温野菜

营业中

休息中

聽過温野菜嗰名好耐，不過從來都未試過，今日想食壽喜燒就黎試下先，香港可以食壽喜燒嘅地方始終都唔係多。餐牌選擇好似唔多，有幾款定食揀，價錢有正常價有高價，都唔多似飽肚。不過亦有飽肚啲嘅雜炊揀。壽喜燒定食 $398 另加一壽喜燒定食好似包好多野，不過其實份量好少。主角肉類有兩款，分別係鹿兒島茶美豚梅肉，另外可以揀米澤牛黑毛和牛肩脊肉，或者長崎黑毛和牛肉眼，我哋揀左米澤牛黑毛和牛肩脊肉。仲包一個野菜盤，烏冬一碗，同生蛋一隻。上完菜之後，服務員問洗唔洗幫手起鍋，我哋梗係照殺。服務員先將油脂喺個鍋度淥一淥，然後幫手將啲蔬菜順次序放落個鍋度，再加入壽喜燒湯，等個鍋滾起之後就由你自己整肉食。鹿兒島茶美豚梅肉，米澤牛黑毛和牛肩脊肉鹿兒島茶美豚梅肉，同米澤牛黑毛和牛肩脊肉，每款四塊，放喺同一隻碟一齊上，有紙條寫明係乜肉。鹿兒島茶美豚梅肉規定左喺個餐度冇得揀，好韌，唔係好得。米澤牛黑毛和牛肩脊肉切到超薄片，冇乜質地可言，證明塊牛一定係好貴，牛味都算濃嘅。野菜盤有旺菜，京蔥，大根片，紅芯大根片，啡金菇，冬菇兩大隻，春菊，同葛絲。野菜質素參差，旺菜好韌；京蔥外皮又係例牌韌；啡金菇吸左壽喜燒湯，好味；冬菇好新鮮

朋友生日，於是一早book咗位嚟到尖沙咀呢間溫野菜度食晚餐入到店第一感覺係升級版嘅日式火鍋店，坊間都有好多任食日式火鍋，日牛、牛陣、牛涮鍋，都係二百幾蚊任食但溫野菜環境就舒服同衛生啲，座位闊落，特別係有個大窗觀望維港景色，8點仲可睇到幻彩詠香江講返食物，一人一個湯底，同朋友揀左壽喜燒同藥膳湯底藥膳湯底加入各種藥材，味道濃郁香甜叫左一碟鹿兒島黑毛和牛，令人垂涎既雪花！脂肪分布平均，一灼即食，軟綿綿口感，入口即溶，超正再叫一碟安格斯牛肋肉，呢碟較便宜而且份量較多，但味道亦不差呢碟牛肉質鮮嫩，有濃厚牛肉肉味，同鹿兒島牛係兩種口感，個人更喜歡安格斯牛再叫其他配菜，呢個野菜盛合份量太少，每樣菜都得兩片芝士竹輪咬開有芝士流出，同吉野家個竹輪一模一樣下面係豆腐麵，個人認為麻麻地，好似將豆干壓平再切成幼條，食落乾身鞋口，不是我杯茶再叫左另一啲小食冇影到相整體黎講如果大家著重食物份量，想飽吃一頓，可揀任食火鍋店，個人認為質量相若但如果想舒舒服服，欣賞維港夜景，食精緻啲，溫野菜亦是一個選擇

沒有預早安排平安夜的晚餐，特意不吃下午茶，早一點吃晚飯，下午五時左右經過海港城的溫野菜，已經要等位了，見等位的人不算很多，便取票等一下，幸好等了一會便有位。喜歡熊本熊的大人和小朋友來到溫野菜會特別高興。溫野菜的餐牌以新鮮蔬菜做封面。溫野菜採用一人一鍋的方式，窩夫選了女士至愛的有機豆乳鍋($29)。蝦子餅則選了骨膠原柚子鹽湯($39)，可以補充骨膠原美肌，柚子味很清新，但整體味道偏鹹。火鍋當然不少得牛肉，選了英國安格斯牛肋肉($98)，水準不俗。除了牛肉，還點了豬肉，窩夫與蝦子餅都覺得熊本豚梅肉($48)比安格斯牛肋肉好吃，肉味很濃。黑松露免治雞肉($39)的黑松露味很香濃，免治雞肉裡加了軟骨粒，令口感更加豐富。炸白身魚魚餅($25)、自家製福袋年糕($29)和湯葉(腐竹)($19)的味道都很好，窩夫特別喜歡豆味濃郁的湯葉(腐竹)。第一次吃紅心蘿蔔($25)，顏色很美，切得薄薄的，很快便煮至軟身。白玉粟米($38)在香港比較少見，味道清甜，值得一試。兩款湯底當中，窩夫與蝦子餅都比較欣賞有機豆乳鍋，可以邊吃邊玩，夾起一塊又一塊滾起來的腐皮，十分好吃呢。