Tommy Yummy (翡翠中心)

营业中

休息中

Tommy Yummy位於中環，所以午飯時間非常多人光顧，需要排隊等位。餐廳11:30開始營業，我們11:30到，所以不用等位，直接入座。我們點了三份午餐及一份椰汁芒果糯米飯，由於有潑水節優惠，椰汁芒果糯米飯有半價，只需44元。我們點了的午餐有🍽椰香青咖哩雞肉配白飯(88元)青咖哩香，惟雞肉略少。🍽冬陰公湯鱸魚片金邊粉(98元）魚片滑，而且有蝦，不錯。🍽泰式蝦球炒金邊粉(118元）蝦球多亦爽口。🍽甜品椰汁芒果糯米飯（半價44元)除芒果及糯米飯外，還配以雪糕，享有半價，性價比高。午餐亦包括小食，可選青木瓜沙律、魚餅或蝦餅，魚餅有兩件，蝦餅似蝦球，蝦滑彈牙。另加18元可配飲品。總括而言，食物份量大，飽肚。雖然，午餐加配飲品及加一後，要百多元，但以中環區來說，價錢尚算合理。

收工即興的約食飯，星期六7點前入座竟然吾洗排隊。Walk-in直入！食物味道我地兩個人叫左兩個主食（蝦球炒金邊粉同椰香青咖喱雞配薄餅）、一甜品（芒果乳酪曡曡冰）同一飲品（椰香菠蘿飄雪）。上菜都幾快，但餸不太熱，飲品也不夠凍。蝦球炒金邊粉（$118）擺碟幾靚，口味偏淡，份量對兩個人而言剛剛足夠。可能我不是經常外出食飯，所以第一次食炒金邊粉係用類似無花果之類的食材炒，但其實其無花果味都唔係好出，我都唔係好肯定係無花果。我認爲呢個主食都冇咩特別，只是口味會比其他餐廳較淡。   椰香青咖喱雞配薄餅（$98）椰香青咖喱雞配薄餅也是比較普通，椰汁味吾係好出，咖喱配薄餅好難唔好食。但雞就真係差少少，吾入味，食落好似一啖雞再一啖咖喱，有點奇怪。芒果乳酪曡曡冰（$118）個個都推介嘅冰就一定要試嘅~面頭嘅芒果好貼心去左核，下層Cream好好味！Creamy又吾膩。側邊嘅芒果雪糕就比較奶，食多兩舊會滯，我地最尾都净左好多。但入面嘅糯米飯就好Superise，綿綿糯糯甘，成個甜品都幾夾。呢個可以試！椰香菠蘿飄雪（$55）呢杯野好大杯，我地兩個人都飲吾曬。我都幾中意，椰汁味好出~反而個fd就話佢唔係好飲到椰汁

常常搭扶手梯時都見到這家有著漂亮裝潢的餐廳，原來是近期很有名的新餐廳呢😯與朋友相約個多月終於能來試試！座位比想象多但有點擠逼，二人枱枱面空間不大，如點太多食物可能太夠放呢🫢蝦球炒金邊粉($118)份量比想象中多點，有韭菜﹑芽菜﹑花生碎等配料，金邊粉的味道正常，但朋友認為蝦球未煮至全熟，有一點生，未知是不小心未煮至全熟還是刻意保留的生熟度，所以我們也未有食完所有蝦球。椰香青咖喱雞配薄餅($98)，我們兩個人吃每人可分到4片薄餅左右，青咖喱帶有濃濃椰汁香味，內有香葉﹑雞塊﹑茄子等配料，味道不錯。芒果乳酪疊疊冰($118)是最讓人驚喜的👍🏻面頭有雪條棍穿著的芒果，十分香甜～旁邊一塊塊的味道和口感是像芒果雪條一樣的～底下有芒果味的綿花冰十分creamy😇中層則是有軟綿的糯米飯，將旁聽的椰漿倒入就像平常的芒果糯米飯一樣！幾種甜品結合一起的甜品combo，令人大滿足😍結論是來吃甜品比較滿足，如果想試泰菜的話相信有其他更實惠的選擇～

對面街人天橋見佢新開試下三人食飯由於兩人細食先叫左份沙律同兩個主菜諗住最後再叫甜品先來木瓜沙律個樣都唔錯，色彩鮮艷加左幾片青瓜扮下靚味道都幾好唯一就係睇到旁邊部手機咁大份三個人分尼試就真係少左d再來兩個主菜因為想食飽，叫左一飯一粉雞肉乾炒寬河粉河粉同中式唔同，比較彈牙菜都有幾多種打拋豬肉碎煎蛋飯蛋有流心，肉碎少辣味道係可以嘅新鮮整起點都好食正常泰菜水準但佢嘅特點就係份量細原本諗住最後叫甜品但係完全唔夠飽唯有叫多份主食蝦球炒金邊粉感覺比雞炒河好至少明顯有多幾粒蝦球但同樣都係細細份我地平均每人一個主食同分食一份沙律最後三個都食唔飽睇返佢咁嘅價錢，響中環食唔算好貴但係連細食嘅人都唔飽可能佢食材靚或者整得特別但我唔識欣賞唯有尼個性價比，加埋環境可能影下相都ok想飽肚都係食返佢樓上好了唔知有心定無意下下安排客人坐滿窗邊，中間空之後幾日經過都係咁