一幻拉麵 (已結業)

一如既往，星期三夜晚同男朋友拍拖食飯。 今晚就嚟到灣仔合和附近嘅一幻拉麵。 雖然佢係介乎係內街嘅位置，但係都唔難搵因為成間餐廳嘅主調係好搶眼嘅紅色，連招牌都唔例外。入到去餐廳，店員好細心咁同我哋講舖頭較入嘅位置比較涼，所以就安排咗我哋坐入去。一幻拉麵係日本北海道札幌的人氣拉麵店，出名食蝦味拉麵。 經過店員嘅一番解釋，我同男朋友都決定要食下佢嘅主打！為咗食下加入咗豚骨嘅湯頭有咩分別，我地嗌咗一碗適量豚骨， 一碗原味嚟試下。溫馨提示：拉麵本身已經包咗兩塊叉燒同半粒溏心蛋。我同男朋友仲傻下傻下嗌咗一碗加蛋，變咗一人有一粒完整嘅蛋食。 其他配料都可以自由選擇要定唔要。我地當然要蔥同麵酥啦！咁先夠地道吖嘛！大約等咗十分鐘，拉麵就上枱啦！先講下原味湯底、 鹽味口味嘅蝦味拉麵。 蝦味湯好 濃郁，鹽味口味亦有帶出蝦本身嘅鮮香！加分！叉燒好淋，浸埋蝦湯食又係另一種風味！ 溏心蛋嘅發揮就正正常常。我地建議點麵嘅時候一定要點埋麵酥嚟食。所謂麵酥係炸咗嘅薑，撈埋啲湯一齊食會成個口感更上一層樓！ 唯一要挑剔嘅就係個拉麵可能煮耐咗，麵質有啲偏淋身。至於揀咗加入適量豚骨嘅嗰款蝦味拉麵，我同男朋友都認為豚骨有啲喧賓奪

一入門口聞到好大陣蝦湯味，本來對碗拉麵真係幾有期待，可惜食落就真係麻麻。叫咗適量豚骨蝦湯拉麵，粗麵，麵底加大。麵條太硬身，口感似al dente 既意大利麵，唔索湯，好重鹼水味，去鹼工序做得差。湯底偏咸，無蝦味，無豬骨味，被麵條既鹼水破壞晒，只飲到鹼水苦味。蝦味飯糰味道尚可接受，無餡，不過夾埋紫菜食都幾香。但飯糰外冷內熱，似乎係翻叮。灣仔地鐵站附近午飯時間搵食艱難，但平日1點luch去到，唔使排隊直入。鋪頭細細間，但食完走人都無爆滿過。加一後近百元拉麵要吸引食客回頭光顧，食物質素真係要加把勁。

星期一晚7點未夠去到，大約等咗15分鐘就有位。排隊時職員會比定紙筆點野食，坐低就即刻落單。蝦味飯糰，味道偏淡，而不是想像中有濃濃的蝦味，質感偏濕，有蝦肉，都幾特別。原味味噌拉麵，第一時間先試下湯底，有燒蝦殼嘅香味，而味噌湯底又不會太咸，不錯。我選擇了粗麵，口感偏硬，是我喜歡嘅硬度，但有少少鹼水味，就不太喜歡了。原味鹽味拉麵，呢個湯底較味噌鮮甜，個人比較喜歡鹽味。同樣揀咗粗麵，所以都有少少鹼水味。湯底的原味=蝦湯，個湯係好熱好熱好熱，所以要小心慢慢飲。每碗拉麵會有一塊頗大嘅义燒及半隻溏心蛋。服務一般，有點茶餐廳服務的感覺，唯獨上麵的那位男員工(係日本人嚟)，好有禮，好細心咁將食物放到枱上。另外由於客人出出入入嘅次數係頻密嘅，而門口又無加裝風閘，每次門一開一閂就將街外嘅熱風扯入舖，我當晚不算太熱就無問題，如果夏天咁熱就真係唔太好受。

喺新宿食過一次，一試難忘！除左一蘭，呢間係第二間過江龍拉麵店我會願意花時間排隊。中午1點去到，等左40分鐘，終於有位。好彩今日天氣唔算太熱，所以等40分鐘都可以。排隊期間，職員已經俾定紙仔我地填。口味除左原味蝦湯，仲可以要豚骨，不過本人覺得原味先可以食到蝦湯既精髓。入到去第一個感覺係冷氣好足夠，夏天食拉麵如果唔夠冷氣會好辛苦。而且座位好寬敞，一啲都唔迫，坐得好舒服。同男友一人一碗拉麵，再加一個蝦飯糰。我揀左原味蝦油鹽味粗麵。拉麵一到，影完相之後，第一件事當然係飲啖湯啦。如果未去過日本分店食，會覺得湯底好濃，蝦味好突出。但如果有比較之下，就一定覺得日本湯底濃味好多。麵質方面，都有3款，我揀左粗麵，因為我自己比較鍾意食有質感既拉麵。每一條粗麵都非常彈牙，又唔會太淋，軟硬適中。香港分店限定蝦味飯糰，一場黎到點都要試下。建議先食飯糰，後食拉麵。咁樣一來包住飯糰塊紫菜唔會因為接觸空氣太耐而淋左，二來食完拉麵飲完湯，口腔已經充滿濃烈蝦味，再食飯糰，就試唔真飯糰既蝦味道。店內職員都好好禮貌，如果未試過既朋友，都不妨一試！