Kampoeng

营业中

休息中

今日心血來潮想食東南亞菜式，喺糖街附近就見到呢間Kampoeng,見到Menu上面又有炸蝦餅，春卷，冬陰功湯，金邊粉同各式各樣嘅炒飯，樣樣都好想食呀，所以入座了。時間尚早，沒有太多人，店內環境好舒適寬敞，不會好擠迫，仲有免費wifi提供呀。因為同朋友選擇不一，最後選了二人餐。個湯味道挺好，如果熱辣辣會更好味。拼盤好有驚喜喎，雖然蝦餅係薄咗啲，但係好有鮮蝦味，炸蠔係超級好食，好肥美鮮甜呀。海南雞都幾大碟，肉質都幾新鮮滑嫩。真係要大讚印尼炒飯，好好食呀，調味剛剛好，不會過咸，炒飯粒粒分明👍🏻蝦醬通菜都不錯，還可以加辣，成碟菜都很惹味，菜爽脆👍🏻$328呢個價錢，無論係位置同份量都合理，我們都食到好飽， 臨走前見到隔離枱叫咗個菠蘿炒飯，真係好大碟呀，下次會再來一試🤭。

今次呢間印尼餐廳個地點相當方便，不過由於位處落地庫所以平時冇咩人會留意到個地方 我地叫左三款串燒，分別係雞肉牛肉同羊肉。羊肉串燒味道一D都唔騷。牛肉串燒口感較靭，味道也是比較重。而雞肉串燒燒到好嫩，表面微微焦香，三款入面最鐘意呢款。串燒食果陣再蘸點濃稠嘅沙爹醬非常惹味。 蝦醬炒通菜嘅通菜係用左平時好少會食到嘅通菜苗，所以食落好嫩，食完都唔會有渣。呢度嘅珍多冰同平時飲開嘅唔同，D珍多唔係好似平時食果種啫喱嘅爽口，而係有D 似椰汁糕果種質地。 椰汁海鮮忌廉湯好重椰汁味，而且海鮮份量都好足料

星期五的銅鑼灣人多擠迫，朋友在銅鑼灣放工後，無辦法，就一就她，她提議我去一間於地庫的印尼餐廳，靜靜地，食物質素又好，傾下心事。餐廳介紹二人晚餐，就試一試。加多加多即印尼沙律，是用花生醬做Dressing ， 加青瓜，豆，通菜，芽菜，好適合我花生醬控。小食拼盤係串燒及春卷，雞肉牛肉燒香，最重要還是花生醬，春卷香脆可口，熱呼呼。海南雞半隻，雞肉嫩滑，有齊薑溶、酸甜醬及海南雞獨有甜豉油。印尼炒飯，呢個飯味道一般般啦，因為差了隻煎蛋，我相信散叫的特色印尼炒飯味道會更佳。蝦醬炒通菜，鑊氣夠，很惹味。野飲方面，我們加了錢，升級做珍多冰，店員細心地問我要不要少甜，我同意了，結果我覺得啱啱好，糖是椰糖漿，充滿濃濃的椰汁珍多冰。整體來說，二人餐實在太豐富，可以三至四人食，性價比高，不妨試試珍多冰，與別不同。

今晚又去行sogo，血拼完都要搵下野食醫醫肚估唔到係銅鑼灣鬧市之中都有間咁有特色同地道既印度菜門面仲有好多傳統印尼小食賣門面跟餐廳內的設計都充滿印尼風情，好多特色擺設座位仲以竹為主，環境令人好舒服，而且位置都寬敞睇睇menu有咩食，好多唔同選擇都有由於太花多眼亂所以決定點set menu價錢合理又多野食唔錯加了轉了鮮椰青椰青清甜可口，唔錯呀，岩曬食呢類菜時飲用又解渴又清甜冬陰公湯都十分出色，濃濃的味道，而且十分足料，好惹味入面仲有好多菇菌架海南雞半隻賣相好吸引，仲配了三色醬，好滋味海南雞又啖啖肉夠嫩滑蝦醬味好香濃，好惹味而且份量都不少小食拼盤有兩串雞肉及兩串牛肉串燒仲有兩條熱辣辣香脆春卷餐廳仲驚你未飽，仲有個飯或粉我點了印尼粉飯，味道不錯，夠乾身好開心，整桌子都係美食，又坐得舒服nice

真懷念銅鑼糖街，以前中學日日路經此街返學放學，原來3年前東南亞小食店地庫新開了間fusion餐廳，都是同事推介才知道。環境乾淨，坐位闊落，又幾適合情侶或朋友聚會。和男朋友看完餐牌點了個二人套餐再加一份椰汁飯。冬陰功湯顏色鮮豔，果然很香濃，蕃茄和香茅的味道很出，酸酸甜甜，如果更加辣就正喇！雜錦拼盤的雞肉串和牛肉串本身肉味十足，配個沙嗲好正，這個沙嗲汁花生味十足，又甜甜地，配飯好吃。雞肉牛肉本身質地鮮嫩。海南雞半隻份量都很多，雞肉很嫩滑，沾薑蓉最好吃。鮮雜菌炒金邊粉很有穫氣，雜菌又新鮮，油都不多，醬汁調味剛好。蝦醬通菜是微辣的，鹹蝦香味四溢，通菜都很淋，好吃！難得一餐，價錢合理又好味的東南亞晚餐！地點又方便，環境都乾淨舒適。

穿過印尼小食店到地庫就可以到餐廳了，環境寧靜舒適，有售賣各款印尼零食。我們點了東南亞風味二人餐$308，包兩杯飲品，這晚餐非常豐富，幾抵食！一人一碗冬陰公，微辣，好香椰汁和香料味道，好足料。有沙嗲雞串、牛肉串，精華是沙嗲汁，超級香濃，春卷香脆，有數片印尼蝦片，想起到印尼旅遊時，每個菜也會加上印尼蝦片呢。牛腩牛筋炆得好淋，好入味，配蒜片吃。炒飯炒得不錯，飯好乾身，一粒一粒不會黏在一起，也配蒜片吃。遠遠已經聞到好香的蝦醬味，好惹味！