美中·鴨子 (已結業)

今日亞蛇請食飯 梗係去食d貴夾唔飽架喇~就近近地叫鴨仔算了公司無咩野搞，我們仨浩浩蕩蕩咁提早去叫鴨仔，去到未有太多人，我地便順利地入坐嘩！佢個鴨仔筷子座巧令令丫~~~ 涼菜：桂花凍糕伴鴨片望落去就怪怪哋，但都幾創新，fusion得黎又幾夾！食落唔會感覺好膩 (成廿蚊粒架，慢慢「梅」呀~) 生煎包 厚皮比較多油，煎得唔脆上海大碗雲吞鴨湯呢個湯『掂』呀~ 味道岩岩好，唔會好咸，雲吞完正無散開，鴨肉嫩囗，真係不錯。 寧波乾炸小黃魚 ($55/條- 最少2條起) 貴就貴左d，有亞蛇埋單梗係食盡佢 (話明唔貴唔食架麻~) 。不過條魚真係炸得好香脆，連d細骨都可以食落肚(註：都要小心進食) ，魚肉新鮮，真係一試難忘。 蜜汁富貴火腿平時真係唔會叫，怕太咸頂唔順，有人想無計 有驚喜喎！ 蜜汁做得好好，令到火腿甘咸香甜，三款野(薄脆、火腿加包皮) 包埋一齊食。真係大滿足啊總括黎講，間野貴為美心集團一份子點都唔會差得去邊。雖然價位係高左少少，但起碼佢都做足工夫比食客，無揸流灘。咁都覺得值返d囉~ 希望佢keep到水準。

絲打美食團繼續濕平，午間吃了台菜，晚餐一致決定吃京滬菜。席間有一位絲打對鴨敏感，所以我們叫了其他的菜式。無錫灌湯小籠包皮薄餡鬆，而且果然是灌湯汁的，肉汁很多，蠻不錯的。第二道小食的小鍋香蔥胡椒包顯得油膩，胡椒味輕微，吃一個已覺飽滯。雪花松葉炸蟹拑沒有過度的油，蟹拑頗大隻，蝦膠亦夠爽，點些酸甜醬自是絕配之選。蜜汁富貴火腿是否即是蜜汁火方？總之都是用包餅夾著一塊火腿以及一塊炸腐皮來吃的，甜甜的包、鹹香的火腿加上脆卜卜的脆腐皮，三及第一起吃，是多重的層次感。全餐最奇怪的是這碟有料到乾煸四季豆，明明是肉末炒四季豆而已，如何的「有料到」實在令人費剎思量。豆肉顆顆圓潤，肉末的比例亦屬恰當。餐廳名為「美中.鴨店」，未知是不是代表美心中菜的分枝？

美中 • 鴨子是美心中菜的副線，以相對親民的價錢提供一眾鴨子菜式，帶有北京樓的影子。與高階的美心中菜館比較，美中 • 鴨子的定位明顯比較年輕，菜式選擇上亦較有新鮮感。餐廳以鴨子作亮點，當然不會錯過它的鎮店名物「烤北京填鴨」。這碟烤鴨，半隻份量，説實話有點不足秤。雖然筆者對份量方面有點微言，但味道上卻沒投訴。鴨皮香脆不過膩，鴨肉濃香可口，難怪能得到魚仔垂青一氣吃了三件。清新柚子沙律是富東南亞風味的沙律涼菜，食感清爽帶辣，能有效刺激味蕾。因柚子應屬菜式的軸心，建議追加份量以突出其味道。普寧炸豆腐是香口小吃，放眼四周很多枱也有點選，相信水準不俗。剛炸起的豆腐金黃酥脆，內裡白滑燙嘴，確實幾好味。小鍋蔥香胡椒包出品熱辣，包點主要以豚肉作餡，芝麻味道甚搶味，反而胡椒味道沒預期般強，有空間追加胡椒香氣辣感。蜜汁富貴火腿是筆者喜愛的菜餚，甜味蜜汁、鹹香火腿、香脆腐皮及香軟包點，組合起來味道固然吸引。以這碟菜餚來說，蜜汁色澤橙亮得來有點不自然，炸腐皮略帶實身，有點美中不足。黑松露醬露筍炒魚片整體感覺炒得略油膩，魚片調味稍鹹，黑松露給力也流於表面。值得一讚是露筍，用上粗身款式，經去皮後更為脆嫩。甜品桂花拉