籠太子點心專門店

营业中

休息中

飲茶·一盅兩件🥧好耐冇試過一家人一齊飲茶了今日就去近近地嘅 #龍太子點心飲茶🫖打頭陣嘅梗係妹妹嘅至愛-腸粉·蜜味叉燒腸-皮薄餡靚嘅叉燒腸，腸粉滑脫脫，叉燒又多又好味😋我就鍾意食·黃沙潤腸-內臟腸粉好少人整，都好少人會整到好食。呢度啲黃沙潤腸真係好好食🤤哥哥鍾意食卜卜脆嘅·蒜香蝦春卷-即叫即炸，熱辣辣脆卜卜·海鮮蘿蔔絲煎薄撐-每一件都滿滿的蘿蔔絲 + 蟹柳，兩邊都煎到金黃，脆而不膩💯·鮮蝦腐皮卷-都是香口點心，外皮香脆，入邊仲有好大隻鮮蝦🦐食肉獸爸爸鍾意啖啖肉·鮮竹牛肉球-啖啖肉加馬蹄餡，咬落去超有口感👍·鳳爪排骨飯-大大隻鳳爪、大大件排骨、大大碗飯，夠晒飽肚😆包點之選·流沙奶皇包-又香又軟熟嘅奶皇包，啲奶黃真係多到流晒出嚟㗎🥰簡單又滿足嘅一餐😌

朋友約係太子食飯，竟然話去飲茶。夜晚飲茶真係好似都係第一次，而且店鋪重要叫做「籠太子」咁威水，一於睇下有咩咁勁叫到做龍太子~蜜味叉燒腸的腸粉熱辣辣。但係粉漿略為厚了點，叉燒份量唔夠同豉油唔夠，所以味道淡了點，重有少少乾爭爭的感覺。堅流心，蒸的時間同埋配料份量剛剛好，做到流心的感覺。唔會太甜同太膩，味道唔錯。但係流心的量唔夠大，唔夠過癮咸水角熱辣辣，炸得夠脆夠新鮮。入面材料的味道同市面的分別不大，勝左夠新鮮出爐。多醬蒸鳳爪，其實即係鳳爪。醬汁與鳳爪的味道材料都同市面的冇咩分別，醬汁夠濃但唔算話真係好多醬~哈哈小籠包好食既，入面的肉汁的確唔少，可以啜啜聲咁飲湯汁的確唔錯。肉質同皮都唔錯，幾好食。感覺上所有點心中最有驚喜的一道，入面有芝士同埋好鮮味的蝦膠，好多汁。出面用面條包住黎炸，炸卜卜幾好食。不過炸得比較油膩左少少，女仔食小心肥呀！海鮮蘿白絲煎薄餅，其實唔好好食到蘿白的味道同口感，只係一道比較脆身的中式煎薄餅。但味道的確唔錯，都幾好食。

有位外籍同事到港開會，想我假期帶佢試吓香港D點心 。無問題啦！這裡裝修方面，以綠悠悠主色為主，天花掛著一個個白色籠子吊燈，古典優雅個同事樣樣都想食，海皇芝士千絲卷海皇芝士千絲卷係花心思既作品，外層係由好多好多炸到脆脆嘅絲包圍住, 食落超脆, 足料芝士嘅咸香, 卜卜 脆, 口感好有層次, 而裡頭有蝦肉, 加上彈牙大蝦！好好味！籠太子蝦餃王$12 兩隻皮薄而不容易破皮，足料蝦肉一粒入止一隻蝦,爽脆鮮味蝦又夠彈牙爽口,好味道呢！鮮蝦燒賣王$12 兩隻」真材實料燒賣，食到粒粒豬肉，加埋d蝦肉大大粒，加冬菇鮮味十足！多汁小籠包,咬左一啖，湯汁真係好多，食到落口之後，啖啖湯汁流出，而且皮也夠薄，口感很好。蜜味叉燒腸望上去皮好薄，好吸引！試食一件，薄薄的皮包住餡，一件一口，好味！流沙奶皇包，又係要小心，因為個包d 奶皇真係熱辣辣流出黎，奶皇好好味。原隻鮑魚燒賣, 鮑魚SIZE比想像中大 鮑魚好'林' 下面配鮮蝦燒賣 味道不會搶走鮑魚的香反而吊起互相的鮮味呢整體食質素唔錯，D 茶又香,裝修古典優雅,店內大部份東西都在十多元到廿多元一個點心，絕對超值

一向喜歡食點心既我，趁住最近放假約一班朋友去就腳既太子食個便飯、就揀了這間籠太子點心專門店。這間點心專門店用淺綠和白色做主色調，格調好清新！天花掛住一個個鳥籠，很有特色！一坐低大家都嚷著肚餓要叫野食。點心款式很特別，有傳統中式點心亦有創新口味！首先叫了個今日老火靚湯 － 眉豆花生蠔豉雞腳湯，味道清甜，因為沒有添加味精，飲完一碗亦不會覺得口渴。飲完靚湯點心陸續送上。呢個 蜜味叉燒腸 望上去皮好薄，好吸引！試食一件，薄薄的皮包住餡，一件一口，好味！接住食既係 籠太子蝦餃皇，蝦餃係我飲茶必食點心！一咬落去啖啖蝦肉，非常足料！流沙奶皇包 咬一口次後奶皇餡即刻流出來，熱辣辣食最滋味！喜歡食雞腳的我另外單獨叫了個藥膳雞腳，藥膳味道濃得黎唔苦，用料亦很足，小小一碗有三隻雞腳，雞腳很入味！最後叫了個甜品為這個滿足的一餐作結。平時試得多桂花榚 ／ 椰汁榚，兩樣MIX埋一齊製作成 椰汁桂花榚 就真係第一次試。偏偏食落去兩者味道出奇地夾，有椰汁味濃，但又唔會蓋過桂花淡淡清香！值得一試！同行的幾個朋友都食到捧腹離開，食了十多樣點心，每人只需HK$70左右！

平日泰、日、韓式成了家常便飯，今日大家都想轉轉口味，突然想起一盅兩件。近年冒起很多點心專門店，可以吃點心之餘又不用到酒樓等位。一踏進餐廳，裝修很西式，跟點心來個crossover最先來的是老火湯，是日靚湯《眉豆花生蠔豉雞腳煲豬骨》味道咸淡適中，蠔豉能錦上添花，不加味精，飲完不會有口渴的感覺。《叉燒腸粉》最令人驚喜是腸粉，又薄又滑。吃點心不能少了蝦餃，它看起來不算通透，以為皮很厚，但原來這個皮吃起來有少許煙韌，又不會黏牙。燒賣又是另一不可缺少的點心，但今次試了非傳統的《原隻鮑魚燒賣》，加了鮑魚後中和了豬肉的膩，不過避免難消化，每人一隻就剛剛好了。看見了點心紙上的《魚肚水餃》後我嚷著要點，因為魚肚與水餃都是我愛的。水餃皮很滑，饀料比例不錯，而湯汁亦很鮮甜。最後是朋友點的《椰汁桂花糕》，我一向都愛桂花糕，加了椰汁糕後令甜品多了椰香，但又沒有傳統椰汁糕那麼甜，恰到好處。順帶一提，餐廳的茶入口甘甜，又有點米香，一問之下原來是來自韓國的玄米茶。最後每位只吃了約$70，但已經令我們幾個女生飽到要由太子散步到油麻地了。生活在香港實在有太多選擇，異國美食總令人好奇。幸好這間的點心店能提醒著我們，不要遺忘

難得星期一中午集合到３個都得閒嘅朋友出到黎就腳嘅太子食lunch！幾個後生女去茶樓飲茶又好似怪怪地…就搵到依間籠太子點心專門店喇！門口同裝修都係青BB好清新，好放鬆呀！冇平時去飲茶嘅嚴肅隆重感覺。一坐低就黎壺茶先，飲落淡淡米香…大家都好奇佢係咩茶呢？一問之下…原來係韓國玄米茶，不寒不燥！邊飲邊畫紙仔…睇下食咩好呢？最後我地４個女仔竟然點左１３個樣野，食力驚人呀。哈哈哈哈首先我地點左門口推介嘅老火靚湯－眉豆花生蠔豉雞腳煲豬骨。果然係無味精，飲落清清甜甜，好香豬骨味！雞腳岩晒我地４個女仔補下骨膠原，正！蜜味叉燒腸，皮薄叉燒靚！比起大酒樓果D疑似工場交黎嘅腸粉好食一百倍！鳳爪排骨飯！對於遲起身嘅我黎講平時飲茶係好難食得到…因為我去到已經過左供應嘅時間…點心店嘅好處就係食點心唔洗早起！排骨偏多肉少骨，肉汁應該係蒸時落左個飯度，D飯好香呀！香滑反斗糕！我食完發現應該係一啖一個嘅奶皇馬拉糕…對於唔食得太甜嘅我黎講岩岩好！籠太子蝦餃皇！重頭戲黎喇…人人愛吃的大蝦餃！一粒入面竟然係有唔止一隻爽脆鮮味嘅蝦…正到想搶埋朋友果粒黎食呢！鮮蝦燒賣皇！有蝦餃又點可以唔食埋燒賣…一樣係蝦肉大大粒，加埋豬肉冬菇鮮味