Infinity Workshop Cafe (已結業)

被紅色炸彈炸中，夜晚收帖順便食埋飯於是揀返準新娘子返工附近Dinner而家消費當然要揀返黃店夜晚7點左右 好似得一枱客人係包場既感覺蟹棒玉子蔬菜沙律 $88份量OK，芝麻醬既沙律其都實冇死但味道就比較大路，正常的，不過不失蜜糖雞翼 $78雞翼配蜜糖都係穩打穩陣既小食雞翼都幾香，而且每隻雞翼都一開二食起上嚟係幾方便美顏水果茶 $59覺得水果茶做得幾出色一嚟水果份量都幾多，而且唔會太甜味道酸度都啱啱好，值得一試黑松露炒鮮帶子虎蝦意粉 $128黑松露味係幾香既可能係炒意粉關係，偏油膩咗少少而且意粉口感都有啲偏硬，一般般

13/7/2019 星期六，喺旺角鬧市尋找到一個悠閒舒適地方食午餐，食物用心烹調，各款都有特色！蜜桃菠蘿 Smoothies ，凍冰透心涼。Salad Romance 用玉子撈蔬菜蟹棒肉，即刻開胃。德國腸拼野菌雜燴，是辣的！如果唔食得辣，都可以同店員講。帶子海虎蝦意粉，大大隻老虎蝦，意粉煮得恰到好處！蜜糖雞翼，好多隻迷你雞翼，熱辣辣，皮脆肉嫩，炸得脆口。甜品：雲尼拿雪糕窩夫，正正，為午餐畫上圓美的句號。值得推介👍🏻

我已經十多年沒有去樓上cafe,上次是朋友邀請我去的,但我看到餐牌的食物時,全部的價錢都是貴的!!還加一服務費,之後就沒有去吃.今次是我和參與某個活動的朋友商討後,來到旺角登打士街的樓上cafe,就在此吃了下午茶。我比較早到此cafe,正在門口等候時,見到有一個男明星紙版,以為有人歡迎我但其實是店內主題內地男星某人的紙版。等朋友到達集合後正式入店内。看看這裡的佈置:店內按主題擺放關於該主題相關的物品,例如今次以兩位內地男星為主題。門口、玻璃窗和牆上有他們的相片、劇集相片、海報、宣傳單張和粉絲制作的支持物品。店內左邊擺放了自家品牌和來自日本的化妝品。適合文青和對它們有興趣的人來Cafe吃東西時順便看看。我們看看餐牌時,決定一人叫一個餐和各自叫飲品。和侍應叫餐後,她拿出碟和叉子,還給畫了兩位內地男星的卡通杯墊。首先到的是各自叫飲品,以童話角色、卡通人物和自創詩句形容該飲品。例如:黑魔后名字來自童話故事<睡公主>的角色,由可樂、咖啡、曲奇和棉花糖做的飲品。我的飲品是榛果之吻由榛果和牛奶做成的飲品,是熱榛子鮮奶。我以為這兩種東西做成一個非常很好的飲品,杯面有作裝飾的朱古力粉和牛

跟朋友聚舊最鍾意去CAFÉ ，鍾意環境比較RELAX，又不限時，可以慢慢傾。今日就來到這間CAFÉ ，這間CAFÉ 的空間感十足，仲有一大塊玻璃可以睇左旺角人來人往的旺角街道。原來這間餐廳除了是CAFÉ外，還會提供一些workshop及不同藝人的應援活動，今日來到正正做緊大陸演員-黃景瑜及許魏洲的應援，放置了很多印有他們樣子的用品及周圍貼了很多他們的海報，有很多他們的fans特登來的。細細本的餐牌，卻有很多的選擇，但只有散叫，我點了一個招牌漢堡，但員工說今天沒有漢堡包皮，轉了牛角包，上枱後份量驚人及感覺邪惡，脆脆的牛角包夾著大蘑菇，洋蔥塊，煎蛋，芝士，蕃薯，厚厚漢堡扒，仲要用上煙肉片包著厚厚漢堡扒來煎，大得要逐層逐層地分開食，食得有點狼狽，配上粗身大薯條，細心地砌到好像層層叠一樣。朋友點了個全日早餐，有煙三文魚炒蛋，煙肉，白野菌，沙律菜，茄汁豆，另外可選配牛角包或是日鮮果酥，亦可從辣肉腸/豚肉腸/芝士腸/蜜糖腸任選二款，份量都十分大，如果茄汁豆可以整熱一些及白野菌可以略為炒一炒就更好了。作為雞翼控，雞翼少不了，仲要是最好味的蜜糖雞翼，還要是單骨的，食得方便。另外再點了黑松露鮮帶子芝士焗

已經有好幾年無上過樓上cafe，見到依間網上feedback唔錯，就約埋幾個朋友上左去。地方寬敞，睇得出店主有放心思係擺設上，愛影相既朋友可以到此一遊。叫左幾款食物同飲品，估唔到幾個後生囡整出黎既食物水準同賣相都唔錯。必試「蜜糖雞翼」，係單骨雞翼，預先切開一半，方便食，多蜜糖仲好入味。「Haagen-Dazs雪糕窩夫」，雪糕當然係有保證之選，加上即整窩夫，成個甜品口感upgrade 哂。有小朋友係度，店員姐姐送多球雪糕。 「Haagen-Dazs雪糕心大軟」，依個心太軟就一般，唔太流心，有d over cook，不過唔太甜，大人都岩食。飲品試左「凍咖啡」，朋友話正常咖啡一杯。「睡美人」，小朋友鍾意飲，但我無試過俾唔到comment。「玫瑰花茶」，讀書時代上親樓上cafe我都會叫，貪佢有淡淡玫瑰味，有消滯感覺。總括黎講依度係值得去既，我地5個人坐左4個鐘都無趕我地走。

今日經過旺角登打士廣場附近有好多小食，又有珍珠奶茶店，系登打士廣場呢橦大廈有好多餐廳/Cafe。Cafe環境舒適,又有好多梳化,空間又大,燈光又明亮,佈置又幾特別,牆上又有些幾有趣的圖案。忌廉明太子三文魚意粉，三文魚整到一朵玫瑰幾漂亮，忌廉混合埋明太子又夠creamy又不會太咸好夠味道，意粉又煙韌。累松露炒鮮帶子虎蝦意粉，帶子煎到金黃色好嫩滑，虎蝦又大大隻肉質爽口彈牙，意粉又好味道。蜜糖雞翼切開一半幾易咬又方便，又夠蜜糖又入味。奶油芝士千層薯，千層薯是用一片片薯仔砌成有咬口又包住芝士味道香濃，又有吞拿魚蛋沙律，煙肉片和沙律菜。雪糕心太軟自己選了雲呢拿和士多啤梨味雪糕，cream仲要系限定玫瑰味道幾特別，心太軟有流心，外脆內軟又不會太甜茉莉沙冰有藍莓，藍桔，菠蘿和荔枝混合而成好味道。

最近老公帶豬去左間叫Infinity workshop cafe食飯，就喺旺角登打士街，位置都幾方便就腳。好喜歡入門嘅木質招牌，簡約但帶個性。餐廳內裏燈光唔算光猛，幾有情調，好有一種處身於韓國cafe嘅感覺，勁正。裏面超級涼爽，好彩豬有著外套姐。座位寬敞，一邊係bar枱，櫃放入唔同嘅擺設，文青格調，幾適合拍照打卡。另一邊係玻璃格仔櫃，放左唔同美容產品寄賣。廚房嗰邊就放左唔同胡桃夾子嘅玩具士兵😍感覺好好，未開始食都已變係咁影相。老公叫左個雞翼，沙律，意粉同burger。原本諗住唔夠食，點知原來d份量都幾多下，個蜜糖雞翼係一開二，喜歡呢個單骨雞翼，食得好方便。雞翼新鮮炸起，熱辣辣又脆卜卜，雞翼面淋上蜜糖，甜甜地，好好食。香辣腸煙肉炒意粉，豬唔係咁鍾意食炒粉麵，因為怕油膩，但呢個炒意粉乾身唔會油淋淋，意粉有咬口，帶有番茄香味，味道方面，先有酸味，稍等一陣，辣味湧出黎，非常惹味，一口又一口，完全食唔停。招牌漢堡配扭扭薯條，大啡菇嘅香濃菇汁同免治和牛相當誘人，肉質好juicy，配烤到香香脆脆嘅麵包同芝士，煙肉，番茄等等一齊食，仲有特別調制嘅醬汁，味道非常滋味。再加炸得香脆又熱辣辣嘅扭扭薯條，滿足

今日落超級大雨，約左朋友來到登打士廣場的Infinity Workshop Café，記得之前有一次想黎食晚餐，但因為無book枱又full house左，所以無得食，今日下午黎，人唔算太多，可以坐耐少少，順便避一避雨。5樓全層都係，一出電梯就見到好優雅的門面，而我地亦都被安排坐左在窗口面，餐廳人唔太多，店員都只有3個，又要下單又要烹調又要傳菜又要結賬又要執枱，忙得很，但一見我地揮手，就立即示意，服務態度好好。因為好肚餓的關係，我地叫左兩客小食，兩客意粉同2杯飲品。所有食物都係即叫即煮，餐牌上都寫明要等20分鐘，所以會不時聽到 “DUDU”聲，食物便上枱了，夠哂熱。小食我地叫左蜜糖雞翼同黑松露芝士帶子焗啡菇，蜜糖雞翼份量多，係單骨的，食落方便，雞翼炸得脆，有蜜糖在面，唔覺得熱氣。黑松露芝士帶子焗啡菇，超有驚喜，啡菇好大好厚身，烤得好香，夠juicy，配上黑松露芝士，好惹味，而帶子都好鮮甜。主食就叫左黑松露油炒鮮帶子虎蝦意粉，非常足料，有3隻帶子一隻蝦。意粉非常香，有少少油潤及濃郁的黑松露香。帶子鮮甜多汁，虎蝦大而甜，意粉軟硬度適中，有用埋蘑菇炒，口感好好。而忌廉明太子三文魚意粉好靚，好

星期五的旺角很熱鬧，我卻渴望找到寧靜的角落小妹對占卜一向很有興趣，也許是比較迷信吧得知這間Cafe有駐場占卜師，而且占卜收費十分便宜，便想來試試占卜，為未來一年找找方向。更重要的是，考完一科試，當然想放輕鬆和有美食醫肚呢！Cafe佔了整層，位置很寬敞，裝飾也很精緻。而且餐廳沒有下窗簾，在下午時有自然光使人感到精神。用餐前小妹先試試占卜，本以為是在用餐的桌子進行占卜，但原來有個安靜的小房子讓過程更專注，占卜師很Nice，也給了很好的建議。其實除了Pasta之外，餐廳也有all-day breakfast和burger等主食，不過這次我和朋友都選擇了Pasta。Fried Pasta，黑松露油炒得意粉很香虎蝦很大隻呢，挺新鮮彈牙Sauce Pasta，很creamy的忌廉意粉，煙三文魚份量也挺足呢吃完主食當然是吃甜品雪糕口味可以自己選擇的，而我選擇了草莓口味窩夫份量很足！切開也是實實的窩夫，不是空氣呀特飲和沙冰的名字也很可愛很可愛，看著也會令心情變好呢我喜歡甜甜的咖啡，很合我口味呢渡過了一個悠閒的下午

已經好耐無去旺角樓上Café, 因為質素有點參差, 不過估唔到今次朋友帶我嚟呢間Infinity Workshop Café, 感覺又有點不一樣Café以木系為主, 給人溫暖, 悠閒的感覺, 同時每一枱客人都有適當的空間, 營做出舒適感沙冰~童話世界 - 用了卡通角色來命名, 感覺特別親切, 我們都跟隨自己喜歡的角色來選擇飲品貝兒 - 蜜桃 & 菠蘿味 - $49/each小紅帽 - 西柚味沙冰打得很棉, 而且唔會只係得糖水味蜜糖雞翼 - $68單骨雞翼本身已經好正, 因為唔會食到好遴迍, 而且炸的表面比全隻雞翼多, 咬開脆脆的外層, 肉質唔乾身之餘仲有肉汁,一啲都唔令人失望黑松露油炒鮮帶子虎蝦意粉 - $108用黑松露油炒過的意粉, 加上蒜蓉 & 香草, 香氣真係令人有難以抗拒的魔力, 意粉的形狀和種類林林總總, 今次係Spaghettini...較幼身的, 軟硬度適中三粒巨型帶子微微煎至焦香, 連同手掌咁大的虎蝦, 虎蝦烤過之後去殼, 完全係誠意之作招牌漢堡 拼 粗薯條 $ 138其實我無Idea"招牌漢堡"有咩餡料, 一心想有牛漢堡扒就Okay點知原來餡料都幾多, 有芝士、煙肉、

其實旺角cafe真係好多主要都係搵個地方同朋友閒聊下入到去環境很大就算你幾多人去都有足夠既空間活動一啲都唔覺得迫現場所見有大人帶埋小朋友一齊黎傾計食野又有情侶係角落食野真係咩人都適合飲品名稱用童話世界黎表達好新奇 好吸引意粉出奇地好味好多蛋汁食落去一啲都唔乾中間隻蛋係流心蛋汁混埋意粉一齊食正！餐牌上介紹呢碟菜式有辣椒但其實一點辣味都沒有可能自己不喜歡食三色椒所以覺得麻麻雞翼好乾蜜糖不是太夠其實係Oreo 沙𣲙外面既Oreo會好甜但呢個甜度適中因為友人不大舒服點了玫瑰味熱鮮奶如果係食晚飯建議飲呢個，晚上必定好好瞓雖說高峰時間 只有90分鐘用餐時間但職員都唔會趕你走同埋職員隨時都望到全間餐廳既人落餐個啲都好快會幫到你不同於其他cafe，叫黎叫去都無人招呼

今天晚上下班後，和朋友在旺角逛街後，隨意挑選了一間Cafe吃晚飯。猜不到，這地方不錯，環境非常乾淨，蠻有style, 枱與枱有比較大嘅距離，好舒服。整個地方很有空間感。很少香港餐廳是這麼好。而且他們的服務非常周到，態度也非常友善。我們叫了以下的食物：1. 蜜糖雞翼-好香，有香料味，又不油膩。比較特別的是蜜糖是分上的。如果不塗蜜糖，是鹹味的。2. 黑魔后-味道很特別，有點帶苦澀味。雖然有棉花糖，但不是太甜，如果喜歡味道特別有喜歡便可以選擇它。3. 熱鮮奶抹茶配日式紅豆- 不太甜，甜度剛好，又有抹茶香。抹茶加上紅豆蓉的香甜,味道非常配。4. 黑松露油炒鮮帶子虎蝦意粉-帶子幾大顆，ok好吃,帶有黑椒味，隻虎蝦肉質不錯。5. 鮮帶子虎蝦青蘋果沙律-帶子用咗香料烹調過，好香。這虎蝦做得非常不錯，有蝦味同肉質彈牙，比意粉的虎蝦更好吃。青蘋果甜甜的，好醒胃。菜都新鮮。6. 黑松露鮮帶子芝士焗啡茹-芝士好香口同芝味，焗得剛剛好。芝士上放了些黑松露一起焗，香味入了芝士，好香好香。啡茹好Juicy，有啲香茹淸甜。帶子夾在茹與芝士中間，口感多了一份層次，而且帶子有帶子味，也非常配啡菇和芝士的味道。總括來說是

對登打士廣場的cafe一向無太大好感，其中一個原因是等lift太唔方便。在假日下午想揾個靜靜地的地方同好姊妹傾計，一search之下發現infinity。一入門口已好有好感，空間大而且只有少於10張枱，所以好舒服！第一次來更驚喜的是tea set, 茶餐廳價錢但接近酒店質素，一點也不馬虎！點了3個茶餐，分別包括tea pig的花茶。先來的是黑松露炒蛋牛角包，炒蛋好都有驚喜，充滿黑松露味，雖然沒有很多蛋汁但入口熟度剛好！配角牛角色不過不失，是非常脆底的那種，配炒蛋很適合！第二茶餐為雞翼，友人很欣賞單骨做法，我諗為正常水準，但presentation同價錢搭夠！我覺得最驚喜是彩虹pancake, 真的沒有想過會咁有heart! 3年自制鬆軟pancake配3款醬，加上生果，沒可能有不好食的理由！這個下午就好快樂地渡過了！由於我很喜歡這裡，隔了兩天朋友gathering又選址這裡，試試他們的晚餐！好彩有book位，因為星期一晚半個場party！今次就點了人氣的虎蝦帶子意粉！果然不錯，雖然只有淡淡的黑松露油味，但意粉用Oliver oil, garlic and mushroom炒過，口感仍是

有人話樓上cafe水準差，但我個人認為不一定。今晚就去了一間不錯的。論環境有寬闊的空間，論服務頗為貼身，而食物水準也比預期的好，難怪末到七時己爆滿。美顔水果茶味道清新，有著各種水果粒，果然係愛美人仕的第一首選。蜜糖雞翼只有單骨一條，食用方便。調味方面恰到好處，但可惜炸得過火，肉質老了一點。淸新有營的鮮帶子虎蝦靑蘋果沙律，有大大的一隻的虎蝦，肉爽鮮甜，蝦膏鹹香。帶子煎得剛好，外香內嫰。各種沙律菜亦新鮮甜美，再配合酸酸的靑蘋果，食欲大增。平時食漢堡飽多是牛肉，今日轉下口味點了魚柳漢堡。飽質感尚算鬆軟。魚塊炸得香脆不油膩，伴以洋蔥蕃茄，非常美味。輕巧的口感比起牛漢堡的飽滯感好得多。另伴碟的炸薯條炸得香脆，肉芯軟糯好滋味！以下這個甜品必食，值得推介。忌廉鮮果杏桃酥，即叫即做，熱烘烘。上枱時己傳來杏桃香味。酥皮好酥化，餡料的杏桃茸不甜不膩，還帶有微酸好開胃。

CAFE在旺角可以說是多不勝數，今天我跟朋友揀好呢間食聖誕節既晚飯同埋聊天，餐廳的環境舒適，坐位位置寬闊。蜜糖雞翼($68)首先食了一個前菜蜜糖雞翼，雞翼有切開左一半先料理，除左可以更好的掌握火喉之外，還可以更方便女仔食，都幾貼心既煮法，雞翼十分入味，加上外皮脆香，但肉質卻十分嫩滑，十分開胃。德國三色腸蕃茄意粉($88)主菜是德國三色腸蓄茄意粉，一見到就知道係好邪惡既一個意粉，外表已經十分吸引，食落口果然十分濃郁既蕃茄味道，加上上面有一層芝士，就令到味道更加香濃，配料有德國腸，跟蕃茄味道十分夾，肉味濃但有蕃茄既酸甜味道令你不會食得有膩既感覺。另外份量方面也十分多，性價比十分高。Haagendas雪糕心太軟($98)食完主菜當然要食埋甜品先算係完美啦，我地揀左呢個Haagendas雪糕心太軟，雪糕不用多說是HAAGENDAS雪糕，十分幼滑甜美，而心太軟外皮是十分香脆的，中間的朱古力流心的狀態，流出來跟外面既雪糕一齊食，一冷一熱口感更加豐富。係旺角鬧市找到坐得舒適既地方食到好味既食物又可以同朋友慢慢地傾計，真係好岩聚會，下次會約埋一大班人再黎。