元朗新記 (鴻運樓)

营业中

休息中

貴妃雞粥($59/另加皮蛋$6) + 香脆油條($12) + 紅燒元朗脆皮乳鴿($76) + 菠蘿咕嚕肉($61/另加$20跟飯及餐飲) + 蜜汁叉燒($66) + 豉油皇炒麵($34) + 杞子枸杞豬潤湯($57) ★－:+:－:+:－:+:－:+:－:+:－:+:－:+:－:+:—★​元朗開咗有30幾年嘅新記雞粥都算幾出名，本店上年結業，呢刻唔驚唔覺又開返7間，分店有元朗+屯門+旺角兩間+佐敦+觀塘同筲箕灣，係勁嘅🔥是晚去元朗店，舖面光猛，如搭枱中間有隔板，出餐快，員工態度nice，客人滔滔不絕，外賣單超多，單機不停響🙉一場嚟到冇理由唔叫招牌雞粥，一兜二人分每人大約分到3碗，粥好綿，帶米香，唔會好水，帶米黃色充滿雞油香😋雞件大概有十舊，夠滑帶鹹香，果然馳名有因👍🏻注意粥會有碎骨要小心啲食；豉油皇炒麵麵炒得幾爽，豉油均勻，勁大碟😎脆皮乳鴿一開四，夠大隻好多肉，皮好脆，點少少准鹽好香口，唔使喺酒樓都食到乳鴿正✨菠蘿咕嚕肉唔係勁多粉漿嗰隻，半肥瘦梅肉甜甜酸酸送飯fit爆！

行經元朗新記雞粥，上次食咗雞粥，今日就試吓啲小菜和小食，點知出乎意料之外帶來左驚喜。新記雞粥除咗元朗店之外，仲有筲箕灣、佐敦及旺角分店。新記雞粥唔好似平時粥店咁單調，除咗粥、腸粉外，仲有多款精美小菜、雲吞麵、港式焗飯、公仔麵、三文治、多士等等菜式，而且價錢亦十分相宜，男女老少都適合。XO醬叉燒炒蛋     $71炒蛋賣相美觀，顏色鮮黃，生熟程度恰度好處，配上鋪面嘅XO醬，增強味道層次又不失炒蛋香味。椒鹽豬扒    $64  豬扒肉質鬆軟，入口微辣，㪚發出椒鹽嘅陣陣鹹香，即叫即炸好嘅豬扒肉汁豐富，半肥瘦嘅豬肉同香脆嘅炸蒜，食落好惹味。菠蘿咕嚕肉   $61  向來愛酸甜味道既我，咕嚕肉當然係必點嘅，酸中帶甜嘅醬汁，令人胃口大開。咕嚕肉表層炸到酥脆，外面粉漿唔會過厚，內裡肉質鬆化，豬肉亦唔會有太多肥膏，可以講係色、香、味俱全。腐乳通菜炒牛肉    $68 呢款必食小炒，最喜歡嘅炒通菜+牛肉，通菜翠綠爽口，牛肉嫩滑，加上腐乳嘅鹹香，椒絲嘅微辣，就係惹味小菜。沙嗲牛肉公仔麵餐    $37  配炒蛋、牛油厚多士，連飲品一杯。沙嗲牛肉份量唔少，口感嫩滑唔會好粉，仲食到醬汁少少花生味。公仔麵唔會煮

晚餐唔想煮飯，同屋企落街食新記，鍾意佢D小菜夠鑊氣，味道到位，價錢又合理，小菜加$20就可以配例湯/飲品及白飯一碗，我地今晚叫左三款小菜😋 🍳XO醬叉燒炒蛋 $71果然係招牌菜，好驚喜，好足料啊，XO醬份量多到滿瀉，非常之慷慨啊，炒蛋好香蛋味之餘，質感保持嫩滑濕潤，可見廚師功架了得，配上大大塊彈牙叉燒，真係好好食，呢道小菜值得推介🐷菠蘿咕噜肉 $61必食菜式，外層很脆身，肥瘦適中，裡面肉質嫩滑，掛滿甜酸汁，每件切得小一口一粒，炸粉和肉比例剛剛好，酸酸甜甜味道剛剛好，愈食愈開胃🥬腐乳通菜炒牛肉 $68通菜好新鮮翠綠，入口非常爽脆，牛肉大大塊鮮嫩彈牙，加上腐乳嘅咸香味，非常惹味

好味指數😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗細細個成日都聽到沙田先有好味雞粥同乳鴿，今日響元朗周圍逛，發現呢間店有雞粥又有乳鴿，仲見到有大排檔 feel 嘅小菜，招牌上面寫住老字號，由於我唔係元朗友，老唔老字號我真係唔識，見唔係好貴，入去試吓就知真偽啦！🍴貴妃雞粥（$59） 加鮮蟹 （+$15）雞粥一煲上，份量唔少，有5大舊雞，鮮蟹係細細隻嗰種，有半隻。見到個粥有少少黃色，先食一啖粥，粥底好綿滑，有雞油香味，雞唔嚡口仲幾滑，雞皮一定係邪惡但照食，蟹唔算太有肉食，我主要想要佢嘅鮮甜，半隻蟹仔個蓋都有膏，撈埋雞粥食真係一流。🍴紅燒元朗脆皮燒乳鴿（$76）乳鴿個皮好脆，肉質嫩，鹵水汁醃得入味鹹度啱啱好，我自己唔需要再加淮鹽，好味！🍴酥炸魷魚鬚（$61）估唔到咁大碟，嚟到嚇一嚇😂 炸得香脆夠惹味，炸皮唔厚，大條嘅魷魚一D都唔韌，爽口易咬開，食到停唔到～🍴XO醬炒蘿蔔糕 （$58）蘿蔔糕每粒都煎香咗，外皮少少脆身，入面軟身，XO 醬嘅蝦乾炒到好脆，少少微辣，配埋三色椒同洋蔥，好香口惹味。🍴海蜇熏蹄（$58）海蜇好彈牙夠爽，個汁辣辣哋好開胃，熏蹄有5片，都幾厚切，肉質爽，同個酸辣汁好夾！🍴

✨燒味雙拼 $70（貴妃雞+$10、叉燒）叉燒有半肥瘦，亦都有瘦叉減肥緊嘅都可以食🤭個人鍾意食半肥瘦多啲，口感更嫩更好味～貴妃雞都好好食！！有雞髀位食超開心～～隻雞做得好嫩滑好香（՞ټ՞✨菠蘿咕嚕肉 $58咕嚕肉好好好好食(๑ ́ᄇ`๑)咕嚕肉周圍都有但唔係度度都好食🫢肉質好嫩唔柴好好咬同埋炸得剛剛好個皮仲有少少脆，又唔會食到好厚炸粉！✨豬雜炒河 $60個人都幾鍾意食豬雜～比較少喺普通餐廳見有豬雜嘅嘢食😳所以見到即刻叫嚟食！！碟炒河食落幾有鑊氣好香口～入面有豬肚、豬潤、豬腰等等如果整體再濃味多少少就更好食！✨酥炸魷魚鬚 $58炸魷魚鬚🦑不嬲都好食冇得輸～欣賞佢外皮炸粉唔多，唔會炸到好分離好味(≧ω≦)🔹欖菜肉鬆乾扁四季豆 $58肉碎同四季豆份量好多好佛心～✨七喜話梅柑桔冰呢個好飲！係柑桔版嘅鹹檸7！少少鹹酸加七喜，唔會太甜岩晒不是螞蟻人嘅我～夏天飲呢杯好爽好正！🔹薑汁紅棗糕口感好煙韌好好咬，偏黏身少少～紅棗味好出！但薑汁味就好似被搶fo咗少少～*✨為私心推介！

🤎🤎元朗- 新記🤎🤎原來世宙對面都開左間《元朗新記》，新裝修又幾有特式，2邊牆都有昔日元朗既街照，座位都闊落好坐，最緊要！係冷氣夠涼😌由於太肚餓既關系，我地幾個就嗌多d 小食食下🫣而且食物既CP 值都幾高😳🐙酥炸魷魚鬚- 份量都幾多，魷魚鬚好大條，外脆內軟，魷魚唔韌，我仔都咬到。🐟蜆介鯪魚球- 有6舊大大粒，非常彈牙，蜆介醬汁有陣特別既酒香，非常美味。🐔海蜇手撕雞- 加咗味菜喺入邊，而且份量都好多下，雞肉都滑，味道偏甜。🐥貴妃雞豬潤粥- 粥底非常綿滑，豬潤剛剛好熟，爽滑彈牙，雞肉大概有五至六件，係鹹雞嚟嘅，最驚喜嘅係～咬落啲雞肉（連雞胸肉），都好滑好好味，超級推介！🥡香脆炸大腸- 大腸炸到非常乾身，留有少量油香喺腸入邊，外皮非常脆。🐦紅燒元朗脆皮乳鴿- 呢樣敏仔最鍾意食，指定要食晒啲脾仔同翼仔，外皮好脆，肉超juicy, 唔怪得會俾敏仔搶黎食😂🍍菠蘿咕嚕肉- 豬肉好易咬開，外脆內軟，醬汁酸酸甜甜，最啱小朋友食。咁多嘢食，梗係嗌番幾杯嘢飲，一路食一路解渴啦！我就嗌左七喜話梅柑桔冰💚，仲有綠色嘅七喜龍眼冰💚加埋咁熱嘅天氣，爽呀！🍚元朗新記 (鴻運樓) 元朗元朗安寧路21-35號鴻運樓地下7