柳園菜館 (已結業)

見柴灣人柴灣事谷友講惠康有包裝螺螄粉賣，挑起左想食臭麵舖癮。然而起屋企煮實瘟臭全家，相反堂食就無手尾跟。起 openrice 搜尋下，全港似乎得一千零一間食肆有螺螄粉食。行樓梯上食肆時已索到陣陣臭屎味，即係中國深圳地鐵會展中心站大堂美食廣場傳出既個種臭味。店舖燈光光猛，週末下晝，未計我地，全店只有兩枱共三名食客。點菜柯打左 $45 柳州螺螄粉 (走辣)、$88 柳州炒飯、$58 煎餃子、$58 春卷、蜜糖山楂水同埋呢個葡萄蘋果茶。在點菜的環節中，當嗌到柳州炒飯時，侍應大哥隨即提點我地炒飯會用酸笋炒。其實想體會食廣西柳州菜，又豈會錯過作為柳州螺螄粉既精髓既食材呢？既然本身會落臭屎渠味既酸笋炒，就要原汁原味唔走酸笋，就好似食日本壽司唔走 wasabi 咁…上菜上漏山楂水及春卷，最後春卷 cancelled. 在我們用餐時，職員竟然將冷氣較細！服務大有改善空間，埋單找錢找多左蚊…講番食物，螺螄粉的酸笋味比中國深圳會展中心美食廣場的味道較淡較易入口。在中國深圳吃過的螺螄粉，其豆腐乾混入湯後的味道就同臭豆腐一樣，但呢間就唔係呢個故仔，或許可能因迎合香港人口味而調校過黎。柳州炒飯，介乎濕身既福建炒

星期六去歷史博物館睇展覽，多人到嗨嗨，順便去呢間有螺螄粉食嘅中菜館試吓。一上到去，哇，會唔會又少人得滯，真係貫徹到我包場嘅作風。嗌咗碗螺螄粉同埋醉雞set lunch，螺螄粉有浸舊式士多嘅氣味，有啲人覺得臭，但我又幾中意聞。食落只係一碗好普通嘅辣米線，仲要米線份量好少添。佢啲配料種類係多，但係份量唔夠喇，如果落多一半酸豆角，碗野一定惹味好多。加咗十蚊要個豬肚做餸，真係少到試食咁喎，口感亦都太腍喇，冇豬肚應有嘅彈牙，唔合格。至於醉雞飯，佢個整法好特別，係落咗桂花糖水嘅，基本上係比甜味冚過咗大部分嘅酒味，對香港人口味黎講，應該唔太討好，我就覺得還可以啦。連埋罐可樂，埋單120有找，其實算平，但見佢星期六都咁淡，相信比較難捱。

最近好像流行網購螺螄粉，說是廣西的麵食，湯底加入螺螄熬製，味道香辣。好奇之下特地造訪這家以螺螄粉作招牌菜的餐館。晚市人不多，價錢比我想像中貴，一碗螺螄粉索價七十多元。螺螄粉可以選兩種配料，我們選了腩肉和芋頭。配料的味道不過不失，而湯底除了辣味吃不出螺螄的味道，感覺和一般米線的味道差不多。差不多$60/六隻水餃，size偏細，味道普通。醉雞（$120）半隻，酒味不算重，但雞肉嫩滑。炒茄子也是十分普通。今天的主菜是烤魚，應該是桂花魚，肉質算嫩滑，爐用炭（？）加熱，可惜味道不覺特別鮮味或惹味，三百多元來說魚偏小。整體來說味道普通，餐廳雖叫柳園，好像和廣西有關，但味道無甚特色，價錢和質素不成正比。最可取之處是食客不多，坐得舒服。

睇左報紙介紹去試，一試不得了，一得閒就要黎食下湯底好鮮，夠味又唔重口，次次都飲完粉有獨特彈性（平時食開江西米線，好似落左膠袋一樣咬極唔斷 😑）配料非常豐富，不惜工本落左好多乍醬（平時食開得少少，攪一攪碗麵就會消失係湯底中 😑）環境闊落，坐得好舒服，又近地鐵站真係完全無理由唔幫趁！

樓上鋪，人少安靜，適合同朋友傾下計近來螺螄粉好出名可以黎試下湯底好鮮香，米粉好Q炒螺螄雖然睇相好吸引，但其實大伏，太細隻，有沙山楂水好好飲，但有微微澀，我朋友不大鍾意

自從喺廣西食完一次螺螄粉之後，就一直念念不忘那種味道！記得第一次食嘅螺螄粉係下圖咁樣，聞落好臭但真係好正！以為返到香港唔會再有機會食到喇但喺朋友嘅推薦下，就試咗呢間餐廳，大約夜晚九點半去到，客人唔多。一入門就聞到嗰陣熟悉嘅香氣！餐廳嘅食物選擇有好多，但一心只係想食個螺螄粉加咗腩肉，但唔算出色只係一般，可惜藕丸賣晒無得試，下次一定會再試個湯好鮮甜米線亦都很彈牙，但如果可以加上酸蘿蔔就非常好！畢竟廣西嘅「酸嘢」真係好好食！整體份量都足料，花生同炸腐皮非常脆、香口涼拌茄子真係好好食，作為一個小食嚟講非常開胃，酸酸甜甜嘅醬汁加上腍口嘅茄子簡直絕配食飽後飲返杯山楂茶，才深覺滿足最後，餐廳環境好舒服，裝修有一種家嘅感覺，員工服務態度亦都非常好！一定會再幫襯