Jan Jan 串揚專門店 (鉅芝樓)

营业中

休息中

慶祝朋友生日，我哋帶佢去咗灣仔嘅《Jan Jan 串揚專門店》享受正宗日式串燒，呢度主打嘅串燒真係冇得輸，我哋就點咗幾款特色菜式嚟試試。1️⃣首先，我哋食到嘅係明太子燒蠔🦪。蠔肉嫰滑，融入明太子嘅鹹鮮味，真係絕配，每一口都充滿驚喜。2️⃣接住係炸年糕🍡，外皮炸得金黃酥脆，內裡年糕嘅Q彈口感，真係好特別，超級好味。3️⃣再落去就係蓮藕串揚🌸，蓮藕嘅脆口同串揚嘅香味，完美結合，係一個好健康又好味嘅選擇。4️⃣跟住係蘆筍串揚🥒，蘆筍新鮮清脆，再加上串揚嘅獨特鹽味，咬落去真係爽口，非常開胃。5️⃣最後鹽味燒蠔🦪，鹹香嘅燒蠔，蠔肉鮮甜，真係食過返尋味，啱晒海鮮控。總括而言，《Jan Jan 串揚專門店》真係一個好值得推介嘅日式串燒居酒屋，食物優質，環境又舒適，絕對會再嚟！👍👍👍

週六難得情人唔洗開工，午餐又再孖其閨蜜午餐短聚，地點就由XO仔喺網上搵，揀咗間訂座可儲分o既「Jan Jan串揚專門店」！餐廳雖為樓上店，但大廈門外已可見搶眼o既易拉架廣告，不難找到。大阪名產之炸串店由日本開黎香港，除咗店名之外，格局裝潢都滲透著濃郁o既日本風情。正門有個石造o既串揚吉祥物，以日文道出進食時禁止重點醬油，可愛極。店內以木為主o既設計整潔乾爽，加上抽氣系統足，食後身上毫無油煙味，讚！圍繞著以玻璃窗隔開o既廚房有兩列吧位。餐店右邊則間咗兩間半廂房式o既榻榻米多人散座，由於地方有限，繁忙時間必需搭枱。三人當日就係坐喺榻榻米上，空間感足，都幾好坐。牆上有塊黑板以粉筆寫出每日廚師推介項目。食客可填寫三色點菜紙續樣叫。應年輕o既服務生推介，三口子就點咗兩客週末先有o既二人前午市套餐，包有前菜、串燒、串揚、主菜、飲品及甜品。點好菜，哥哥仔先送上濕毛巾，夠哂衛生。得知我地首度光顧，仲主動教導可以邊點醬油食椰菜，邊食串揚，體貼入微，周到得很。每客二人前套餐都包有指定飲品兩杯。前菜之高湯雞蛋卷：雞蛋卷新鮮滾熱辣，質感軟腍得黎味道極之清香。前菜之炸雞球：炸雞球外皮香脆，雞肉軟嫩多汁，可口美味

朋友飯聚，「她」選好時間日期地點後，更發來OPENRCIE連結給我們參考。原來是一間來自大阪的串揚專門店，那串揚是什麼呢?  原來串揚就是介乎於串燒與天婦羅之間串物。心想，「她」必定是為我的暗瘡鋪路。日日獻新「油」     拒用萬年油串燒跟天婦羅吃得多，串揚在香港真的少機會能吃到。細讀OPENRICE的餐廳簡介，當中一句令我印象很深刻:「店主採用的油是從日本進口3種混合油，再經店方自家過濾，而且天天更換絕不過夜」    竟然每天更換食油，相信在這事事經濟效益為先的世界，能做到這點的食肆真係少之又少! 真心說句: 你做得用心，我食得放心。 很多食肆忽略了食油這一塊，任憑你的食材如何新鮮、廚師烹調如何高超、什麼有機種植、甚至即收割即煮，只要你用上萬年油或劣質油，質素就會大減，對食客身體亦無益。快餐店炸薯條很好吃嗎? 我看不見他的萬年油，但一入口已知油不新鮮。某些粥麵店，在你面前炸油炸鬼，像很新鮮似的，那鑊油，看一眼已覺得恐怖，再看一下那油炸鬼的顏色，就心知不妙。 此店廚房用上開房式設計，所有製作一目了然!食物北海道海膽湯葉卷 ──  內層是腐皮和紫菜，面層是海膽，而最上層是新鮮的日本芥辣。