Hunky Dory

营业中

休息中

今日即興踩單車 由大圍踩到科學園。科學園自從多新樓落成後，都多返好多餐廳。今次我地search完一輪 決定試下Hunky Dory，結果同我哋嘅心情一樣，非常好呀！餐廳環境舒服，可以坐室外又可以坐室內，不過今日天氣太熱啦，所以我哋都係坐入邊嘆冷氣。踩單車踩到咁熱，我哋梗係叫凍smoothie 涼下先。我地點左 mango dream 同埋berry paradise .啲飲品舊大杯，炎炎夏天踩完單車最啱㗎喇，飲完即刻成個人舒服曬，好好飲！另外我哋仲點左蘆筍巴馬火腿班尼迪克蛋同埋英國皇家牛肉漢堡。-蘆筍巴馬火腿班尼迪克蛋自問自己真係好鍾意食Benedict, 但的確唔係咁多餐廳可以做到呢個水準，入面啲菠菜好新鮮。啲蘆筍係靚既，而且煮得啱啱好。配埋成個感覺都好Flesh.-英國皇家牛肉漢堡食肉獸必叫，自家製新鮮牛肉好juicy，仲可以揀幾成熟，我哋就揀咗七成。 而且漢堡配嘅薯條係粗暑條，熱辣辣新鮮炸起。食完呢餐，我哋真係充滿力量。喺科學園影完相，打完卡，我哋就踩返去大圍。好好好好好正！

冇得去旅行嘅日子唯有製造一啲遠行嘅體驗😎係咪我大鄉里出城😂原來咁多人去科學園!所以嚟到朋友介紹嘅餐廳都坐唔到户外位置，望唔到綠油油嘅草地😩下次要book定位呀💪🏻想chill要relax一定要坐outdoor😍手機落單好方便，減少接觸👍🏻<<蕃茄蓉肉丸寬條麵>>好有驚喜!佢emphasised係「蕃茄蓉」就知佢唔係茄汁意粉咁簡單！有圖有真相💁🏻‍♀️見到我隻叉撩起嘅麵條，上面已經掛住蕃茄蓉，所以每啖入口都係又香又濃!嗰陣酸香味超醒胃👍🏻配合埋好有咬口嘅寬條麵，簡直係咀嚼嘅一大享受😋肉丸大粒之餘仲好多粒!男朋友話如果office附近有得食就好!<<蘆筍巴馬火腿班尼迪克蛋>>絕對係要嚟俾我打卡啦🤪最鍾意睇拮穿個水波蛋，望住啲蛋黃流出嚟嘅時刻!! 治癒治癒🥰底下嘅英式鬆餅嗦晒啲蛋汁，配合埋Parma ham嘅鹹香~蘆筍+菠菜+沙律嘅點綴都另單調嘅白色同黃色增添咗色彩又健康!係水準之作💯呢度竟然有<<威靈頓牛柳>>食!原來仲要係限量嘅招牌菜!即叫即製! 要等30分鐘都等啦一場嚟到🤗價錢仲要比出面經濟貼

估唔到科學園都有裝修骨緻，坐得舒服嘅西餐廳，音樂唔會太響太吵，冷氣少少凍，人唔會好多，傾計好舒服。仲有户外高枱高凳，秋天坐吹秋風一定好舒服。*巴馬火腿瑪格麗特披薩 $118一上菜就知道不妙，披薩邊一望就知又硬又乾，番茄醬顏色似茄汁，芝士少到喊，巴馬火腿差中之差，十分滿分我俾負100分。牛油果雞肉漢堡 $108估你唔到甘大個漢堡！麵包烘到脆香，但係乾咗啲，而且唔夠鬆軟同牛油香。大啡菇切片但冇切到底，原個大啡菇煎到又香又軟腍。牛油果雖然最外面有少少過熟，有開始爛嘅跡象，但入面熟度啱啱好，少少腍但又唔會一pat醬咁。雞肉漢堡扒相比之下差啲，有雞肉味而且juicy，肉扒夠厚，但雞肉唔夠紮實。一大啖食，係唔會食得晒，絕對要分開幾層食。薯條幼身，唔夠脆，好彩唔會油淋淋，但冇咩賣點。沙律菜新鮮，有啲油醋調味，可以解吓膩。我大推！韓國年糕卡邦尼 $108年糕唔係韓式圓柱體嘅年糕，係上海一片片嘅年糕，見到年糕嘅外型已經好失望。入面有唔少配料，洋蔥粒，煙肉粒，菇類，但卡邦尼汁好淡，唔似卡邦尼蛋黃味，又唔似白汁芝士味，怪怪地。蘆筍巴馬火腿班尼迪克蛋 $108Egg benedict係永遠嘅邪惡組合，水波蛋生