聚來車仔麵

营业中

休息中

聚來車仔麵是一間值得一試的家庭式小店。作為一家家庭式經營的餐廳,他們的車仔麵提供了多款可選的美味配料, 今次我選了雞翼。牛筋，羅白配上米粉，朋友就選了牛腩，魚腐，雞腎配上米線，兩碗麵的份量剛好，配料新鮮，完全感受到車仔麵的本味此店除車仔麵外還可以選擇飯類作為主食，作為一間平民餐廳算是多款選擇的而我所點的美食中，其中令人難忘的是他們的煎餃,薄皮多汁,煎至恰到好處,外酥內嫩。再說，小店內店主熱情好客,讓人感受到家的溫暖。想品嘗正宗的車仔麵和各式飯類，這間聚來車仔麵都是不二之選。

上網搵邊度有蒜泥白肉食就發現呢間野，今日咁啱系附近睇跌打就行過嚟：【蒜泥白肉】+【椰菜木耳豬肉煎餃】下午茶😋，一入去自己搵位坐底望望餐牌有乜食落左店員問飲唔飲嘢(因為個袋仲有支烏龍茶所以同距講唔洗)就玩電話等食，蒜泥白肉正常水準 12片，反而木耳椰菜豬肉蒸餃有驚喜😋皮煎得夠脆香口👍咬落仲有汁😋企起身想行去收銀位埋單店員見我右腳有狀況(因為拗柴包左藥)樓面店員就叫我坐返底距找錢比我唔洗我行👍，咁都比距留意到👍下次路過一定會再幫襯

一直都知道深水埗這間車仔麵點有一個好出名的柯華田醬爆西多士,見肥妹考完試,咁就陪佢去試下吓究竟呢個柯華田多有幾邪惡先 🔮爆漿柯華田西多士  即炸夾心榛子醬西多士,上面舖滿哂柯華田粉,再加上流心煉奶,流到好似溶岩咁,邪惡程度簡直爆曬燈呀!西多超香脆,我同肥妹兩個勁快就ko哂！食完都覺得真係好甜蜜！無諗過街坊車仔麵店都會有一個咁出色的甜品,不過食完之後真係有D guilty ,返去可能真係要跑20個圈啊! 🔮韮菜猪肉餃 🔮芝士粟米餃  小店的餃子更加出色,作為餃子控,一定要試!小店每款餃子都是親手的,廚師手法純熟,每隻餃子的大小外型也相若,兩邊皮也煎得十分香脆,最正係個餡,真係不得了啊!韮菜豬肉餡,餡料爆多,又有韭菜濃香,餡料滿滿的,咬下去真的爆餡又juicy.再來是芝士粟米餃,更加大愛,甜甜的粟米配上濃郁的芝士餡,芝味濃郁,分美味而且芝士餡十分飽滿,滿滿的芝士熱熱的一啖咬下去,勁滋味呀！真的要推介再推介呀! 🔮自選三餸車仔麵   當然亦都會叫返個車仔麵做主食啦,湯頭簡單以猪骨做湯底,我地揀咗：白蘿蔔 + 猪耳仔+鹵水 翼尖.廚師挑選了優質的白蘿蔔,清甜之餘又冇渣;鹵水豬耳仔和雞翼尖佔兩樣

深水埗有幾間車仔麵都好出名，呢間聚來車仔麵亦漸漸為人認識，而佢最出名嘅並唔係車仔麵。雖然重點推介嘅唔係車仔麵，但都要點返碗醫肚兼過吓口癮。難得佢嘅蕃薯粉唔使加錢，當然係叫蕃薯粉($10)做麵底，配料就揀咗上湯花膠($13)、魚片頭($10)、墨魚丸($9)同紅腸($9)。車仔麵屬正常水平，上湯花膠清得嚟夠入味，我就幾鍾意。蒜泥白肉分量超多，而且鋪滿蒜粒，非常香口惹味。其實呢度必食嘅係佢哋嘅招牌鮮煎餃子，餃子屬自家製，分別有韭菜餃、椰菜餃同芝士粟米餃，而且可以雙拼。椰菜餃入面除咗有椰菜同豬肉，仲有木耳絲，椰菜配豬肉味道鮮甜，而且煎得香脆，非常美味。芝士粟米餃就最啱小朋友食，濃濃嘅芝士再配上煎得香脆嘅餃子皮，感覺有點似食緊pizza。而另一個最值得慕名而來嘅，就係佢嘅爆漿阿華田西多士。西多士本身可以選擇榛子醬或花生醬，個人認為榛子醬配阿華田味道更夾。西多士中間挖空，灑上阿華田粉至完全覆蓋整件西多士，然後再注入佢哋特別調配嘅醬汁，大概係雲呢拿煉奶嘅味道，切開就有如岩漿流出，每口多士都沾有醬汁，真係好味到要舔碟。

🌗車仔麵套餐C （四餸加粉麵） $45 凍飲加$2如果想自由搭配餸嘅話就唔好揀餐，因為套餐嘅選擇唔多，勝左份量夠大，揀左牛腩、蘿蔔、生菜、芝士腸，牛腩份量尤其足料，大概有四五大件；蘿蔔清甜舊舊都無渣！辣椒醬🌶係分裝係湯匙之內，辣度可隨自己喜好再增減。🌖招牌鮮煎餃子（8 隻） $40 餃子有分椰菜餃同韮菜餃，可以揀雙拼。餃子皮薄餡多，外皮煎得香脆，咬落仲識滴汁。椰菜餃清爽鮮味，韮菜餃味道濃烈，煎餃本身就會比較油，但點左醋就油膩感減半。🌖招牌鮮炸肉丸 $28肉丸勁鬆軟，軟綿綿到無牙都食到呀！內裡鬆軟但外面炸得香脆，比起宜家傢俬嘅招牌肉丸，呢個絕對更勝一籌‼️美中不足係配菜方面選擇左酸醃蔬菜，如果配搭紅莓醬就真係無得頂😍！OMG！唔記得咗問老闆有冇賣急凍肉丸，等我放係屋企隨時拎出黎食。🌗蒜泥白肉 $28呢道小食不太推介，肉切得唔夠薄又太乾，蒜係蒜粒而非蒜泥，食完嚇唔走吸血鬼喎。📢車仔麵以外其實仲有飯餐架，唔好比個舖頭名呃左😆。