鮮入圍煮 (已搬遷) 新店位置

天氣又忽然轉涼，就好想去打邊爐。7點左右去到，雖然無訂位，都即刻有位~可能出名嘅關係，旁邊搭枱嘅都係遊客多。入面嘅裝修都好似港式街市同大排檔嘅風味，仲有個海鮮檔俾客人揀生猛海鮮👍🏻一坐低就有醬料自己調。最出名係花膠雞湯，我地當然唔會錯過😋😋一上枱侍應會幫忙剪開雞件，細嘅花膠雞煲有半隻雞，仲有好多花膠，兩個人最後都食唔哂。墨汁墨魚滑幾特別，食落已經調好味，唔會有墨汁果種腥味，有粒粒墨魚肉又夠彈牙，材料夠哂新鮮！🦑仲叫左其他食材，鮮淮山唔錯。反而響鈴唔夠脆，浸完湯食落都仲有啲過油膩，少少失望。冰豆腐都推介，可以吸哂湯汁精華，不過食嘅時候小心辣親👍🏻👍🏻食物質素係唔錯，兩個人埋單8xx，性價比比起同水平火鍋店高👍🏻

今日終於去咗一間想試好耐，但係又一直都無機會試嘅餐廳---鮮入圍煮。喺旺角鬧市嘅樓上舖意外地可以做到大排檔嘅氣氛，連餐具都選用70、80年代常見嘅碗、匙羹等等。欣賞完裝修就講吓野食……濃厚原隻雞煲花膠湯---好明顯呢間又係湯底行先，雞同花膠都好足料，湯頭好香雞味，好濃厚；花膠好大同好厚肉，一啖食唔哂成舊；雖然我搶輸咗隻雞脾，但係雞背都好滑。每人飲咗兩碗湯先落野食，侍應好快幫我哋加湯，服務唔錯。呢道最特別一定要講吓佢個「海鮮檔」，所有生猛海鮮都係自己去水池選擇，可以保證係最新鮮！怕食唔哂，所以淨係叫咗貴妃蚌我只可以講：海鮮真係要新鮮先會特別鮮甜；另外點咗鮮魚卜，食得出新鮮，大大隻一啲都唔腥，正！打邊爐一定要食牛肉，手切安格斯牛肉雖然無本地手切牛咁濃牛味，但係入口都好軟淋，油脂好足；朋友點咗西班牙黑毛豬午餐肉，食得好滋味，不過我個人對午餐肉唔係太感興趣，朋友推介：鍾意食午餐肉嘅朋友可以試吓。另外，仲叫咗原粒帶子水餃、芝士流心牛丸同埋娃娃菜，最後以爽滑彈牙嘅稻庭手打烏冬作結，完美！

話說對上一次食呢間野是上年既事,都係因為佢個花膠雞煲令我仲記得，不過因為價錢都比較貴，所以不能常食。今日因朋友生日去食，個煲依然夠味，上左枱會有專人剪開d雞,味道香濃，可加一次湯，之後只係加水另外要介紹帶子水餃好食，芝士流心牛丸好食，內有濃濃芝士，手切牛肉（好似係牛肋咩）價錢$188個隻。炸魚皮好食，獨立包裝，上次食鱔$98幾塊都唔差，今次試脆骨腩$78（只得三舊係有點肉，之後就骨，再搭多兩個半魚頭，試一次就夠）啤酒夠凍$33枝，薯粉稍為腍左點，無口感

聽同事成日提起在旺角的鮮入為煮好味，話有花膠雞煲打邊爐，的確好養顏，女士聽到必想一試。難得book 到枱，終於可以試一試。當晚book 了六點，眼見有人walk in 但都無枱了，所以想黎食，記得預先book枱。一坐低就點了花膠雞煲，員工會將原隻雞上枱，然後在我們面前剪開隻雞，之後就可以開餐了。湯底非常濃郁，有濃濃的雞味，飲得出花膠同雞的甜味，花膠厚實，數量都幾多，雞肉好滑，淨係食雞同花膠都已經好滿足好飽了。之後我們仲點了西班牙午餐肉同牛肉，味道也不錯。兩個人飲飽食醉就走了。好味道！

秋風起最適合打邊爐季節，朋友們說近期開了一間懷舊情懷的火鍋店就去試一下。入到去超特別，開放式街市可以親眼目睹海產新鮮程度。所牛肉會有專人切肉，比較少有。只是星期四坐無虛席，可見此店有它的吸引力。鮮入圍煮，真的鮮味十足。湯底極度名貴，滋補養顏-花膠雞。花膠超多，湯底不油。雞非常嫩滑及腍還有湯底頗入味。每一啖湯都令人想飲多一碗似的。食物種類繁多，有黑柏業.安格斯牛肉.還有西班牙黑毛豬午餐肉。安格斯牛肉不太老，半生熟口感一流。午餐肉肉質不太肥，瘦肉為主比較健康。很喜歡芝士流心丸，濃濃芝士味令人食指大動～打邊爐點少得響鈴.只需浸在湯底5秒已經超入味。很喜歡此店的蔬菜類，極度新鮮。另外店員收碟或上菜的速度都非常快，值得一讚。提提大家，如果要吃此店最好預先book位呀=］