哥哥添飯•妹妹泡茶

营业中

休息中

花膠胡椒豬肚雞湯底味道十分清甜美味，非常推薦，絕對值得試一試。花膠份量多及厚身，雞件嫩滑。前菜款式特別而且十分出色及美味。套餐仲有水果，十分健康及滿足，十分飽肚。抵食之選起司肉鬆蛋餅內脆外軟，芝士與肉鬆，配搭得宜，美味可口。水蜜桃愛玉味道一般，十分清，口味較淡，口感特別，可以不試。

哥哥👦•妹妹👧 – 給我一種無名的親切感，每次經過都總是坐滿了人，今日時間比較早，不用等位，決定入去試試😋套餐配前菜、時菜和時令水果，前菜包括椒鹽爆溪蝦、芥末秋葵和漬物拼盤，時菜可選擇滷肉青菜或燙青菜，加配台式飲品可享有$10折扣🈹️天氣凍凍地🥶，我揀了花膠胡椒豬肚雞配炸脆米，燙青菜$108，個湯熱辣辣、暖笠笠，雞🐓和豬肚都充滿胡椒味，花膠份量幾多，暖胃又滋補🥰朋友揀了紅燒牛肉湯麵🍜，燙青菜$88，牛肉和麵的份量都很多，有筋有肉又夠腍，配埋青菜和水果，十分豐富。跟餐+$25配水蜜桃果粒愛玉，又靚又大杯，桃🍑味好甜美。另外，點了兩款台式小吃，大腸包小腸$36和起司肉鬆蛋餅$26，見到餐牌裏的菜式，已經好有台灣嘅感覺。蛋餅有6款不同口味可供選擇，我的選擇當然是有芝士🧀餡嘅起司肉鬆，大件夾抵食，不錯！最後，還是離不開我的甜品控本色，點了桂花雪燕黑糖愛玉凍$38，好靚，甜度適中，散發著幽香的桂花味道👍

好鍾意食台灣嘢，但可惜香港多數台灣餐廳都好重味精☹️偶然見到呢間餐廳個名咁搞笑👀原來係好有家庭風味嘅台式料理😛🍱破布子煎封比目魚配蟹肉菠菜圈($128)(晚市套餐)比目魚有兩大塊，煎到表面crispy🤤仲有菠菜好開心🥳加上有三款前菜同生果勁豐富！🥘花膠胡椒豬肚雞($108)(晚市套餐)呢個跟菜同埋脆米，加脆米落湯度食簡直elevate 個湯😎花膠胡椒豬肚好足料，食極都食唔完，冬天食真係好正❄️🍹飲品套餐加飲品可以減$10，肉桂蘋果紫羅蘭(加$25)用玻璃杯上枱賣相滿分😍 朋友個靚靚雪燕桃膠奶茶(加$30)都唔錯，係養生之選🤣 嗌咗少甜基本上冇乜甜味，大家可以按自己口味落單🥗胡麻青瓜雞絲沙律($33)大碗到驚人，如果戒食澱粉質根本可以當一餐😱🫔起司肉鬆蛋餅($26)唔鍾意食醬所以走咗醬，況且皮薄爆餡本身已經好好味！加埋咁抵食，好encore-able🤤🤤🍡混一式綜合手工芋圓($44)又係極多料，可以share 食💓甜度較低啱我口味🥰

為咗送別觀塘Office嘅哥哥，妹妹就專誠去到觀塘創紀之城搵食，哥哥仲揀咗呢間哥哥添飯妹妹泡茶。話晒都係商業大廈裏面嘅餐廳，以為唔使等位，點知平日夜晚都座無虛席，我哋都等咗一陣先有位，可見相當受歡迎。原因喺呢度價錢一啲都唔貴，而且仲有一系列嘅台灣夜市特色小食，可解一眾滯留香港嘅朋友的鄉愁。我哋分別叫咗晚市套餐，入面包括咗三款前菜，分別係椒鹽爆溪蝦、涼瓜、同漬物拼盤，我尤其鍾意椒鹽爆溪蝦，夠香口又夠高鈣，而且份量都唔少。原來哥哥都好滋陰，所以揀咗花膠胡椒豬肚雞配炸炸脆米同白飯，另外仲有燙青菜同時令水果，夠晒豐富，營養又夠均衡。花膠胡椒豬肚雞湯嘅胡椒味唔會太重，而雞嘅份量都唔少，而且又唔會過熟，肉質仍保持鮮嫩。湯內仲有大大件花膠，仲要唔只一件，足夠分埋俾妹妹食。而我自己就揀咗破布子煎封比目魚配蟹肉菠菜圈，同樣配埋三款前菜、白飯同時令水果。比目魚扒有兩大件，煎得非常香口，而旁邊嘅蟹肉菠菜圈亦做得夠精緻。既然同哥哥餞行，當然要叫得豐富啲（其實係我自己為食😜），所以我就指定揀咗我最鍾意嘅煙肉起司蛋餅。蛋餅入面有芝士同埋煙肉，雙重美味，非常香口。見小食價錢唔係貴，所以另外仲揀咗九層塔一口鹽酥雞球，

👧🏻Wodafoodie in Kwun Tong呢間台菜坐落觀塘同牛頭角之間，位置較偏僻，但晚市套餐除左有主菜，仲有好多款前菜，全部細細碟放置木盤上，感覺精緻，打卡一流🥰前菜：椒鹽爆溪蝦、苦瓜、漬物拼盤、生果😋✨🐮紅燒牛肉湯麵🍜 配 燙青菜 $88有牛腱、牛肉、牛筋，厚切牛腱牛肉燘得腍身又夠入味，牛筋大大件但又好易咬開，湯底好濃，麵條粗身口感一流，係幾正宗又好食既牛肉麵，仲有埋溏心蛋☺️但佢麵量真係好多，下次我會叫佢少麵😝✨🐥花膠胡椒豬肚雞🍚 配滷肉青菜 $108星期一三五限定，要讚個湯真係好重胡椒味，清得黎又帶少少胡椒既辣，好惹味👍🏻👍🏻豬肚爽口洗得好乾淨無怪味，雞件份量多又唔柴，花膠彈牙夠大塊，係滿滿既骨膠原～😋✨🧀起司肉鬆蛋餅🍳 $26食台灣野點可以唔叫蛋餅！😍欣賞佢個餅皮唔似手抓餅個d咁油膩咁heavy，不過如果佢肉鬆多d，揀隻重芝士味d既芝士會更香口滋味😝✨🍡混一式綜合手工芋圓 $44食到好飽都要叫甜品，有三色芋圓、紅綠豆、愛玉、珍珠、仙草，好豐富，揀左黑糖薑汁，好重薑好好味～～🥰🥰✨靚靚雪燕桃膠奶茶🧋+$30雪燕好爽口，桃膠好有咬口，奶茶少甜，好飲～👍🏻👍🏻晚市套餐為$88

可憐既朋友仔今晚有排OT🙈 見佢咁慘我就去佢公司附近陪佢食埋個晚飯先由得佢再孤伶伶加班啦～(反正我公司行過黎都唔遠🤣)呢度既晚市套餐包左三款前菜，一款主菜同一款水果，擺盤吸引又精美😍我叫左紅燒牛肉麵(少麵)&熱水蜜桃果粒愛玉(少甜)，朋友揀左星期一三五限定嘅花膠胡椒豬肚雞&熱鮮手工製芋圓奶茶(少甜)，兩個都係配滷肉青菜😊椒鹽爆溪蝦好香口😋 食落好似台灣好出名果個蝦叔叔，不過呢個係迷你版😂牛肉麵湯底勁濃郁勁香😍 麵條彈牙👍 牛展厚身但略嫌唔夠淋，牛筋就好淋好入味😋熱水蜜桃果粒愛玉(少甜)有淡淡既水蜜桃同玫瑰花味，幾清香👍愛玉好有口感，呢個組合都幾夾😋花膠胡椒豬肚雞湯勁重胡椒味，都幾刺激😂用料超大方！！朋友淨係食料都食飽，飯都唔太食得落🙈佢大讚啲雞肉好似慢煮出黎咁，口感非常好👏豬肚唔會韌，花膠又俾得多，呢個set性價比超高！！❤️佢差唔多飲曬成碗花膠湯結果飲唔落杯芋圓奶茶😂 就決定拎返公司邊飲邊加油🙈🙈 祝福佢🙌

今日約左朋友係觀塘收工之後食晚飯，其實平時都見到呢間，只係一直都未有機會黎試下，就襯今日呢個機會啦。晚市套餐有好多前菜同配菜跟埋，惹味嘅椒鹽爆溪蝦、 爽口好fresh嘅芥末秋葵、 開胃嘅漬物拼盤， 仲有時令水果，其實成個set好豐富。花膠胡椒豬肚雞(星期1,3,5限定) 配時菜：滷肉青菜撞岩限定菜梗係要一試啦，花膠胡椒豬肚雞好足料好豐富，雞肉好嫩好滑，湯就比較濃烈重味少少，不過配左個白飯，好好送飯，最後好好食都飲哂啲湯。起司肉鬆蛋餅 超多芝士嘅蛋餅，影左陣相都拉到絲，加埋肉鬆，口感都好豐富，蛋味好香，即刻煎上枱後快D食，好好味而且唔好睇細細份，勁飽肚。咸蛋黃炸薯條呢個就唔洗多講，一定好好食，因為呢樣勁邪惡嘅野係唔會唔好食嘅。九層塔一口鹽酥雞球本身都唔太中意九層塔味道，不過雞球食落外脆香口內嫩滑好汁，份量都唔錯，小食多滋味。桂花甘香柚子鐵觀音桂花味好香好fresh，配上鐵觀音，好飲。鮮手工製芋圓奶茶奶茶底應該都係鐵觀音，配上大大粒自家製芋圓，好好飲。係寫呢篇食評嘅時候，我已經二刷咗呢間餐廳！

之前在IG見到相片，就被這裡的食物和飲品吸引到😝而且餐廳闊落開掦，一邊是落地大玻璃，採光一流，用餐環境不錯～ 晚市套餐有很多選擇，牛肉麵、拌麵、咖哩、魯肉飯、招牌塩麴雞、甚至是all day breakfast都有！🔸 搭香松露台式烤雞這裡的晚市套餐均附前菜椒鹽爆溪蝦、漬物拼盤和時令水果，一整盤上菜視覺效果很澎湃，打卡一流呢。烤雞可配搭牛油果沙律或菠菜起司一口薯，我就清清地點選了沙律🥗 加上橄欖油和黑醋，吃起來清爽又開胃這個搭香松露台式烤雞是店員推薦的，還貼心的送上手套，就不怕弄髒手可以盡情大快朵頤了！烤雞的水準有驚艷到，沒想到這裏的雞皮會烤得這麼乾身鬆化，真的超脆皮好香口😋😋 加一點松露醬來吃更是鮮香滿溢～🔹 花膠胡椒豬肚雞另一個晚市套餐選了花膠胡椒豬肚雞，配了飯、炸炸脆米和滷肉青菜。份量大方，裡面放了滿滿花膠，滋補又養顏。胡椒豬肚湯味道香濃，很好下飯，吃完全身都暖起來～🔸煙肉起司蛋餅來吃台灣料理當然不少得惹味的夜市小食，除了蛋餅外，還有大腸包小腸、鹽酥雞和夜市小香腸等。蛋餅的口味也蠻多選擇的，像我不太喜歡有肉鬆的，就選了煙肉起司蛋餅，口感紮實，還帶點拉絲的效果，很惹味～🔹水蜜桃果粒