紅棉

营业中

休息中

紅棉係美利酒店入面嘅中菜廳，佢地嘅點心大部份都喺傳統之中加入左新元素，精緻得黎款式都幾特別，服務亦係五星酒店嘅應有水準，好耐冇同屋企人飲茶，見openrice有9折現金券買，就同屋企人黎試下。同其他中菜廳最大唔同嘅係，紅棉除左室內，仲有室外座位，而家天氣涼涼地，晏畫坐喺度曬下太陽嘆點心都唔錯。茶錢$28/位，雖然比其他新派茶樓平均$20-25/位貴，但以地點同五星酒店入面嘅中菜廳黎講未算離地，起碼都有明火熱住壺茶，都算貼心，入面嘅茶包都好大個，沖多幾次都唔會變淡。紅棉作為一間新派中菜，除左點心仲有好多特式cocktail，我地都叫左兩杯黎試。Chysanthemum Blue($148) - 哩杯係一杯以Vodka做底嘅雞尾酒，所以酒味會重少少，佢加左提子乾同檸檬汁調製，飲落帶少少酸味。Figgy sour(5 token) - 哩杯雞尾雖然用Gin酒做底，但因為加左梳打水，所以比較易入口，無花果令雞尾酒多左少少甜味。蟹籽燒賣皇($78) - 燒賣比平時大粒，鮮蝦同豬肉比例各佔一半，食落好爽口結實。蘆筍帶子腸($118) - 腸粉皮幾滑，唔會太厚，每件入面都有大大粒帶子，再加埋蘆筍，多

美利酒店內有棵節果決明古樹，四月正值花開盛放時，樹旁的紅棉 Mian 中餐廳享盡地利，戶外位更是 pet friendly，咁點可以唔去飲杯茶呢？原來食物真係幾好！先講茶的選擇，有我最鍾意的正山小種及馬騮搣，仲以為需幾十蚊一位，原來只是正常茶價每位$28，不過一分錢一分貨，正山小種缺了期望的煙燻香！主廚邵師傅拿手高湯，大家懂得點菜啦！此外，創意亦無限，懂得運用食材技巧，有趣地把傳統菜式改頭換面，賣相味道同步昇華。例如貌如扭計般的「擔擔鴛鴦雞」、疑似菠菜麵的翡翠玉枕、初看唔知特別的刁轉咕嚕肉等等。 詳情如下：擔擔鴛鴦雞 $188創意菜式中，「擔擔鴛鴦雞」最有驚喜，之前見照片的趣緻方塊都被吸晴，黃油雞與烏雞的皮肉交替且倒轉組合，不同雞味能明顯辨出，品嚐到層次變化，配合帶酸甜香而不辣的川式擔擔汁，口感嫩滑清雅。一道棒棒雞與口水雞的變奏而成的川粵混合菜，令人驚嘆！  翡翠玉枕 $128/位令人驚嘆的精緻手工，遠看疑似波菜麵的碧綠麵條，絲絲入扣，其實是以涼爪刨絲而成，粗幼長短均衡；以極之濃厚的高湯襯托，苦瓜的爽口配合濃湯的郁香，中和了甘苦，只有滋味，奇妙叫絕，可見師傅的心思，一道必喝光之汁物。