小南國 (已結業)

是日為媽媽慶生，選擇沙田區嘅小南國，等齊人就由我同阿妹發板，侍應提議我們6人叫餐，參考完發現單點較吸引，而且單點價格唔算貴，最後單點4個涼菜(小排骨，醉雞，馬蘭頭，雞絲粉皮) ，砂鍋雲吞雞，小籠包，生煎包，元蹄，叉子鬆同炒飯。 埋單約1100, 唔算太貴，但整體食物質素仍可改善。例如：馬蘭頭較咸，所以份量少都食唔哂； 砂鍋雲吞雞啲雲吞應該叫水餃，因為好大隻但又唔夠味，所以又係食唔哂；最唔ok係個元蹄，元蹄底味超咸，雖然大大隻，好似好抵，唔駛200，但真係咸到食唔到。 至於全場推介係個生煎包同小籠包，水準之上，肉汁多，比台灣品牌店/另一些國產品牌店還好。

中國菜中，上海菜精緻美味，同時樸素家常容易入口，所以是聚餐約會的一個好選擇。小南國是新派上海菜的代表，裝潢古典雅繳，是享受上海菜的一個好地方。這次點了花雕醉雞、蟹王羹、小龍包、松子黃魚和上海咸肉菜炒飯。醉雞的花雕很入味，溫度冷得剛好，令雞肉格外爽口。味道和味富蟹粉的味道，那種鮮美的感覺喜歡蟹膏的你不容錯過。小籠包反而在整餐中比較不突出的一味。湯汁足夠但肉質未夠嫩滑，可以多加一點肥肉增強口感。幾乎每次也會點松子黃魚。松子黃魚的外皮炸得很酥脆，而當中魚肉依然濕潤多汁，吃起來口感十足。廚師細心地把魚骨都去除，吃起來沾上酸甜醬十分可口。加上松子作伴，為酸甜的魚肉再加上了松子獨特的芳香。再後的上海咸肉菜炒飯是把金華火腿加入了在菜飯中細炒。飯粒顆顆分明結實，油份適中，金華火腿為炒飯加入了咸香味道，很有風味。

好耐無入嚟新城市廣場依邊食飯喇，就番其中一家，所以入咗嚟。趁著做冬，又可以一家人圍埋食番餐好嘅，今次揀小南國，無非都係貪佢水準穩定有質素，而且又有個闔家歡超值精選八人餐（原價$1,728，折實$1,488，未包茶芥），人數啱晒，菜單又有佢哋嘅幾款招牌菜，符合晒我哋嘅要求！小南國在港亦紮根多年，走嘅係中高檔路線，所以裝修、服務、食物質素都一向屬佳品，晌度食飯幾穩打穩紮。加上今晚主打都係嚟做冬，爆場都係定律，分兩輪都係飲食業搵錢嘅自然做法，早啲食早啲走啫，返到屋企都唔使搞咁夜。一室象牙白主調，帶有通花嘅天花，晶瑩剔透波波水晶燈，都令環境雅緻不俗套。未上菜，先嚟一人一杯清潤雪梨水，晌依個冬日添添滋潤，總好過次次都係啤酒汽水，如果有得添飲就仲正！前菜五小碟5款冷盤前菜碟碟都做得幾骨子，加少少伴碟，觀感已好唔同，包括有：花雕醉雞、金瓜絲海蜇、涼拌茄子、四喜烤夫、糖醋小排骨，各具特色，5款都做得好食。- 醉雞帶微微酒香，唔會蓋過雞鮮味，皮爽又肉滑。- 金瓜即係南瓜，金瓜同海蜇都切成幼絲，望住絲嘅幼而修長，都睇出師傅刀功上乘。金瓜絲同海蜇絲都做到質感脆身，添少許麻油撈撈，不其然夾完一炷又一炷。- 茄