四寶食堂 (兆安廣場)

营业中

休息中

試過旺角， 北角。都覺得好好食， 所以好有信心四季的質素及服務。 （5⭐️最高）叉燒滑蛋飯（5⭐️）必食推介❤️❤️飯量， 有足兩碗飯， 滑蛋覆蓋飯面， 叉燒肥瘦適中， 目測叉燒都有10-12片厚身。 加了少少鼓油， 野味十足， 價錢方面， 十分經濟， 勝價比高美國封門柳（7成熟）（4.5⭐️）封門柳係牛的（腹部）隔膜， 所以相對牛味會重身， 廚師用了黑椒醬及原個燒蒜頭去癖牛味，因為燒了蒜頭， 同牛柳一齊食， 會特顯牛的香味🉐鹹蛋將蘆筍忌廉蝦意粉（4.5⭐️）忌廉意粉成日都食， 但今次試吓加了咸蛋黃醬， 感覺又會點？😊 當中除了有咸蛋黃醬之外， 有菇菌類， 露筍， 會令本來覺有會好飽的忌廉意粉變得清新👍🏻。 有3-5粒蝦， 十分足料🥰特飲： 試了柚子氣泡茶（4⭐️）及阿華田雪山柚子茶一般都會感覺係甜， 今次試了加氣泡；既新鮮又特別；阿華田雪山， 味道比較清淡， 有了忌廉， 更加柔滑細緻， 點綴了今晚飯局🥰

見朋友大力推介，經過銅鑼灣就試一試佢啦⋯⋯夜晚七點入座，普通的星期一，85%滿座，侍應態度殷勤，帶完你坐2秒即刻送上兩杯暖水。坐低就立即叫咗兩個招牌菜，沙嗲牛肉公仔麵 同 滑蛋叉燒飯。沙嗲牛肉公仔麵 🍜 $58 - 沙嗲味好香，有花生醬，食到花生粒 ，同普通茶餐廳嘅非常不一樣，美味好多！ 公仔麵冇浸到林晒，仲有彈牙嘅感覺，喺茶餐廳真係第一次食到！個餐除了有麵 還有 滑蛋，火腿 同 多士🍞。牛油多士🧈 熱辣辣，軟林林，食得出係即叫即整，唔係唔係其他茶餐廳整好放到凍哂嘅麵包多士。 讚👍🏻滑蛋叉燒飯$58 - 滑蛋好滑🥚，有豉油係飯裏面，可以撈埋飯！ 兩個人食一碟 都食唔晒D飯 。叉燒瘦中帶肥，唔會好鞋，非常嘢未！沙嗲牛肉公仔麵餐$58有啲貴，不過滑蛋叉燒飯係值嘅！凍飲加$3叫咗一個凍奶茶走甜，一個熱奶茶。熱奶茶☕️ - 茶膽好香，好滑凍奶茶🥤- 個茶膽就淡咗，麻麻哋。整體來說大讚 👍🏻第一次食茶餐廳可以咁滿意

呢間茶記既裝修充滿少女心💘，座位舒服，而且好乾淨，仲有一幅打卡花花牆🌸。以茶記黎講，都幾有特色！餐牌上見到菜式都幾多選擇，港式、西式、fusion菜都有，都幾多元化，最後揀左佢其中兩款招牌菜去試下。-🍳蜜汁叉燒滑蛋飯 $58-首先個賣相係唔錯，顏色好鮮艷，叉燒都幾大塊，肥瘦適中，蛋都炒得幾滑。但都只係不過不失既水準，未去到話真係好好食既地步，所以今次比左yellow signal🟡，唔會好食到特登走去食，不過呢個價錢算係唔錯既選擇！之後會介紹下一啲好食、值得encore既叉燒滑蛋飯📣-🍖香煎喜哥蔥油豬扒(配招牌炒蛋、冰火菠蘿油、蔥油撈公仔麵) $72-呢個價錢食到咁多野都算幾抵，當中最好食既係菠蘿油！佢地既冰火菠蘿油，其實同其他茶記既味差不多，不過佢既牛油係冰鎮另上，口感唔錯。佢既蔥油做得好香，豬扒都幾厚，食落去就無乜驚喜，係穩陣之選！-📌四寶食堂地址：銅鑼灣謝斐道482號兆安廣場地下1-3號舖分數：6.5/10

有見近來情況好返少少(不過仍然唔可以鬆懈)，所以決定今晚放工去食返餐！對於有選擇困難既我地黎講，一見到個menu既感覺係既幸福又煩惱，因為都真係幾多選擇淨係推介菜都有好多款式反覆揭左份menu幾次之後終於決定到食咩如果大家同我地一樣有選擇困難既話，建議可以叫多幾個朋友黎就可以試多d野食啦呢排咁熱所以叫左杯凍鴛鴦，味道還好，不過可以濃少少聽講呢度其中一樣名物係滑蛋叉燒飯，就決定食你啦！等左一陣就有得食啦，賣相非常不錯，食落亦都有驚喜炒得滑得黎又不失蛋香既蛋，加埋甜甜地既豉油，香香既蔥花，仲有大大啖既叉燒(如果再肥少少就更加不得了)，絕對係缺一不可！熱柚子蜜另外一個主食叫左軟殼蟹飛魚子辣茄汁意粉，可能因為掛住食其他野所以d意粉同軟殼蟹都淋左少少不過仍然惹味個辣茄汁酸酸辣辣好開胃，撈埋飛魚子一齊食個口感都幾rich，不錯因為呢晚比較肚餓所以叫多左個小食拼盤，上枱既時間真係嚇左嚇因為好大份要讚既係d薯條係岩岩炸起所以夠曬熱同脆雞翼都係水準之作，腌得入味既甜又有少少辣，正餐廳比較光猛，環境衛生都唔錯，所以食得安心

最近開左好多間新既冰室、食堂。各有招牌菜。今次黎到銅鑼灣，見到呢度既裝修幾靚，就入去試下啦！本人對呢一隻湖水綠情有獨鍾！坐喺度既感覺非常好😙試吓招牌推介先！顏色好吸引，叉燒同蛋係經典配合滑蛋仲係有點流質，與醬汁混合，味道濃度剛好。叉燒偏瘦、大塊。飯粒不算硬，有獲氣👍🏻本來想叫港式珍珠奶茶☕️，可惜無哂珍珠所以就叫紅豆牛奶🥛可以揀杯裝或碗裝原價$28，跟餐只需加$7。好抵呀！甜既紅豆沙做底，加上牛奶，當甜品食都岩呢個質素，性價比高！下次再來

行行下比個勁green 既門面吸引住，一路以為"四寶食堂"係食中式野，睇完menu 先知原來勁多西式野食㨂，圖片仲幾吸引咁，見未食野就試下la~餐廳入面個花牆仲幾別緻，唔知以為去左西餐廳，呢度仲有pizza, egg benedict,夜晚仲有扒鋸，真係比佢個店名呃左xD✨呢度既招牌推介係蜜汁叉燒滑蛋飯（$58）：未食見到已經流口水🤤，d 蛋一睇就知道好滑～d 蛋漿閃閃發光好濕潤😍 食落真係滑到不得了，加埋甜豉油非常出色。叉燒雖然唔係肥叉，但係唔會太瘦，食落帶點爽口，好味食清光👍🏻✨柚子蜜都好足料夠味✨飛魚子忌廉蟹肉焗大啡菇（$68): 呢個熱辣辣份量十足，食果時要小心d. 個菇上面勁多蟹籽卜卜脆，蟹肉都唔少，個醬仲有勁濃既芝士味，🤩大啡菇軟腍又夠juicy , 好好味✨焗水牛芝士酸瓜甜椒帆立貝（$78）：有啲似平時放題食到嗰一種，不過幾鍾意佢個千島醬，酸酸甜甜好開胃，帆立貝都算大粒，而且有鮮味。

工作至晚上10點多 想吃一點點食物，找了一輪終於找到這間新茶餐廳，宵夜時段更有特別菜式！自家制吉列豬扒湯讚歧烏冬 $45豬扒炸得好透，份量都幾大，不過略顯比較實和油膩了一點，點了沙律醬後還好，至於烏冬也頗大碗，口感未夠爽口，只是要填肚的話其實可以接受。蜜汁叉燒滑蛋飯 $58聽說這個是餐廳招牌，上桌一刻果然聞到香濃蜜汁叉燒味，滑蛋幼滑的程度令人充滿驚喜，蛋味也相當突出，整體組合很調和，果然是招牌，下次只吃這個好了。

為咗食，大胃可以去到幾盡？周末嘅港島，確實危機四伏，平民行街食飯都隨時入獄，唔知咩世界！去到先知日光日白旗已舉、彈已放，但胃民仍搭緊巴士赴約嚟緊餐廳，冇理由唔等佢嘅大胃連飯都未食，嗌個蛋叉飯食住先，果然係招牌，蜜汁、蛋汁同肉汁完美結合甜甜控最愛紅豆冰幫胃民落定西班牙咖啡，好有料到黃金body西多士，見到就想咬喺金黃皮膚上塗上蜂蜜，大胃不行了柚子同氣泡茶mix埋超過癮薯角超大條梳乎厘西多士，鮮見的混血兒呢個仲特別，麵包焗飯牛脷超大塊一餐搞掂早午晚，所以大胃冒住生命危險都嚟囉

聞說四寶食堂的蜜汁叉燒滑蛋飯很出名。雖然自己一向冇米氣，唔鐘意食飯。但都想試一試……這地方好方便就腳。理境又乾淨。卡位好好坐，舒服。都幾多人幾爆下。見隔離幾枱都食緊滑蛋叉燒飯。試左真係好好味，叉燒好香又多汁，唔會太硬。滑蛋夠流夠哂滑，配埋香葱汁，的確一流。放是冇米氣的我為左個汁，食哂碟飯。再點左個鹹牛肉滑蛋潛艇都好正，好大舊，大滿足。蛋一樣禁滑配鹹牛肉又另一風味。這裡的茶走都好有水準，又香茶味夠濃。yummy yummy ……

裝潢有別於一般茶餐廳，環境清爽明亮，座位寬敞，還有一大幅花花牆，相當搶眼！蜜汁叉燒滑蛋飯 ($58)光看賣相已看得出滑蛋非常滑溜，誘人食欲！軟綿綿的滑蛋加上大大塊的叉燒，十分美味。喜哥蔥油豬扒煎蛋飯 ($58)豬扒厚身，外層香脆內裡肉質鬆化，一點也不柴口。加上蔥油，散發淡淡蔥花味，香口又惹味！瑞士汁雞脾撈公仔麵配嫩滑炒蛋及牛油丹麥酥 ($52)瑞士汁夠色澤、甜度剛好，公仔麵軟硬適中。麵條盡吸瑞士汁，每口都甜蜜滋味，非常開胃。雞脾入味，但略嫌不夠嫩滑，仍有進步空間。