錦麗 (創紀之城五期(apm))

营业中

休息中

錦麗係間出左名既越南過江龍餐廳，今日經過apm當然要試下🍴Lunch time 12點幾過去都已經大排長龍，不過人流都好快，等左10分鐘左右就有位了枱面會有好多醬料，重口味人仕都唔洗怕😂一坐底又會先上一杯香料--九層塔, 芽菜, 青檸同椒粒，而且枱面亦有食法的教學👍作為第一次食，當然叫個綜合河，乜配料都要試下好唔好食飲第一啖就覺得好香濃牛骨味😋，味道唔會好咸，味精唔多(起碼我冇飲好多水)，不過美中不足就係較油膩😭河粉幼身嫩滑，都幾吸湯👍不過份量就有d細，大食既一定唔夠飽配料--生牛肉, 牛坑腩同牛丸生牛肉上枱個陣仲係紅紅地，浸浸下變色後食落好嫩口，牛肉味香牛坑腩都好嫩口，唔會韌，食落牛肉味都正最有驚喜係牛丸👍牛肉味好濃郁，彈牙又彈汁😋激讚仲叫左杯薏米水，都幾香濃，中規中矩餐牌👇👇總括黎講: 中意食牛肉既一定要試下，價錢適中，不過就份量較少🍳🍴味道: 7.5/10👩👨服務: 6/10🏠💺環境: 6/10💰💸抵食: 7/10總消費: $80 (1人)

約左好耐無見既朋友，所以選餐廳就隨便選，都係志在聚舊。之前聽人講「錦麗」越南粉好好味，比一般連鎖店做得出色，於是就入在去啦。12點幾，唔洗等位。一坐低就見到張manual，一看之下原來只有牛肉粉，無其他肉，所以唔食牛既朋友就留意啦！點了熟牛肉河，似係牛腩河。湯有好濃既牛味，好味。而芽菜係另上既，可自己選擇落定唔落。個人認為若落的話最好浸一陣，等熟少少先食。而牛肉都好軟，唔錯！額外點了意米水，由於無套餐既關係，個人覺得$18一杯好貴⋯其實這間味道係唔錯，不過相比同類食店就貴左少少。

復活節幾天假期，外出不外乎睇戲、唱K、行街。今天經過apm，正在躊躇午餐吃什麼之際，遠處看見長長的人龍，原來是在越南遠道而來的「錦麗」！！餐廳不設取票入座，我們二人排了大概十五分鐘，安排到六人的圓枱「搭枱」用餐。甫坐下，店員立即給予點餐紙、芽菜等配料，感覺貼心！由於這裡只有越南河粉，以及小食、飲品提供，對於有選擇困難症的我，縮減了點餐時間😅😅😅「大蝦扎肉米紙卷」（2件）賣相精緻，米紙薄而通透，每件饀料分配平均、且足料，配上九層塔香味，口感清新。即使不沾酸汁，吃著也不會太乾。略嫌份量過少了，很想encore 呢～「錦麗什錦河粉」我們依照餐廳指示，先喝一口湯底，再配上事先預備的配菜，最後才開始吃河粉。湯底 ： 濃郁牛肉味，相信烹調長時間而成，但始終放了不少調味，喝太多會口渴呢～味道 ： 所謂「什錦」，就是生、熟牛肉和牛丸。切成長方形的牛肉算厚身，而且本身不太肥，吃著不會太韌。河粉相對較薄，吸入不少湯底精華，與洋蔥、芽菜一起吃的話，味道很配！飲品方面，點了祛水的「薏米水」初嚐一口時，感覺偏甜，需攪拌薏米中和味道。舖內空間不算寬敞，多數食客須搭枱，而且要「快食」。各樣食品質素不俗，價格合理，雖

香港地但凡商場新食店開張，例必現人龍。今日我都嚟排返陣隊，試試佢哋嘅越南生牛肉粉。生牛肉未見出色，有啲牛羶味但係牛肉味唔突出，湯底清淡，河粉中規中矩。牛丸爽彈，確係不同於急凍貨，可惜某一粒都係有啲牛羶味，牛肉味唔突出。一碗粉只搭配一杯份量極少嘅菜，而且以芽菜為主。相對於响越南大把大把任食嘅金不換，顯得小器。等咗成40分鐘先炸起嘅雞翼，望落好多蒜香牛油，但係蒜味同牛油味都好淡，咬落疑似未腌夠，雞肉冇乜味。成碟雞翼就只得「鬆脆」二字。足料唔錯，清爽涼浸浸，又唔會太甜。薑味恰到好處，冇泥味，薏米味濃郁。埋單自己拎單出去櫃面畀錢。附上餐牌方便大家參考。