火鍋撚 (日富里百好大廈) (已結業)

打邊爐🍲你最在意嘅係咩？我比較在意牛肉同湯底嘅質素 (仲有必備嘅可樂😛)，其他配料我通常唔太有要求。但呢度嘅配料卻讓我喜出望外，回味無窮☺️除左鮮嫰嘅安格斯肥牛同味道恰到好處嘅酸菜白肉/麻辣鴛鴦鍋外，嗰份響鈴 (點解可以脆成咁😳) 同黃金粟米真係不得了😂粟米每一啖都充滿住滿滿嘅咸蛋黃，邪惡死😈結果，因為各樣嘅味道都剛好，我一啲調味料都無點過😆 順帶一提，我好欣賞呢度所有配料都可以點半份👍🏻我已經約緊一大班朋友準備下次再來呢度啦🤭

今日嚟到西環覓食，身為火鍋狂熱既我，喺街見到「火鍋撚」呢三個字，我已經忍唔住行入去拎飛。呢間火鍋店內部格局幾寬敞，侍應好快就嚟到介紹我地揀湯底。今次我地揀咗個素之滋潤湯鍋，本身以為會冇乜味，原來頭啖湯清得嚟都幾有藥材味！身為牛魔王，我地緊係嗌咗份極品安格斯肥牛同埋手切肥牛。上菜兩個牛盤都好靚仔！食落有牛味，唔係hea你！至於海鮮，我地嗌咗蝦滑，脆魚鯇，兩樣加埋先一百蚊左右，抵食！推介呢間火鍋比一眾火鍋迷！

香港這兩三年內經濟不斷收縮，能夠捱得過2019 至2022年新冠病毒侵襲而又能生存下來的食店；應有一定的實力。位於石塘咀的火鍋撚就是其中一間。今天相約朋友於此就因為它的美食採用新鮮材料和價錢公道。 原本以為是星期二，再加上幾天公眾假期過後人流應會小D， 但約七時過後仍坐無虛席。首先來個蜂巢豆腐白湯鍋。 這個湯底除了有 蜂巢豆腐外， 其實還有鴨血和其他藥材在內； 湯甜料足。 據職員說逢星期一至四還可以免費加添蜂巢豆腐和鴨血👍。除這個鍋外 我們還叫了極品安格斯肥牛。食時真心覺得沒點錯，入口軟滑有即溶感覺。爽脆生腸果然爽口不黐牙食得痛快。蝦滑用海蝦打造真材實料 ，咬落煙煙韌韌有口感。 鮮蝦雲吞用鮮蝦和豬肉做成，大大粒超抵食。此外我們還點了白菜仔和皇帝菜，兩款蔬菜都很新鮮。 由於我們只有兩人關係，雖然食肆還有很多美食；但只有留待下一次幫襯時再品嚐。 順帶一提這裏的醬汁配料有很多選擇，可讓客人因應個人喜好隨意配搭。 食完火鍋後還有自家製甜品奉上。我們選擇了雞蛋腐竹沙冰，賣相型格和最重要是味道不會太甜。😋😋