The Artlab by Favilla (已結業)

觀塘工廈找美食😋除咗主食同五殼飯 仲有沙律 薯蓉 麵豉湯牛柳煮得適中 唔會過韌鰻魚相對之下遜色少少 但都一樣吸引🤤可能都關個人口味影響🤣🤣叫咗壺綠茶熱飲 聞到荔枝味好香 初頭未泡太耐 顏色比較淺味道較淡 到後期會好飲啲😉但就唔係好飲到草莓味😂😂

一入到咖啡室，看到很多日式乾花及盆栽擺設，非常有日式花藝風。這間餐廳裝修簡約，加上乾花配搭，充滿日系味道。看一看餐單，本身想試下明太子雞翼，但已經售罄，唯有下次再試。和風蟹肉意粉 $118 粉意煙韌，炒得乾身，配上洋蔥絲，日式小菇，已拆好的蟹肉，好味道😋蒲燒鰻魚滑蛋定食 $128 蒲燒鰻魚燒得香口，而且沒有小骨。加上嫩滑炒蛋，新鮮沙律菜，薯蓉，再配珍珠米，面豉湯，這個定食值得一試。最後還點了自家製蝶豆花檸檬梳打 $46，蝶豆花色澤漂亮，飲下去略酸，但可幫助消化。

來過開聯食野，但從來無去過B座。估唔到呢到開左間貴價餐廳。OpenRice book位有正價88折。去到有一半full，唔知係咪因爲太貴，所以星期五都唔使等位。要自己出去點餐，可以用八達通，credit card等付款。價錢唔平，最平都要78蚊鰻魚飯係同事叫的，睇個樣都唔錯，為獨碗飯有點兒細同埋俾漏餐湯，唔叫佢都唔記得左丫我叫左個素食All Day Breakfast除左無鰻魚外，鰻魚餐的其他野，呢個餐都有。Toast香脆，夠厚。如果唔係，下午應該好快肚餓。不過牛油唔香沙律菜新鮮，配左提子，番茄同橙。唔知係菜定啲sauce有種特別的香味炒蛋真係好滑個大啡菇好嫩Toast下面仲有球類似蕃薯整的沙律，無加太多調味料。好清淡，不過又食唔到蕃薯味以半價叫左個草莓荔枝綠茶。一大壺上枱，原來用茶包的。飲唔到有草莓味，但有少少荔枝味唔推介丫。。。但坐係度，成日都聞到有香味。不過又唔知係邊個餐喎所以會再來丫。

走簡約清新風格，主打健康的和洋式料理，食物即叫即製，並且標榜不加味精。裝潢設計以木為主調，連餐牌也是木製，簡約柔和色調，營造悠閒輕鬆的環境氣氛，令人感覺舒適。黑朱古力咖啡 ($42)入口綿滑，咖啡採用巴西的咖啡豆，味道較為甘甜。朱古力方面是用74%黑朱古力磚沖製而成，而非用朱古力粉，味道濃郁但不會過甜。蒲燒鰻魚滑蛋定食 ($108)用上無激素的原生態養殖鰻魚，肉質軟腍滑溜，魚骨去得乾淨，且醬汁甜蜜味美。店舖採用日本雞蛋，味噌炒蛋非常嫰滑，甚有蛋香。慢煮封門牛柳定食 ($108)肉質軟腍鬆化，鮮嫩富肉汁，牛味濃郁；加上自家制燒汁，令味道更為突出。

之前已經留意到鰂魚涌分店好受歡迎,已經好想試而家觀塘都有分店喇,黎開呢頭梗係要試下啦❗️位置喺一工業大廈入面,唔算難搵室內光猛,裝修簡約有文青味道,感覺relax見到有唔少花藝裝飾🌷🌸💐原來店鋪除左cafe之外仲會舉行workshop架All Day Breakfast粉絲嘅我當然要試下呢度嘅和式版本最特別係蒲燒鰻魚🐟皮燒得香口,肉質肥美炒滑蛋用左日本蛋🍳蛋味香濃蛋加入味噌調味,口感特別豐富仲有一大球紫薯沙律🍠香腸,牛油多士等等食完好滿足友人都好喜歡食鰻魚但又想有米飯落肚呢度都有鰻魚滑蛋定食滿足到定食一樣有蒲燒鰻魚同炒滑蛋,紫薯沙律等等配珍珠米白飯🍚粒粒分明另外仲配一碗日式餐湯,內有昆布,菇🍄友人話感覺清新🌱最後當然要嘆返杯咖啡鮮奶抹茶🍵好香表面有滿滿嘅綠茶粉增加口感底下係🥛鮮奶抹茶好滑至於凍嘅cappuccino咖啡味濃☕️係炎夏唔錯嘅選擇Cafe仲有其他嘅定食同甜點而且全店嘅食物都唔落味精相信實有機會再黎悠閒一番

成間店好多木嘅元素，入面有好多花作裝飾，成個環境都好優雅～洋式全日早餐 $118 煙三文魚砌成了花嘅形狀，好切合店嘅主題。黑松露芝士味噌炒蛋配酸種包，黑松露味幾香，但唔太食得出有芝士味。薯蓉加咗一絲絲青瓜，同埋有薯仔顆粒，口感好好。整體味道唔錯，但呢個價錢嚟講，份量偏少。蒲燒鰻魚滑蛋定食 $108 呢個定食份量比較合理，鰻魚唔多骨，食落好方便。炒蛋滑溜，但比起all day breakfast中嘅黑松露炒蛋嚟講就無咁香。伯爵茶柚子梳打 +$23 好新鮮嘅配搭，味道好fresh👍🏻Iced Matcha Latte +$23 香濃抹茶味，但底下仲有啲粉未完全溶得哂，影響口感。唔駛加一服務費，埋單2人約$270。 ⁣如果你鍾意睇我嘅食評，不妨關注我，支持吓我，謝謝你☺️💕

最近，知道 Favilla Cafe o係觀塘開源道開了新店，新店面積比其他分店更大更開揚。一入門口就見到花花corner，仲有一個倒掛的乾花棚木鞦韆架，而眼見的乾花都可以買走！日系＋木系北歐風簡約裝修，工廈少見呢類風格感覺的Cafe。餐廳採用日本雞蛋，並不加味精，最特別是用上原生態鰻魚，無激素更健康！門外有木製鞦韆。和式全日早餐$128蒲燒鰻魚 味噌炒蛋 手工香腸 田園沙律 吐司轉牛角包(+$15)原生態鰻魚厚身無骨(因為我見到職員逐條幼骨夾走)　燒汁甜甜地好夾，托在鰻魚底的炒蛋用日本雞蛋，加入味噌，竟然不覺突兀，生熟度剛好，蛋汁十足又富蛋香， 鰻魚既油脂同鰻魚汁沾到炒蛋，正！牛角包係餐廳自己焗，並不是翻熱的貨色，要轉呀！～～～ 南瓜我一向都麻麻地，但呢個南瓜蓉夠清甜軟滑，加上脆碎果仁，我竟然食晒！說著店員送了兩塊單品朱古力給我們試，這裏的朱古力飲品都是用這些由越南入口的單品朱古力製成（並不是用朱古力粉），放在口中細細品嚐，充滿油脂且帶有果酸，很值得一試！ 熱朱古力份量不多，用的就是上面的原粒單品朱古力，比坊間的朱古力味濃郁順滑。 鮮奶抹茶因我轉了杏仁奶，植物奶的奶脂及密度都不及普通

瓜又到Happy Friday 梗係要同同事出去搵下好野食同事揀左呢間新開的 與公司隔條街就到好彩預早訂座 even 12:45pm到 都已經full house 裝修以日式木系為主 雖然無窗但都好光猛不過無我想像中大 所以同時間咁多人係同一空間都幾嘈 蒲燒鰻魚滑蛋定食 $108由於上菜時間有點長 先上湯 唔錯的 不會太濃等左一段時間終於上菜 對於女士來講係岩岩好鰻魚有油香 而且唔會太多醬燒味滑蛋沾到燒鰻魚汁的味道 再配飯真的不錯仲有啲沙律 🥗 薯蓉有其他料係入面 Matcha Latte 加$15抹茶味好濃 係等主食黎之前 幾啖已經飲哂但以加錢來講 呢個容量係可接受的 試業期間85折 不過真係因為試業期間 上菜的速度有點耐如果食飯時間趕時間 可能真係要過多陣先黎但店員服務好好 要主動過黎問下野食份量同味道