影片
港铁湾仔站 A3 出口, 步行约4分钟
继续阅读
电话号码
25911898
开饭介绍
此店是以吃杭州菜為主，環境以簡約中式佈置，而且服務一流，菜式正宗。特別推介杭州炒麵及龍井蝦仁，特別得來又帶點清新感覺。
继续阅读
特色
适合大伙人
营业时间
今日营业
11:45 - 14:30
17:45 - 22:30
星期一至日
11:45 - 14:30
17:45 - 22:30
以上资料只供参考，请与餐厅确认详情
相关文章
臨近中秋節，又要煩惱去邊到食中秋飯，上網見幾多人話杭州酒家質素唔錯，價錢又唔算貴，就約咗屋企人去嗰度食。佢係樓上店，地方都算幾大，裝修優雅，比普通酒樓坐得舒服，當晚full booking都唔會話好嘈傾唔到計。杭州菜同上海菜都有啲相似，今晚都叫咗鮮肉小籠包（4隻$36）、鍋貼（4隻$68）、燻魚（$98）、素鵝（$78）同埋東坡肉（$228）。東坡肉炆到好腍好入味，好易夾開，佢配嘅薄餅都好軟熟，夾埋東坡肉食無咁肥膩🤤小籠包皮夠薄，但個餡就實咗啲，而個鍋貼就調返轉，個餡好食，但係個皮就厚啲。😂平時都係叫砂鍋雲吞雞，今次叫咗砂鍋醃篤鮮（$318）試吓。湯底味道好濃郁，飲得出煲咗好耐嘅湯，入面嘅咸肉好腍，飲一碗唔夠喉🤭另外都叫咗啲杭州菜式，香乾馬蘭頭（$88）同埋糯米蓮藕（$78），兩款都好特別。馬蘭頭冇乜草青味，同埋因為係前菜，所以係凍食，食落仲有啲麻油香。而糯米蓮藕有啲似甜品感覺，蓮藕好腍同糯米又幾夾，同埋應該加左啲麥芽糖，所以有拉絲效果😍另外杭椒篤菜墨魚幾有驚喜，篤菜味道唔濃，但加落道菜就吊起鮮味，墨魚又夠彈牙，杭椒食食下都幾辣，算係一道完全唔同味道嘅菜👍🏻香酥鴨（半隻$178）望落好似有啲乾但食落唔會，而且佢起晒骨，個底仲炸到好脆口，同平時食嘅好唔同。見到有乾炸響鈴（$78）忍唔住叫，食落超鬆脆，又無油膱味，如果平時打邊爐有呢隻響鈴就正啦🤣杭州炒飯（$128）好似平時楊州炒飯咁，但係佢係落咗豉油，食落嘅味道會豐富啲。原本叫上湯小菠菜（$108），但冇晒菠菜就轉做莧菜，份量都算幾多，莧菜亦都煮到好腍。最後叫埋高力豆沙（4件$88），唔會好似其他店咁中間空心，入面有滿滿嘅豆沙餡，但又唔會太甜，有呢個甜品收尾好滿足🥰
继续阅读
朋友生日，揀咗呢間古色古香嘅杭州酒家食飯，環境舒適。我哋等齊人就叫嘢食。花鵰醉雞：酒香撲鼻，肉質嫩滑可口。糯米蓮藕：香甜軟糯。醬汁比較甜。生煎包：豬肉醃得好入味，餡料多汁，而包嘅上半部好鬆軟，白嫩有嚼勁，下半部好香脆，底部則煎到金黃焦酥，兩者配搭，滋味又可口。東坡肉薄餅：肥而不膩，瘦肉腍滑，醬汁香濃，加埋塊包一齊食口感豐富、有層次。富貴雙方：金華火腿，香鹹帶甜，肥肉香而不膩。 炸腐皮，炸得鬆化兩者加埋塊包一齊食，口感豐富，有層次。乾炸臭豆腐：一上枱就已經聞到臭豆腐嘅香味，外皮炸得鬆脆，豆腐嫩滑，一口一啖加埋豆瓣醬同甜醬，口感更惹味。
继续阅读
上次食到趕頭趕命，今次想認真慢慢哋享受一下美食，難得同兩老過海，去食米芝蓮一星餐廳。一心嚟食嘅主角臭豆腐，將街頭小食响一星餐廳演繹，細件裝一口嘅size，炸得香脆又易食，將陣陣獨有嘅嗅味變成高級。馬蘭頭，成日誤會佢係雪菜，上網check吓佢原來好有益，涼拌加咗豆腐乾同一點點麻油香，好適合夏天食用。有點貴嘅東坡肉，肉燜得好淋好入味，味道調配得剛好，配上薄餅索上肥肉嘅油脂加一點點汁，好美味。杭州炒麵似幼麵版粗炒，有肉絲、冬菇、韮黃，加上鑊氣，都唔錯。家常餅有香蔥加芝麻炸得好香又脆，好好味。
继续阅读
🥢杭州酒家📌灣仔莊士敦道178號-188號 華懋莊士敦廣場一樓·好幾年沒有來光顧了，適逢外地有親人回港，她說想吃杭州菜今天便一起去品嚐。典雅的裝修以簡約中式為主，傳統的味道，我們點了期待的「龍井河蝦仁」蝦仁以較低溫油泡至僅僅熟，有如水晶般，鮮嫩爽口，龍井茶湯和紹酒把蝦仁帶出清香。「花雕醉雞」放於湯盅中的醉雞份量也不少，滿滿的酒香，雞肉嫩滑。「杭州素鵝」薄薄的腐皮好入味，一層層的好細緻，充滿着汁液，有口感。「富貴雙方」富貴雙方用上火腿最好的部位，用慢火蒸透再用桂花醃製做成咸香帶甜，再加上酥脆的炸腐皮夾在軟糯的餅皮中，一口咸香又帶甜的滋味。「尖椒牛柳」第一口吃尖椒感覺好辣，牛柳嫩滑，再嚐，尖椒的辣可接受，全碟都吃完。「火朣雲吞雞」太好味，忘了拍照，湯頭濃香，雲吞啖啖肉。「高力豆沙」甜品必點，有雪綿的感覺。
继续阅读
杭州酒家我印象中自己去食普普通通,但係同啲vip去就會特別好食🤣今日參加咗WineNow嘅wine dinner. 主題叫北海南菜交響夜. 今晚菜單如下：凱仕麗酒莊 如意桃紅2021·八小碟·醉香乳鴿 招牌醬鴨 麻辣肚絲 蔥油海蜇糯米蓮藕 杭州素鵝 馬蘭頭 醬蘿蔔嘉地酒園 如意乾白2020 (霞多麗) 零售$339·龍井河蝦仁·志輝源石酒莊 如意乾紅2020 (赤霞珠) 零售$379·富貴雙方··火瞳老鴨煲·嘉地酒園 風信子乾紅 2017·蝦油閹雞·九頂莊園 經典乾紅2019·煙鰾大黃魚·九頂莊園 珍藏乾紅2019 ·響油鱔糊··家常餅··清炒杭州時蔬··蔥油撈麵·寧夏寧墾崢留5200葡萄蒸餾白酒·桂花酒釀丸子,特別喜歡招牌醬鴨,糯米蓮藕,龍井河蝦仁,富貴雙方火瞳老鴨煲,煙鰾大黃同埋家常餅每人9百幾蚊有招牌菜又有wine pairing👍
继续阅读