肉餅哥小炒料理 (已結業)

究竟一味普通的家常小菜 - 肉餅，可以有多少種口味變化? 肉餅哥告訴你，只要肯花心思，平凡的肉餅也能搖身一變成驚喜菜式!店舖位於荃灣仁聯街，在大窩口與荃灣交界，從地鐵站步行需約10分鐘，不熟悉荃灣複雜街道的人可能會感困惑，地理位置不太方便。餐牌上有數十款肉餅款式，令人眼花撩亂傳統口味如土魷蒸肉餅、鹹魚蒸肉餅; 創新口味如特色果醬煎肉餅、台式柚子煎肉餅、咖啡煉奶煎肉餅、泰式冬陰公汁煎肉餅，老闆誓要將甜酸苦辣融入肉餅當中。與朋友均點了鎮店精選。先捧來老火湯暖暖胃，味道雖較清淡，但不是味精湯。足三兩花膠煎肉餅 $99下單後不消數分鐘便奉上廚房非常有效率。表面鋪滿花膠有4-5大塊，茨汁略稠，味道口感還不錯，這個價錢也不期望吃到酒店級花膠吧。下面是香煎肉餅，味濃香口，豬肉肥瘦比例適中，配飯一流朋友的是金沙蛋黃煎肉餅 $69十分邪惡，蛋黃鹹香與肉餅很合襯，是成功的mix and match難怪能登上鎮店之選。芥香木耳 $22吃不到芥末味，像是浙醋涼拌小菜般的酸味，挺開胃的。之前在網絡上看過有關肉餅哥的訪問，知道年輕老闆創業的辛酸，希望肉餅哥在逆境中也能保持熱誠、堅持品質，一定會繼續得到食客們支持

朋友帶路去了一間肉餅飯的食店，超多肉餅口味，好似配咩都得，配咩都有，十分有創意，也很新奇。等了一陣就入得，比想像中快。一坐底就有老火湯送，有紅蘿蔔同冬瓜，個湯都幾好飲。叫個小食開胃一下，芥香木耳$22，幾大碟，食食下先影相，木耳好脆口，薄身木耳充滿蒜香味，有芥末的辣，幾惹味。我加$5要可樂，呢度飲品價都算抵，不過飲汽水會好飽，下次都食叫果汁。朋友加$12要西柚汁，最後一支，睇黎果汁都好受歡迎。朋友的足三兩花膠肉餅$98，用砂窩上菜，蒸肉餅幾夾花膠，夠濕潤夠嫩滑感，份量十足好抵食。花膠超大塊，可以大口大口食花膠，感覺好豐貴，而且還有三塊，緊係叫朋友俾塊我食啦。個汁好夠味好濃，令肉餅同花膠更夾，又滑又彈質感豐富，好有創意的肉餅。我就點左 鮮味蟹粉肉餅$98，呢個肉餅選擇煎香，的確香口很多，也很搭蟹粉的濃厚味道。蟹膏味唔算好突出，反而有種香味，令肉餅較惹味。肉餅肥瘦平均，彈牙又爽口，不是很厚身，但都做到肉感很豐富，食完有點膩。個飯轉成菜飯，要讚個菜飯不油而清爽，幾健康。

前陣子長龍食店，不知排到何年何月，今次特意早點去，星期三 晚上7:00，等了一陣就可入座，雖然有點迫，但點都想食個新品，足三兩花膠肉餅十分吸引。其實呢度真係超多款式的肉餅，有成36款肉餅，還有油飯或菜飯，小食及菜。原盅花膠燉蟲草也很吸引。芥香木耳 $22，十分爽脆而不會硬，有濃濃蒜香味加上芥末的微微辛辣，刺激又開胃。老火靚湯是紅蘿蔔老火湯，清而不膩，滋潤溫和幾好飲。友人點的鮮味蟹粉肉餅飯$98，加$2轉菜飯，店員提意煮法用煎的。肉餅很大塊，煎得好香口，肥瘦豬肉比較剛好，肥肉有肉油香及令肉餅更彈牙，瘦肉增加咬感又夠肉味，食肉獸一定要來食。蟹粉鋪滿肉餅上，味道提升不少，有蟹膏的特有濃郁味，也很夾肉餅。配菜飯多份健康，而且做得不油，食完負擔不大。足三兩花膠肉餅 $98，好華麗，估唔到肉餅都可以加花膠，立即貴氣盡現。超多花膠，有三大塊，真的足足有三兩之多，好幸福呀。呢款煮法選了用蒸的，令花膠同肉餅更配合。花膠唔係薄薄個款，食落好有質感，都算厚身，食到軟彈質感，煮得軟綿不爛。連同肉餅食，口感真係幾豐富，加上花膠對身體有好處，$98就補到身體，味道又好，我個人誠意推介。分量也很多，同朋友交換分享最

本身已經係肉餅迷既我最近都聽朋友講過荃灣有間食肉餅幾好味既餐廳，難得今日入荃灣就緊係要拉朋友黎試試佢啦。不過老實講，佢個位置真係有少少難搵，佢唔係係荃灣出名食野既主街，而係係住宅區個邊，所以都要行一段時間。入到黎雖然餐廳唔係好大，不過又唔會坐得逼，而且以小菜茶餐廳黎講佢既裝修都算幾好。  睇番餐牌佢就真係以肉餅為主，佢地肉餅套餐有成36款，傳統配搭同新式配搭都有好多，搞到我地一開始都唔知揀邊款好。最後我地三個女仔揀左3個肉餅套餐同埋兩款小食，最前上既係跟餐中式湯，呢個湯就不過不失，飲落都唔會話好重味精。 小菜：芥香木耳 ＄22木耳既好爽口，酸酸地再加埋香而不辣既芥香味令味道有雙層層次感，而且仲會愈食愈開胃。小菜：芝士炸薯波 $28炸薯波熱辣辣好香脆，不過如果可以多啲芝士就更好味喇！先黎係足三兩花膠肉餅，真係唔係講笑，呢到真係好足料，開頭以為花膠係Gimmick野，點個佢真係鋪左三條好有份量既花膠係面，我地三個女仔一人一條都唔係好食得晒，而且花膠食落真係好有膠既質感，明顯質量係唔差既花膠，再加上佢索晒啲汁，真係好好味。   下面既蒸肉餅呢，肥瘦都好適中，食唔到有味精味，而且平時出去食既肉