劉森記麵家 (桂林街)

营业中

休息中

作為一個雲吞重度愛好者，吃過幾十家雲吞面了，把覺得還不錯的記錄一下，僅供參考。深水埗有兩家，這家是總店，環境比較差，建議去新店，兩家店相隔一個拐彎，而且呢，明顯新店人更多。點了三拼蝦子撈麵，配雲吞，水餃和魚片加配無糖可樂 腐乳菜心 一共一百塊 豐儉由人味道沒問題 挺好吃的 小店的蘿蔔也很好吃唯一問題是阿姨上雲吞的時候手指泡在了我的湯裡面有點崩潰 好在雲吞裡面的蝦仁新鮮其他的不錯 還是推薦大家去新店 好食 看起來設施也很新

早排去左澳門玩食完蝦子麵，返到黎突然又想食，所以就去左係深水埗有幾十年歷史既劉森記麵家，佢地竹昇麵都蝦子都好出名，今日咁啱經過附近一於黎食。深水埗有新舊兩間舖，今次黎就去左舊舖，門面好有傳統麵家既味道。我地今次兩個人黎食，朋友原本想叫蝦子牛拍葉撈麵，但原來我地太早黎要1點後先有，想食既朋友記得下次唔好咁早黎，朋友最後只係叫蝦子撈麵，而我就叫左蝦子牛腩牛筋撈麵。蝦子撈麵面頭滿滿既蝦子，撈完後保証每一啖都有蝦子係上面，而且蝦子十分香，好味原本以為兩餸會比較少蝦子，點知一樣係咁多，而牛腩同牛筋都好入味同夠淋。佢地野食味道真係唔錯，由其係個手打竹昇麵真係夠晒爽口彈牙，朋友都話下次要黎再食牛拍葉。

見到咁多好評而又未試過，所以就慕名而去。Check過曬點樣行，但係依然出錯，冇錯，我係路癡一名。最終五分鐘的嘅路程，我行咗10分鐘，好彩都算近。去到當然要點最招牌菜，蝦子撈麵。呃，食落去覺得有d乾。蝦子真係好多。鮮蝦雲吞ok. 是日賣曬牛腩牛筋，唉，唔開心，唯有點個鵝腸牛百葉頂住。酸蘿蔔唔錯，酸辣酸辣的。

深水埗像是另一个香港，狭小的街道布满了林林总总的铺头，水果摊；没有中环的繁华、匆忙，反而多了一味人情味，随处可听到熟人熟客们打招呼，聊天，温暖亲切。刘森记的店面不大，食客们也多为当地熟客，进门点餐也会随口与伙计聊几句。落座时就看见墙壁上贴有各个杂志、电视的推荐，于是便决定试试香港的老滋味：云吞虾子捞面。云吞皮薄鲜嫩，内有虾仁、肉馅加以虾子；竹升捞面爽滑，兼有弹性，弱碱性弱味道并非一味咸，虾子、青菜佐之；加之桌上特色酸爽脆萝卜，丰富满足。

好明顯除了正常的工作安排外，現在每次出外工作的另一個重點，就是要編排一下那區的 to-eat list 了！這家劉森記，打從數年前在某 blog 上看過便一直很想來吃，不過很少來深水埗的關係，也就無從得試。這天跟同事十二點半來，到了舊鋪，佔了最後兩個位子。要了雲吞蝦子撈麵，雲吞放湯，和麵分開上，比起好些頹麵店 (？) 把雲吞和麵放在一起來得貼心。雲吞用的自是新鮮蝦，肉的比例也恰當，入口吃得出肉的甘香而不太膩，體積稍大 (起碼一口我也吃不完)，整體來說我覺得是在水準之上，但不算是很有亮點。倒是湯底很不錯，入口帶些微胡椒香，大地魚炒過以後香味也帶出來了。蝦子撈麵，蝦子下得相當重手，但入口不過鹹，也沒有腥味，只覺得滿嘴香氣，跟麵拌起來很好吃！麵質爽身，有些微鹼水味，但可以接受。只是麵底老實說不太大 (麵下面有數條菜心墊底)，有些人大概吃完會不夠飽呀。另外也吃了很多擱在桌上的酸蘿蔔，入口又爽又脆，帶酸甜很令人開胃，也是這店的名物呀。另加了一碟油菜，買單每人約 $36，完全是物有所值！

這家有50 年歷史的老字號，在深水埗的人相信都知道。以前只是一個臨時的麵攤。在政府政策改變以後，有了一個店面，前年更開始開設分店。在門外，你可以看到很多有關蝦子撈的照片，不同媒體的介紹等等。店內每張檯上都有一大瓶酸蘿蔔，老闆非常大方，讓顧客隨意添食，食完開胃得很招牌淨水餃確實唔錯，啲蝦十分爽口 蝦子撈麵撒滿金黃色的蝦子，好有滿足感，但麵就沒有傳聞咁正牛腩牛筋麵味道很好 ，炆得淋但唔霉，仍保留咬勁

作為一個港島人，真係好少去九龍食飯。難得去石硤尾欣賞藝術展，一定要順道拜訪劉森記！雖然八點食飯時間先去到，但都即刻有位坐。朋友同我心大心細，樣樣都想試，結果遲遲未落到單⋯而同枱的公公婆婆見狀，就分了四粒雲吞給我倆試!!! 又同我地傾計 果刻真係甜到入心! 好耐冇試過同陌生人一齊搭抬食飯，仲要有互動！！呢種舊區人情為呢餐飯加添左好多感情分 首先打頭陣的係雲吞，好足料，d蝦好大隻，絕不欺場！接住來的蝦子撈麵都好好食，蝦子味道唔算濃，但配合爽口的幼麵口感頗佳。朋友的牛腩牛筋河都好入味。蠔油生菜炒得好翠綠！整餐飯就係香氣同笑聲中度過 以大眾化價錢享受深水埗的「人·情·味」，超值！

今天特地與父親一起去試這個雲吞蝦子撈麵一去到就有位子了但真的是很小的店、很窄的空間沒有人招呼，有一個店員從頭到尾黑面......不喜歡這麼多人光顧嗎??還好有另一個胖胖的比較有禮貌!!!!!!!一坐下便點了父親: 雲吞蝦子撈麵 + 我: 水餃麵本以為水餃沒有蝦(我有海鮮敏感)....怎知原來水餃比雲吞更多蝦!!!!!!!!!!!!蝦很爽很彈牙!!!!入面有一點點木耳增加口感~~水餃皮很薄很滑~~~~很好味!!!!!!!!!因為太多蝦....吃了一個就把水餃全給了父親!!!!!!麵亦都是很爽很彈的~~~~不過份量很小.........父親說雲吞有豬肉 + 蝦撈麵的蝦子過多了~炒得有點燶.......不太香.....外賣了一個雲吞蝦子撈麵給媽媽沒有加$1要湯.....外賣的麵好像多一點........但乾硬得很要緊!!!!!!!!!!!!!短短10分鐘就已經硬成一餅!!!!!3粒雲吞.....還是暖的........但只有一粒有蝦!!!!!!!!!!其他兩粒是全豬肉的!!!!!!!!!!!究竟是不夠蝦還是怎樣???他的餡真的.....難以捉摸

只能怪自己去迪士尼無做足準備，換來滂沱大雨，結果大部份時間都在園內避雨，就連最後的煙花也取消了，認真掃興，唯有提早返回市區。搭地鐵出深水涉，本來想試試素顏天使介紹的和味館，但雨勢仍未停止，唯有改去就近的劉森記，反正一直也想試試這店馳名的蝦子撈。二人分別選擇了蝦子魚片魚蛋撈麵 ($32) 及蝦子雲吞撈河 ($28)，再加碟腐乳通菜 ($12) 及一支可樂 ($6)。等食期間，有一家三口搭檯，小朋友口直心快，突然問阿姐：「咩係竹昇麵？」，攪到阿姐支吾以對：「全部麵都係個種麵餅！」，答非所問，幸好小朋友無再追問下去．．．劉森記相當慷慨，蝦子份量下得甚多，差不多覆蓋大半碟麵，另外再搭多兩條靚芥蘭，吃起來口感無咁寡，倒算細心。我貪得意叫了蝦子撈河，幼身的河粉質感比較滑溜，入口又不會太過軟腍，配上充滿鹹香的蝦子，感覺還算不俗。這店的雲吞皮薄，內裡的鮮蝦夠爽，卻略欠了點豬肉的鮮甜味道，相比之下，個人比較喜歡同區祥興麵家的出品。女友的蝦子撈麵也很不錯，麵條煮得夠爽口，絲毫沒有鹼水味，作配的魚片魚蛋相當彈牙，她直言這麵比澳門祥記的出品做得更出色。女友也試了這裡的名物醃蘿蔔，據說蘿蔔的酸甜度掌握得恰到好處

完成半天的工作之後, 返出來吃過午飯才回公司。預先鎖定了目標要來這裡吃, 好在有地鐵站的地圖, 路盲如我也不太難找到它。已是下午二時, 店內還是擠滿人, 名店果然是名店。其實我一心想吃的, 除了馳名的麵食之外, 就是傳說中非常好吃的酸蘿蔔, 所以只要了最簡單的蝦子撈麵 ($24), 再加一罐健怡可樂 ($6)。落單之後, 便進攻面前的那樽酸蘿蔔了。其實除了白蘿蔔之外, 還有青瓜和辣椒呢。雖是醃漬物, 蘿蔔青瓜仍然保持超級爽脆, 酸酸咪咪的, 辣椒也變成了酸辣, 也添吃了好幾次, 只是後來有人坐在我對面就不好意思再吃太多了。說回我的蝦子撈麵, 這裡的麵標榜是竹昇麵, 麵質的確是爽, 但吃不到鹼水, 真的不俗; 但主角蝦子竟然沒有那種優質蝦子應有的鹹鮮香味, 雖然份量不少, 始終有點失望。那個撈麵的湯呢, 是我正吃著麵的時候才送來的, 沒什麼味精, 可是也很淡味。酸蘿蔔確是好吃, 只是蝦子撈麵未盡人意, 只值 OK 臉一個了。

師傅都有好一段時間冇同好友食家"乜都放入窿"黎個單獨飯局, 無他嘅各有各忙, 加上每次同好友食家"乜都放入窿"嘅飯局, 一定唔止一間食店, 至少都有三間唔同嘅食店, 而師傅舊有嘅食評亦堆積如山, 遲遲未寫, 為免壓力太重, 所以就暫且抖一抖! 而家就等師傅重溫番三個幾月前嘅深水埗三食啦!話說好友食家"乜都放入窿"就好少黎深水埗搵食, 撞啱嗰日師傅就好想黎呢區試下間呢區頗出名嘅酸辣粉, 於是決定黎呢區食野啦! 出左地鐵站, 師傅同好友食家"乜都放入窿"邊行邊講, 講緊呢區有好多正野食之際, 細問之下先知呢間咁出名嘅食店好友食家"乜都放入窿"從來都未試過, 既然如此, 二話不說即刻入去!兩個人入到去兩個搵個位坐底後, 師傅就覺得有兩款食物係應該要試, 一款係蝦子, 另一款係黑栢葉, 最後商量左一陣就柯打左蝦子撈麵同埋黑栢葉蝦子撈麵! 等左一陣就有得食喇, 蝦子撈麵師傅就唔再多講, 皆因之前嘅食評已經講過, 反而今次係主力想講下黑栢葉, 皆因師傅都係第一次品嚐; 黑栢葉份量極多, 賣相甚靚, 冇漂染到嘅柏葉感覺更加新鮮同衛生, 放一件入口, 發覺黑栢葉非常爽口, 絕對唔韌, 唔需要點豉油亦唔

不用等位, 手忙腳亂的姐姐, 送菜亂七八糟, 但客人門也靜靜地等雲吞麵蝦子撈 $28 : 主角是蝦子撈, 麵身煙韌而有咬勁, 有蛋香沐, 配合金黃的蝦子, 條條麵條也沾滿了蝦子而且不會感到渴喉, 果然有水準 , 雲吞只是一般貨色, 沒有永華的甘香 水餃蝦子撈$28 : 水餃皮薄料靚, 配合了筍以及木耳, 蝦也脆口比較也對的豬肉, 有驚喜　　 湯有大地魚及蝦殼的香味，飲完全不口渴，都幾讚 !

見openrice咁好評，就特登坐車去試下。去果陣七點幾，個場算幾full，不過我一個人搭枱無太大問題。我叫左個蝦子撈麵，d蝦子真係多到鋪滿成碗麵。d麵幾爽口，蝦亦非常入味，我本身唔算太鍾意食蝦子，但都覺得佢d蝦子麵幾正，我諗鍾意蝦子既朋友真係必去。仲有枱面上有酸蘿蔔任夾，而家真係比較少見。

又係一間馳名嘅老店, 師傅想去試左好多次, 偏偏唔係就唔啱時間呢就係唔想食, 早一排終於忍唔住要去試, 結果......入到去地方唔係好, 求其搵個位坐底就柯打野食喇; 諗左一陣師傅決定柯打黑柏葉蝦子撈麵, 再加多碗雲吞麵, 點知黑柏葉沽清, 最後師傅都係揀左蝦子撈麵算了!等左一陣蝦子撈麵同雲吞麵一齊登場, 攪到師傅都唔知食邊樣先好, 最後都係先試蝦子撈麵! 蝦子撈麵賣相係相當吸引, 勁多蝦子鋪滿喺碟撈麵上, 先喝啖湯, 味道清清地, 有蝦味, 冇味精, 唔錯, 而蝦子就好鬼炒得好香, 味道唔會過濃, 好正; 加上麵質就煙韌爽口, 真係食到停唔到口; 雲吞麵嘅就幾皮薄, 而餡料未算特別出色, 不過蝦身都幾爽口, 可以收貨!總括黎講食物質素唔差, 而環境地方就一般, 服務合格, 而價錢都唔算貴, 不過由於呢個食評都係幾星期前, 所以師傅已經唔記得幾多錢, 埋單應該係四十蚊到啦; 你話劉森記同劉芯悠有咩關係, 唔知有冇機會喺呢度遇到佢呢? 有機會下次一定會再黎, 笑臉又點走得甩?

自從看完蔡瀾介紹後便一直想試試但深水埗太多美食了..多次來到深水埗也沒緣嘗試今天終於可以試試了-蝦子雲吞撈麵蝦子灑滿在麵條上~~很香而竹昇麵沒半點鹼水味,但麵質就比較乾身雲吞是名副其實的細蓉~蝦和豬肉的比例各一半很彈牙~~很鮮味~~桌上還有一樽酸蘿蔔酸meimei很開胃~~很爽脆