玖五牛肉麵 (已結業)

最近由城中名人引入既台灣牛肉麵店，餐牌同台灣店有少少分別，就係加左專為香港人而設既蕃茄紅燒系列！店員話佢地既食物全部都冇落味精，樣樣都係真材實料。所以今次黎到我就試左香港先有既蕃茄紅燒系列，同埋拌麵，仲有兩款小食同飲品。1. 蕃茄半筋半肉麵 - 我覺得牛肉湯好濃郁，麵條都煮得岩岩好，可惜就係冇咩蕃茄味，牛肉又有少少韌。2. 至於牛肉拌麵，成個麵比湯麵淡味好多，我諗加辣應該會好食d，牛肉都係反而普通仲有d韌。3. 小食方面，滷水花干都幾有趣，好似淋左既油炸鬼咁吸晒d味，不過食多幾舊就覺得咸了。滷水豬肉都一般，煮得太淋，所以冇咩咬口。4. 蜂蜜檸檬珍珠紅茶 - 我鐘意喎！珍珠係半透明既，店員話會比黑珍珠健康。整體黎講，我其實覺得一般，而且價錢略貴，不過當我反應我意見比餐廳知既時候，餐廳都好正面面對，仲話會努力改善，我好欣賞佢地呢份認真，所以我都會比個笑哈哈支持佢地！

日日經過都見到排哂長龍，今日終於的起心肝去試。7:30到，等咗唔使5分鐘就有位！起蓮好好，因為落雨又凍，俾我地入去坐住等。本來諗住叫兩個紅燒半筋半肉，但落單時介紹我地試下蕃薯湯底，一人試一款，又推薦我地食鴨血。(好彩聽話，因為兩款推介都好食)麻辣鴨血 老闆娘力極力推介！一上枱未食已聞到香味！食落麻香不辣，一定要食！紅燒半筋半肉麵，湯頭零味精，麵質彈牙，牛肉淋而入味，而且份量足料，性價比高蕃茄半筋半肉麵，個人比較喜歡依款，湯頭較濃但都係無味精，好香蕃茄味，同樣牛肉份量多，連舊蘿蔔吸哂湯嘅精華！滷味-甜不辣，百頁豆腐，滷蛋鐘意食辣嘅人一定一定一定要食個自家製辣醬，我地食完忍唔住問超蓮有無得賣。整體食物同服務都好好，下次會再試埋麻辣湯底！