大自然素食

营业中

休息中

所謂「素食」，其實是博大精深的學問，「素食」可以單純是個名詞，也可以是一種主義，一種飲食文化，一種生活態度。生平第一次食「素」，是跟一群長者到寶蓮去食齋，那次除了對「芋頭魚」有點興頭之外，對那些齋菜總是興趣缺缺的。任憑菇菌菜蔬是交替上場也好，但當中的做法食味千篇一律，賣相也是令凡人提不起食慾，而「芋頭魚」能成為一個例外，只因它是有着「葷」相的素，而且它又比較香口而已。隨後去過幾次齋宴，亦難洗去我對「素食」的偏見，當然那時素食文化未算普及，凡人能接觸的「素食」種類不多，更遑論要了解當中的涵義了。如今流行「素食主義」，「素食」一詞變得廣義了。飲食市場上素食餐廳百花齊放，有講究的新派素食，也有傳統的老派素食。像我這種門外漢，難以判別當中的差異高低，但見身邊有茹素的健康素食者，初一十五吃素的學佛之人，更多的齌口不齋心的凡夫俗子，例如我。友人飯局說要吃「蛇羹」，這令我糾結了好一會兒。從未嚐過蛇羹的我，一是對吃爬蟲很有保留，二是未能衝破心理關口，正想婉拒友人的邀請時，友人笑說：「誰讓你吃真．蛇羹了？今晚大自然素食見！」頓時明白了，是那種「齋口不齋心」的素食吧！不是肉類卻又以葷菜命名的素食，以五穀、

由於老婆茹素關係（佢又唔喺食全素，只喺避免食紅肉，白肉或海鮮都會食少少），小弟就多咗食素嘅次數。不過，原來身邊都有唔少朋友都喺咁，就算唔喺全素，都不時揀餐飯喺食素嘅。啱啱去完旅行，是夜，就同啲相熟嘅食友嚟到「大自然素食」聚一聚，講吓近況，順便派點小手信嘛！多年前都幫襯過「大自然素食」嘅荃灣店，感覺唔錯架，不過，尖沙咀似乎就靚好啲，地方闊落啲啲，樓底高啲啲，枱櫈排得疏啲啲，淺木地板襯仿磚牆，地方光猛而整潔，令整體嘅感覺都輕輕鬆鬆。牆上一大幅池畔金魚，配上一句「隨緣自樂」，喺好有意思嘅一句話。尤其今時今日，港人嘅戾氣特別多，其實，凡事輕省面對，隨緣一下，壓力自然少好多。主餐牌有兩大本，金色嗰本薄啲，可以講喺日系餐牌，如手卷、壽司、魚生、卷物……等等，仲有啲素嘅和式料理。另一本綠色嘅，就厚身好多，裡面可以講包羅萬有，由小食、沙律、湯羹、海鮮、雞鴨、豬牛、蔬菜、雲吞、豆腐、粥粉飯麵……到甜品都有，師傅簡直使出渾身解數，所以，你話食素又點會悶呢！除咗以上兩大餐牌，仲有個「熱門推介」同「 熱門日式推介」，當然，有選擇困難症嘅朋友，就不妨集中晌呢兩版餐牌度揀啲心水菜式。此外，「志雲大師」都有推介，就

所謂齋口唔齋心，大自然素食的菜式多姿多采，中西日都有，而且碟頭極大，非常適宜幾個人聚餐。 例如越式香芒軟殼蟹米紙卷，相比一般米紙卷至少大半倍，啖啖生菜、滋味沙律醬汁，可惜欠缺軟殼蟹的酥脆口感。 燒汁蘆筍牛柳卷同樣大人家半倍，賣相非常相似，食落當然是素肉，仿如午餐肉口感多於牛肉，燒汁味道足。 情迷脆豆腐炸得非常酥脆，內藏軟滑豆腐及菜餚，層次分明。 芫荽麻香黃金糖心皮蛋有特色，味道有點甜，芫荽霸氣增層次。 仿真度最似是陳皮白菊素蛇羹，因為羹內有木耳、薄脆，蓋過了素肉絲的素。 今晚我最欣賞XO醬銀魚仔炒水蓮，水蓮來自台灣，我記得上次旅遊台南吃過，有點辣度有點爽，配合冬菇絲組合不俗。 秘製泰式烤肉，近看賣相有幾分似，微焦的皮，少許肥膏，接下來是瘦肉，但食落都是素肉口感，層次不明顯。 農家燒焗竹筒飯沒有想像中好，非常齋，只有一粒栗子，沒有什麼材料。 甜品選擇不多，就只有腰果露，不過不失。 若然未能清心寡欲，但又想偶爾茹素，大自然素食款式選擇多，價錢親民，不妨考慮。