博多拉麵別天神 (已結業)

今日突然好想食拉麵，呢間店只有兩款拉麵，選擇困難症嘅我，諗都唔使諗梗係各一啦🤣加多$30就有餃子同沙律，加一份試下無妨😬呢個小龍蝦蟹籽沙律，用紫菜夾住一啖擺落口，特別的食法，特別的味道，真係食到一粒粒蟹籽，又有龍蝦鮮味，仲見到有一絲絲小龍蝦肉！煎餃子有日本風味，雖然咬開就見到入面嘅餡料唔算多，但份量同比例都啱啱好，似日本小店食嘅餃子🥟 豚肉拉麵🍜個湯底真係好正，習慣先飲一啖湯，再食拉麵，呢個湯濃郁得黎唔會油膩，連續飲左幾啖😋之後見到原來仲有隱藏版，就係加拉麵汁，蒜蓉同辣芽菜，令到湯更加濃味，同埋帶點辣味！我都係食完拉麵先試呢個隱藏口味，中意辣既人要試下啦！至於拉麵配料就一眼睇曬啦，最回味都係溏心蛋😍個蛋黃整得岩岩好，同埋蛋黃都比較大，可以食到多啲半凝固的蛋黃，正呀！葱粒同黑木耳都比食開的新鮮爽脆，唔知點解仲有啲甜🤔蝦味噌拉麵，食落感覺係好唔同，可能只係豚骨湯加左蝦味噌，但已經有濃烈的蝦味，好香同帶點蝦乾的鹹香，配料換左粟米粒，友人表示都係甜同非常爽口。下次我要再試下蝦味噌先👍🏻👍🏻

2019年10月12日 星期六今日同女朋友行完街之後，喺尖沙咀打算搵嘢食做晚餐行行吓去到呢一間別天神拉麵門口，女朋友話最近好多香港人都幫襯，叫我地都支持下入到去雖然位置唔多，不過坐得好舒適同覺得好窩心，因為牆上面黐住左好多同香港人打氣嘅說話，係每一個顧客食完之後貼上去嘅餐牌嘅選擇唔多，拉麵只有兩款唔同嘅口味，我哋分別叫咗兩個唔同嘅套餐先來嘅係前菜小龍蝦沙律，沙律配埋紫菜一齊食會更加好味，沙律裏面食得出一粒粒嘅小龍蝦肉，肉質幾彈牙至於女朋友嘅前菜就叫咗日式煎餃子，外皮煎到有少少焦，所以食落比較脆然後到女朋友點既豚骨湯麵，佢話湯底奶白色，好重豬骨味，而叉燒切得好厚身，仲有成隻糖心蛋添而我就要左蝦味增豚骨湯麵，麵上面有好多蝦米，而湯底就分別飲得出蝦同味增既味道，仲好似有蝦油添，同豬骨湯底係完全唔同既類別，好有特色能夠食到咁有質素嘅拉麵，又可以留言繼續支持香港人，應該冇乜邊幾間鋪頭可以做到，要多啲嚟繼續支持

香港地其實有好多細細哋嘅拉麵店都做得好出色，前排發掘咗尖沙咀有間博多拉麵別天神相當唔錯，分店亦都幾多。裝修同日本嘅拉麵店都好相似，充滿住日式風味🎎🎏，又可以睇住師傳煮拉麵。門口仲有部自動拉麵販賣機，完全好似置身於日本咁。呢度拉麵選擇雖然唔係好多，只有2款拉麵🍜，不過以我食拉麵嘅經驗，拉麵選擇越少，製作就越精！👍叫咗2個套餐，別天神套餐同蝦味增套餐，分別有一碗豚骨湯麵同蝦味增豚骨湯麵，每個餐各有一款小食，餃子同小龍蝦蟹子沙律🥗。豚骨湯麵🍜賣相唔錯，有1隻溏心蛋，蛋黃半熟狀態，蛋黃不斷流出，睇見都流晒口水。仲有一大堆爽口嘅木耳絲，爽脆紫菜，同埋大量蔥花，顏色配搭都夠晒吸引。湯底濃郁，呈奶白色，豚骨味道重，食到尾已經有一層膠質，膠原好充足呀，掛湯能力一流！拉麵軟硬度適中，啱晒我口味！豚肉叉燒肥瘦均勻，口感嫩滑，厚薄度適中。牆上仲2條formula 教你點自行調製湯底口味！真過癮~拉麵汁 + 蒜蓉 + 辣芽菜 = 特濃！七味粉 + 辣芽菜 + 蒜蓉 = 特辣！蝦味增豚骨湯麵基本上都差不多，但呢個就多咗啲櫻花蝦🦐同粟米粒🌽，櫻花蝦脆脆哋，撈埋成個湯底嚟食，成個湯都帶有少少鮮甜味。跟餐小食小龍蝦蟹