404
16
4
| 餐厅: | 聚來車仔麵 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁深水埗站 A2 出口, 步行约5分钟
继续阅读
电话号码
23918033
开饭介绍
车仔面真材实料，有多款配料选择。惊喜地有创作甜品—阿华田西多士，精致好味媲美甜品店。
继续阅读
附加资料
歡迎外賣自取
营业时间
今日营业
11:00 - 21:00
星期一
全日休息
星期二至日
11:00 - 21:00
以上资料只供参考，请与餐厅确认详情
相关文章
今日同朋友黎食我呢間每到深水埗必食嘅餐廳，聚來嘅港式車仔麵同多士都好出色，加埋港式凍檸茶，一直都保持到水準！而且呢間鋪非常有人情味，係一家人去經營，而且服務都好好！🍜車仔麵👍🏻薯粉好少車仔麵店可以簡薯粉，而佢整嘅薯粉係整得岩岩好，好煙韌同爽口！👍🏻豬手非常淋同入味，估唔到車仔麵都食到咁高質嘅餸。豬皮份量好多，而且都寫得好乾淨同入味。雞翼尖👍🏻瑞士雞中翼又係入味嘅代表之作，而且大大隻👍🏻豬紅洗得好乾淨，份量唔錯芝心丸裡面有溶咗嘅芝士，好岩我口味🌶️辣醬同有辣椒菜脯都好出色，辣椒辣同蒜香味好突出🦑👍🏻秘製辣魷魚呢款辣魷魚比想像中冇咁辣，除咗有少少辣醬，仲有啲芝麻醬！份量非常多，食落非常爽口👍🏻🍞👍🏻👍🏻爆醬阿華田西多士呢個係招牌西多士，啲包炸得夠脆，上面鋪滿勁多阿華田粉，然後有好多煉奶流出嚟，加埋朱古力榛子醬，係外脆內軟！雖然好邪惡，但好值得食，好好味～🍹凍檸茶好欣賞佢嘅茶仔，係港式嘅錫蘭紅茶，而且有新鮮嘅檸檬，加埋車仔麵就係香港嘅特色美食。
继续阅读
閨蜜喺social media見到極其邪惡的食物，就叫埋我一齊去試🤣口腹之欲，的確罪孽深重😍。爆漿阿華田西多士 $38 （爆推🌟🌟🌟🌟🌟) 就是衝着它而來，第一次食，果然令人驚喜萬分❤️。仲加多$2，要了朱古力榛子醬。西多士賣相超級吸引，以超多阿華田粉鋪面，中間猶如火山湖一樣，上枱震騰騰😍一切開，流心餡傾瀉而出🤩，非常震撼。一啖入口，阿華田的香，夾雜着中間的朱古力榛子醬，非常香甜😍邪惡指數爆燈，但好食指數都爆曬燈。招牌雙拼煎餃 $63點了椰菜雲耳豬肉及+$3 要了芝士粟米，足足有12隻。餃子皮底部煎得非常香脆，但上層仍然柔軟。一啖咬開，餡料滿瀉。椰菜雲耳豬肉非常清甜，椰菜帶點爽口，很清爽的感覺。芝士粟米非常好食，芝士量足，帶點鹹香，配上甜甜的粟米，好食到食完一隻又一隻😍。招牌鮮炸肉丸 $35有10粒，即叫即炸，熱辣辣，好好食。炸得外脆內軟，啖啖肉，帶點點肉汁，幾好味。熱奶茶及凍奶茶身為奶茶控，必試其茶。茶底濃味，順滑入口，不錯。想睇更多介紹，馬上Follow我啦😁。
继续阅读
.#foodie #hk #hkfoodie#HTB美食推介【深水埗打卡茶記｜有緣相聚歡迎再來😮】唔入餐廳都唔知道原來餐廳名咁有詩意，行開深水埗決定嚟朝聖下一間打卡茶記😎🤩.🐨爆漿阿華田西多士 $38推薦度：⭐️⭐️⭐️⭐⭐️西多士可揀花生醬或朱古力榛子醬，傳統嘅小編揀咗花生🥜🥜上枱嗰下勁震撼！！！中間係佈滿咗醬同阿華田粉，一切開流到成隻碟都係～～ 食落第一啖一定係滿滿阿華田味...但食得出就咁西多都好出色🤪🩷 因為切開見到佢炸得啱啱好，外面薄脆、中間夾住滿滿嘅花生醬～ 花生醬嘅鹹味同華田甜味都好夾，兩者其實都唔係好搶～上面滿滿嘅華田浸得越耐味道越出，彌補到原本食西多食得多會好寡或者想同人分享嘅感覺🫣 絕對可以自己食晒成份....🐨單拼麵餐-雞扒米線 $32up推薦度：⭐️⭐️⭐️⭐⭐本身擔心淨係西多會飽，所以叫埋個米線😂 米線媲美到三哥，有淡淡米香、唔會煮到好腍～ 另外，揀咗雞扒，雞扒一上枱係金黃色，最緊要佢喺原塊上，逐啖咬住食好滿足🙈 佢煎得真心好香、蔥花味都好出，保持到肉嫩同肉汁，係茶記level絕對係高質素！！！！.⌫所有下午茶餐都連埋餐飲🤤勁抵——☼——☼——☼——☼——☼——聚來車仔麵📍地址：深水埗基隆街172號地舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB深水埗 #HTB港式.#深水埗美食 #深水埗 #港式 #西多 #爆醬 #阿華田 #朱古力榛子 #雞扒 #下午茶 #打卡 #高質 #美食推介
继续阅读
同深水埗地膽朋友黎到飯堂，每次都會食其特色自選車仔麵和邪惡阿華田爆漿多士，貪呢間「聚來車仔麵」充滿人情味和家的味道，服務好不在話下，仲要家庭式經營好溫暖，會向熟客虛寒問暖。望望餐牌，多款炸物小食，湯/煎餃子餐、西多士、三文治輕食、車仔麵、秘製咖喱飯等，應有盡有。香辣魷魚🦑係水魷，好爽彈，蘸上腩汁，好正，仲自帶辣味。雞中翼大大隻，五香味好濃郁，醃得好夠味。鹵水雞腎，咬咬下質感夠爽，而且滷水味層次香濃，帶有淡淡，花椒，八角香氣，想追食。魚腐吸曬湯汁精華！配埋低脂低升糖軟焾番薯粉、加腩汁/咖哩汁/瑞士汁/沙嗲汁/滷水汁任君選擇，腩汁出色，加埋其自家製蒜蓉辣椒醬，更有層次感！豬頸肉：豬頸肉肉質比較軟嫩，但由於條狀的部位肉質較為緊實，經過燉煮後，入口即化，口感更加豐富。韭菜餃大大隻，入面充滿線餡韭菜和豬肉，最喜歡餃子入面吃到豬肉粒，增加口感。油面夠曬咬口吾會太焾加咖喱汁，無得輸。邪惡阿華田爆漿多士：果然係招牌西多士，香園白麵包多士沾上蛋漿煎炸香脆金、包裹著海量阿華田粉、中間仲有煉奶流出嚟，呈流心效果，中間夾住花生醬餡，邪惡但係真係食唔停口。凍檸茶：欣賞用上錫蘭檸檬茶茶底香氣十足，特別香濃，仲可以解膩。總結：用心經營的家庭式小店車仔麵和多士都好出色
继续阅读
呢日同朋友一齊嚟咗呢間車仔麵店諗住簡簡單單食碗車仔麵醫吓個肚仔🤣我哋叫咗啲食物諗住 share 嚟食🤣$60「韭菜豬肉餃🥟拼椰菜雲耳豬肉餃🥟12隻」：見到餃子🥟全部自己包真材實料，幾好味道🤣$27「油菜」：有 生菜 同 菜心 兩種可以揀，咁一樣叫咗一碟，生菜 同 菜心 都新鮮，仲叫咗「全走」，咁樣好似健康啲🤣車仔餸菜 由 $9 - $14 不等，咁叫咗 豬手、魚片頭、雞中翼、蘿蔔，咁麵底（$12）就揀咗「出前一丁（再加 $3）」：車仔餸 全部都煮得幾好食，豬手炆煮得好腍，蘿蔔都係煮得好腍，雞翼就梗係好食啦，出前一丁當然亦都係好食啦🤣加 $5「熱奶茶」：大大杯夠濃滑🤣加 $5「熱檸水」：太大杯幾清新🤣
继续阅读