咖哩葉

营业中

休息中

上次試過同舖嘅墨西哥菜，今次再黎試佢另一印度菜，估唔到都好好食，依家係OR訂枱仲有8折，再抵食啲。今次二人叫三樣，加一八折後每人大約$90。胡椒脆餅落完單就免費送上，附有薄荷醬同酸梅，正常。咖哩角 $38一客有三個，表皮係鬆脆唔硬口，而餡料滿滿，咖哩味道濃。奶滑烤雞 $128咖哩偏向甜味，比一般咖哩更香更滑口，而雞肉嫩滑，份量都唔少，配上烤餅食真係好好味。蒜蓉牛油烤餅 $28有四塊，兩塊蒜蓉烤餅，香味十足，底脆脆地，中間同面煙煙韌韌。而另兩塊似原味同薄身少少，所以相對會成塊都鬆脆。

平安夜食西餐預左俾人劏，反正食咩冇所謂，志在出去食餐飯湊下熱鬧，加上每年平安夜都例必去教堂參加子夜彌撒，就近近地在附近食印度菜。咖哩葉除左印度菜，都有西餐menu，而且難得地大時大節都冇加價，見倒有個節日套餐每位都係$200，所以當晚7點去到已經坐滿晒人。胡椒餅夠薄夠脆，薄荷醬帶少少辣味，幾惹味。椰汁($38)Menu內的椰汁原本以為係一杯杯或一罐罐的椰汁，原來係椰青，哩個收費真心抵。椰青好清甜，椰青肉軟腍易挖，除左Lassi外，另一非常啱配搭咖哩飲。香滑烤肉串($138)烤肉串係用免治雞肉混埋生薑和多種香料再放在爐內燒，雞肉肉質不會太乾，帶點香料味，都幾特別。五香滑魚($128)咖哩葉的咖哩屬於北印度咖哩，比起香港常見的南印度咖哩辣度較低，這道五香滑魚有咖哩香味之餘又不會有辣味，啱晒吃不到辣又想食咖哩的朋友，但對於嗜辣的我們就覺得爭咁啲。魚塊都幾多，肉質亦滑。上: 蒜蓉牛油烤餅($28)下: 烤餅($18)蒜蓉牛油烤餅好惠熟，用來配咖哩一流。烤餅英文是Roti，同平時食開的naan比較口感較鞋，未必適合香港人口味。總結，食物中規中舉，咖哩屬於北印度咖哩，辣度較低，啱晒唔食得辣的朋友。

今日係平安夜，我哋就黎個新嘗試，試吓印度菜，估唔到平安夜嘅晚上，印度餐廳都係全場爆滿㗎餐廳充滿聖誕裝飾，但同時都保留左印度嘅風格坐左冇耐就有個餐前小食，佢係一個簿脆片嚟嘅，咁就有兩款醬汁俾你揀，一款綠色奶味較重，兩款都係辣辣地炒飯係由羊肉、飯、土豆混合香料炒制而成，佢嘅飯粒同我地平時食開嘅泰國香米好唔同，感覺有啲似粗身少少嘅米粉，所以食落去口感比較重，再加上香料係有些少辣嘅，所以成個口感會係豐富左雞肉先被烤過，然後加入左五香咖喱醬薄餅用嚟點咖喱醬就真係最好不過，呢度嘅薄餅其實有分軟硬程度，餐廳侍應建議我哋食較軟身嘅薄餅，因為佢話硬身嘅薄餅會係覺較適合印度人食用，香港人就未必咁容易接受到而呢一款個蒜蓉香味會比較重最後呢款咖喱角其實係一個素菜，因為中間嘅餡料主要係有土豆再加埋薯仔蓉混合而成，但個餡料會再辣一啲芒果奶昔就唔會好似西式嗰種咁creamy