1988 (已結業)

約了朋友去觀塘工廈食一間隱世泰菜。放工後工業區外面冷清清，左問右問，穿穿插插終於見到了，估唔到入面咁多人，真係嚇咗一跳。室內環境非常別緻， 店主 悉心佈置， 猶如世外桃源 ，令人有種舒服休閒的感覺。蝦餅(4件)先上小食，受歡迎指數好高，枱枱都有一碟，外型有別於一般蝦餅，係大蝦形狀， 炸得好鬆化，蝦肉彈牙，好大件。黃咖哩牛腩又一驚喜之作，黃咖哩香料調配得啱啱好，惹味得嚟唔會好辣， 而主角牛腩 炆得好淋好入味， 連帶薯仔洋蔥， 拌飯拌包一流。烤薄餅為咗咖哩專登叫的，果然绝配，薄餅即烤需時十五分鐘， 保證熱辣辣上枱，真係好鬆化，厚厚的好有層次。大蝦炒金邊粉雖然大蝦欠奉，好在有唔少中蝦搭夠都算彈牙。 金邊粉炒得比較淋身，賣相唔錯。

窗上貼咗可愛風嘅圖案, 離遠已經吸引住我, 一於上去棟工廈搜尋呢間餐廳。上到去發現原來係一間泰國餐廳, 不過充滿少女嘅感覺。🥢雜錦海鮮冬陰功湯河個冬陰功湯底同平時飲嘅冬陰功湯好似, 唔會淡茂茂, 亦都唔會太辣。河粉偏幼, 好煙韌, 有咬口。連我最唔鍾意食嘅芽菜都好爽脆, 夾埋一齊食係好味嘅。🥢泰式燒豬頸肉飯豬頸肉燒得好香, 不過略嫌切得比較薄, 食落口無乜質感。配合一個特別嘅泰式醬汁一齊食, 幾開胃。🥢蝦餅蝦餅整到好似蝦嘅形狀, 大大隻, 食落口啖啖肉, 真係會食到蝦肉, 上枱仲要係熱辣辣, 正!🥢泰國街頭雪糕 (椰子味)本來以為無乜特別, 不過一上枱已經比佢吸引住, 無諗過一杯普普通通嘅椰子雪糕, 會放得咁靚, 好似甜品舖咁有特色。味道上有濃濃嘅椰子味, 唔會太甜, 配合埋椰子肉一齊食, 口感層次提升咗。🥢椰汁芒果糯米飯芒果夠熟, 所以唔會覺得酸。糯米飯做得比較黏, 椰汁亦偏甜, 所以會有飽滯嘅感覺。整體食物都好食, 不過飲品係用泰式茶底, 飲唔慣就會覺得有d 怪, 餐廳職員都好有禮貌, 服務態度偏好, 係值得再去嘅一間餐廳。

黃咖喱牛腩配白飯 🍛 $78 (10/10)呢個係餐廳招牌菜 咖喱完全唔辣 仲有啲香甜 撈埋飯食一流 牛腩份量亦都好多 而且煮到好淋 可以吸晒啲咖喱汁 另外仲有幾舊薯仔不過就相對冇咁入味 飯嘅份量亦都好慷慨 多到一座山咁 一個女仔完全食唔晒泰式燒豬頸肉飯 🐖 $78 (7.5/10)豬頸肉份量超多 應該有成十幾塊 完全夠兩個人share 個醬汁味道好特別 第一啖偏鹹 之後陣辣味就慢慢出 飯嘅份量同樣係非常之多 完全食唔晒 加埋啲炸蒜就更加香口啦串燒 （雞肉 豬肉各一）🍢 $28 (8/10豬肉)豬肉烤得非常淋 而且入味 雞肉就相反靠得非常之韌 甚至咬唔開 建議大家都係叫豬肉串燒蝦餅 (2件) 🍤 $28 (9/10)比想像中大嚿 炸得超級香脆 蝦肉好紮實好彈牙 不過就比較熱氣芒果糯米飯 🥭 $25 (8/10)糯米嘅份量好多而且係熱辣辣上枱 啲椰汁就好香甜 鋪滿晒成個糯米飯 不過如果個糯米飯有啲花生脆粒係面就更好啦 食落冇咁寡OVERALL: 大推薦🤩 (9/10)小店嘅裝修係行簡約風 幾有家嘅感覺食物質素高 價錢合理 分量大到男仔都完全夠食 CP值超級高 啱哂上班一族兩個女仔如果

今晚唔想在屋企附近吃 妹妹上 OpenRice 推介咗在工業大廈裏的泰國餐廳泊車後就是一樓容易找到 （ 其實如果唔係 openrice 介紹 我一定唔會試。）第一 泊車貴 $20 時鐘收費第二 工業大廈裏面 人流唔多 小人都唔敢入去第三 佢冇門面裝修 似飯堂但是當我入到坐下 一切全部改觀招呼人客都是後生仔女 招呼客人有禮親切雖然冇乜裝修但是已經全場坐滿好彩有訂抬我坐下見 3 枱 walk in 入來 已經冇得吃講左 咁耐 我講下我們叫了 蝦餅。冬陰公湯。抄菜。黃咖喱牛腩燒魚。 和芒果糯米飯炸蝦餅 新鮮即炸好味有水準冬陰公湯 味道唔錯 蝦好新鮮咖喱牛腩 好食燒魚也做得剛剛好 多魚汁最後估唔到糯米飯會出煙4 個人吃左 $800 多元 （ 包兩杯飲品）都算可以值得推介👍🏻👍🏻👍🏻

周一腹話下晝要去觀塘開會，6點前可以走得，係好機會出街食飯，觀塘啲工廈開左好多食肆，雖然好多多國菜餐廳有好高評分，不過我對多國菜無咩興趣，所以就㨂左呢間泰菜，好在我都有細心閱讀其他用戶嘅食評，話晚市walk in 係無位嘅，訂左6.30pm,餐廳唔大，去到已經半滿。一個星期前已經決定食1988，一早熟讀左餐牌同食評，坐低就即刻叫左鳳爪沙律，黃咖哩牛腩，蒜蓉法包，椰汁雞湯，炒椰菜苗，炸蝦餅，之後再追加炸雞翼。最先黎嘅係鳳瓜沙律，果然份量唔細，鳳爪好多，唔係好辣；之後係炸蝦餅，質地彈牙味道又夠，入口唔會太油；蒜蓉法包外皮焗得好鬆脆裡面軟熟，蒜蓉無打得好碎，食到一粒粒；椰汁雞湯係淺淺嘅白色，因為我平時好少點椰汁雞湯，所以唔知淺白係咪正宗嘅，飲到有椰汁嘅味道，最得意係飲完之後個口有種甜甜地係口腔停留，椰菜苗一直係最愛，份量好足。黃咖哩牛腩，咖哩好香，牛腩份量好足，因為我唔食牛，聽周一腹講，牛腩好淋有牛味，最後追加嘅脆脆雞翼到啦，果然同其他食評講嘅一樣，外皮好脆，雞翼好夠味，唔係迷你雞翼，好在最後決定追加呢個雞翼，真係必選。兩人埋單$500，畀周一腹笑我點菜太兇狠。最後想讚職員服務態度好好。

依間食店唔難搵，但都幾隱蔽。入到店內唔算大，幾光猛，簡單擺設，唔迫，整體嚟講都坐得幾舒服，但不幸地我坐喺一個長喇叭前一張枱，雖然音樂唔算大，但都幾煩厭🙉介紹完環境，就講吓食物喇…蝦餅($56): 一切落去就feel到個蝦餅好彈手，咬落去堅彈，味道都唔錯，但最敗北係用牛油紙墊底，牛油紙係唔索油嘅，放底嗰兩舊俾油浸住生蝦$48): 食生蝦個汁好緊要，但依個汁我就覺得唔夠杰燒豬頸肉($56): 嚟依度食飯，好大原因都係睇相，見人post碟豬頸肉出嚟好吸引，所以一定會叫啦，但講真，有啲失望，肉太淋，冇咬口，味道都Ok,但個汁可以重口味啲就更好炒雜菜($78): 正常炒雜菜鮮蝦炒金邊粉($88): 好味，但汁收得唔夠，有少少濕。整體嚟講，依個價錢有依個水準，都推薦大家嚟試吓。如果大家想試，最好book定位，我星期一去食，都90%full5碟餸+2杯青檸梳打連加一，$416埋單

同事介紹呢間公司附近嘅泰菜好食，預先一日訂左位專登黎試下。上到去見到裝潢好清新簡約，唔講完全唔似係工廠餐廳。好彩訂左位，門口都有人排隊。午市餐單都幾多選擇，價錢都係6-80幾。我叫左海南雞油飯，同事叫左青咖哩烤雜菜飯。野飲我叫左檸檬梳打唔駛加錢，抵。海南雞油飯賣相都唔差，特別點雞胸，啖啖肉。佢個酸辣汁都好惹味，份量唔多，三扒兩撥就食晒，好似唔係好夠飽。朋友說青咖哩都好食，不過我就冇試到。蝦餅$28兩件我覺得小貴，不過食入口感覺真材實料，唔係成口炸粉。好食，但性價比低。總括黎講，可以encore，而家有減8蚊優惠。

同事建議試下呢間，打去book已經full 咗，好彩walk-in仲有位。坐低後望下隔離食乜，見到海南雞飯賣相好似幾正，即刻order，一試果然唔錯，雞幾滑，油飯夠味另外叫咗三款午餐，-推介豬手飯，豬手夠香同夠哂淋。-至於黃咖喱牛腩飯一上枱個樣已經好吸引，但D牛腩好un，同埋只有牛腩，如果有少少牛筋會好D。-香茅豬扒飯有成4-5件豬扒，抵食，但豬扒太硬另外叫咗雞翼同蝦餅兩款小食，兩款都好味，炸得唔算油，但其實D飯都好大碟，唔使叫小食都得要讚飲品，泰式檸檬茶同檸檬水，無篤檸檬都已經有檸檬味，檸檬茶有Gxxy Hound水準，雖然D冰只係普通冰下次會再黎幫襯。

話說觀塘工廠大廈有不少新興格調餐廳，最近見到易拉架宣傳，見少有的配搭，泰國菜×西式甜品，襯朋友約生日飯聚，就試試佢！由於工廈大堂7：00落閘，要從旁邊停車場入，有點曲折，但都算容易找，入到店內別有洞天，環境簡約清新，地方寬敞！由於我地八個人，所以隨意點了很多款~整體份量充足~兩款泰式沙律酸味味好開胃，小食蝦餅我影左相，但俾朋友秒清我冇食到。。。主菜點左幾樣Share食，有咖哩牛腩，香茅白汁魚柳，汁醬濃郁，牛腩和魚柳都很嫩口，重點是多汁！我至愛！烤雞剛好keep到肉汁有雞味，白飯可以另外一大碗上。我期待嘅甜品時間！！！我點左百利甜酒慕斯，甜度適中，有淡淡酒香，碟上佈置很有心思！(掛住食，忘記了影友人點的。。。)由於我book位，問左店裡可以為客人整生日甜品！由於今次是六七月之星，有四個人生日，所以請店主神秘地預備壓軸生日甜品，招牌木馬朱古力拿破崙！大家都十分驚喜！當晚大家都飽足而回！當晚消費平均每人$120，豐富大餐，精緻甜品，舒適地方，不限時間，價錢合宜！很適合朋友聚首~~~ 多謝收看：)