絲芝士味濃厚香噴噴，雞肉是用雞脾肉雞肉嫩滑，又非常野味。頂級安格斯牛肉打邊邊爐必備，油脂平均分怖，牛肉新鮮冇雪藏味，牛味濃厚，肉滾一下即拎上來美味手打鮮蝦丸肉質爽口彈牙。粟米好清甜餐前小食木耳和青瓜好爽脆，酸酸辣辣甜甜地好入味，又好開胃的小食魚腐都好彈牙，仲有午餐肉和薯粉都好美味。

我和七個朋友在旺角行街唔知食咩好，見到依間火煱店啱啱開張有八折優惠，但無咩人食，但因我們七人關係，好難搵位，所以入了依間食。不過依間無令我地失望，好好食，環境寬敞，坐得舒服，員工非常有善和有禮貎，我們感覺良好。只有少少問題是運作未完善，可能新開張關係，人手不足。但整體比我們感覺非常好。我勁力推介芝士雞煲，都是第一次食，好好食，原來芝士鷄煲加火鍋是好夾，芝士味好濃但食後不會感覺好肥，再叫頂級牛，有口感和林，手打墨魚丸好爽和有墨魚味,我們一家都覺得這間是最好味的一家手打丸，並不是誇張，是事實，如果大家去依間食一定要試，海鮮叫了𧐢和脆鯇片，新鮮好味，還有牛肝菌味道濃，好味過菇類，好少地方有得食，可以試下。最後我們八個大人平均二百蚊消費，我個人覺得好低食，因出便任食都要依個價錢，但食材和環境一定無依到好，所以我會才食的。