杭州酒家

营业中

休息中

兩個人食,叫咗兩個湯，一個點心，一個冷盤，一個熱菜，一份麵。蒓菜魚丸湯係一道清淡嘅湯，一股淡淡菜青味，莧菜口感滑潺，魚丸係加咗豆腐去做，比較軟身，魚味或豆香都唔重。呢道菜因為係第二度食過比較出色，所以個人覺得還好，不算太突出。但未試過嘅話都不妨一試。宋嫂魚羹入面有魚絲、竹筍、冬菇、蛋白花、薑絲等等，入口鮮甜，魚肉都多，食落感覺本身已經加咗啲醋，有小小酸酸地，上菜時會俾埋胡椒粉自己加，加小小食落會比較提味。小籠包皮好厚！少湯汁！可能因為蔥味比較濃嘅關係，個肉餡食落似食生煎包咁。唔難食，但以小籠包黎講就唔太推薦。秘製滷鴨呢道菜份量都適合兩個人食，鴨肉本身雖然係比較乾身，唔油膩，咬落肉質鬆軟入味。滷水汁本身係比較偏甜嘅，同鴨肉一齊食，有點睛嘅作用。個人都比較鍾意。油爆河蝦呢道菜係先炸脆河蝦再翻炒，食落唔重油都唔鹹，火喉同味道都唔錯，蝦殼脆香，基本上都係連蝦殼食，大部分都有蝦膏。就算食到最後凍咗，都唔會覺得唔好食。蝦爆鱔麵呢個係臨時加嘅，食到最後覺得唔飽，加咗個麵。蝦仁食落彈牙爽口，有種食到一粒粒蝦肉嘅感覺。鱔係先用大火炸脆備用，之後再加入麵的。酥炸後嘅鱔魚條外脆內軟，加入湯麵後，經湯汁浸過嘅

聽聞不少騷人墨客、顯達之士、食家吃過杭州酒家的菜都讚不絕口。金庸吃過其菜後，豎起姆指，馬上叫人拿紙筆墨來，題下：「此乃真杭州菜也！」適逢朋友生日，特來此店品嚐。　　酒家環境雅致樸實，地方寬敞，牆上掛着水墨畫、文人的墨寶。正欣賞字畫之際，店員端來冷盤萬年青。爽、脆、清、香。送入口，筍與油菜花心夠爽脆，菜汁與麻油在口裡迸發。鹽與麻油恰到好處，不太咸亦不太油。而油菜花心亦無渣。東坡肉。平日甚少吃肥肉，因為怕膽固醇及血壓不及格。不過今日破例，此店東坡肉肥而不膩，入口即化，甘香可口，不會一夾即散。肉旁邊的夾餅雖是配角，但做得不馬虎，組織綿密，熱乎乎的。蒓菜魚丸湯。清淡順喉，蒓菜滑潺潺幾過癮，魚圓鬆軟但不鬆散。宋嫂魚羹。金華火腿的咸香，魚的鮮甜，筍的清甜，共冶一爐。蝦爆鱔麵。湯底清甜，河蝦新鮮，鱔爆得很香，麵頗彈牙！吃畢，店員奉上綠豆沙。甜品絕不苟且，綠豆煲至起沙，豆殼一咬即破，甜度適中。總而言之，食物味道一流，取價公道。環境淡雅，衛生清潔（每碟菜端來時的碟也是暖的。而臨走時，見到店員逐隻碗杯筷子都用滾水燙過，以保清潔。）若未試過杭州菜者，此店值得一試，包保回味無窮，食過返尋味！試過之後，不知你會

從免費報紙看到李純恩推介了幾款菜色，其中包括秘制滷鴨及蝦爆鱔麵。秘制滷鴨味道ok，沒有驚喜。個人對午市>$50的杭州小碟都有點要求，我下次不會再試。蝦爆鱔麵就很遜色，幾粒蝦仔加不太新鮮的黃鱔。還是那一句，個人對午市約$50的麵食都很有要求，我下次亦不會再試。除了李生推介外，還叫了小籠包(特價$15四隻)及生煎包，可幸還能保持水準。今天發現光顧的人多了，出菜慢了許多，服務亦差了。難道是食家的力量 + 被讚壞了?