616牛肉火鍋專門店 (明德商場)

营业中

休息中

秋冬天打邊爐出動！616出名提供刁鑽牛肉部位，大家可以食盡來自不同產地、不同部位既牛肉！我今次去左將軍澳坑口分店，餐廳光猛寛落。職員服務態度好好，斯文有禮。醬料區有好多選擇。聽啲食客講秘製牛肉汁mix鮮牛油鼓油係指定動作。秋冬推介--花雕醉蜆鍋 $138嘩，個蜆煲真係好正！唔係講笑，有相為證，真係有好多好多蜆！！酒味好濃，勁正，仲要辣辣地，食到臨尾我突登唔加湯住，酒味更濃郁，辣度更強勁。仲有每隻蜆都清得乾淨，食唔到有沙，呢點非常重要！叫左四款牛，淥幾秒好快熟，食到每款牛味同濃度都有分別。加拿大伯塔牛側胸肉 $58：牛既油花味好香，牛質係最嫩滑。安格斯橫隔肌 $48：每頭牛只有兩小塊，最濃牛味係佢，雖然呢個部位無咩脂肪，但都係淋既。熟成加拿大牛肩脊 $58：未試過用熟成牛打邊爐，佢用上 21 天以上熟成處理，牛肉以自身酵素分解肌肉組織，幾特別，牛味突出，值得叫黎食。匙柄 $48：牛下肩胛肉，油脂較少，會有少少筋，牛味係有偏向牛蘇香。牛肉餃 $48有6粒，size適中，要淥耐一啲。洛神花玫瑰茶 $32飲到玫瑰味，唔會好甜，唔錯！

616牛肉火鍋有唔同刁鑽牛肉部位, 今日去咗明德商場分店, 地方幾寬敞, 仲有卡通壁畫打卡啱曬！花雕醉蜆鍋煲滾一打開蓋, 酒香四溢, 一大盤蜆全部向上露出蜆肉, 百花齊放好漂亮！蜆肉新鮮冇乜沙, 處理得唔錯。食完再用蜆湯做牛肉火鍋, 特別鮮美！安格斯-橫隔肌與橫隔膜相連,每頭牛只有兩小塊, 稀有得嚟價錢唔貴, 牛味好濃郁！澳洲五花趾牛後腿肌腱的中心部份, 類似平時食開的牛展, 口感爽脆彈牙。牛駝峰牛朴肉後端的頸背間的肉, 食落有豐富油香肉味！匙柄牛下肩胛肉,油脂較少,肉質纖維幼細！雙拼牛肉餃原味牛肉餃好多肉汁。麻辣牛肉餃好有辣勁, 鍾意麻辣嘅一定要試下！手打牛筋丸(半打)軟熟肉味較濃好juicy, 口感冇想像中彈牙！鮮製手打烏冬堅韌軟熟, 特別柔軟幼滑, 有嚼口！