二家姐正宗原味麻辣火鍋

营业中

休息中

位於佐敦渡船角文英街 。本地香港人首創麻辣火鍋。 標榜全無味精湯底 。食完真係唔口渴 裝修很有特色 新店地方闊落 。店員亦會主動留意大細火同收碟。算高效率。鴛鴦湯底 。中間藥膳湯都好好飲。 麻辣湯要中辣超惹味。 兩個湯底加完湯都唔會淡左味食辣配雪花啤酒一流 🍻調味喺出面自己裝。食物非常多元化。 自家製餐前小食炸物。海鮮刺身。 仲有好多麻辣火鍋料刁鑽食材。 其他店係冇既。特別推介必叫蟶子皇。 非常大隻。 配麻辣湯更顯鮮味其他推介有少有嘅牛脆骨。 懷舊陳皮魚蛋。份量超多蘿蔔都係必點。配麻辣湯非常入味炸魚皮即落單即炸。熱辣辣。海蝦$88@1份抵食。水魷魚份量亦好多。仲有叫黑柏葉。羊肉卷。臨走去個洗手間。裝修得很浮誇奢華全金色格調。順便影一影

同人去咗佐敦嘅二家姐正宗原味麻辣火鍋,佢哋係仿中國古代嘅裝修,都幾有趣.火鍋料嘅選擇都唔少,有啲仲晌外邊少見,好似有火雞子,豬腦,豬黃喉,牛肺,甚至係牛鞭等等嘅內臟.叫好嘢食,侍應就拎咗個醬料架嚟,分別有醋,油,豉油,蒜蓉,蔥,芫茜,辣椒,白芝麻.我自己調配嘅醬料,不過最後都冇乜點用過.重慶麻辣鍋,個鍋好似巨型洗面盤咁,我哋揀咗中辣,食起上嚟係先辣後麻,都唔算係死辣嗰種,同埋有少少花椒香.鬼馬油炸鬼,單食就脆口,又可以好似炸響鈴咁輕輕沾湯嚟食.蟶子皇索價接近五十蚊一隻,不過都幾肥美,肉質都算鮮甜嘅.美加桶蠔,蠔身大而creamy,都唔錯.鮮雞,肉嫩唔韌.羊肉卷,羶味算適中.西班牙黑豚肉,肉質都算鬆化.黑柏葉,賣相唔係咁討好,但口感就幾爽身.肥鮮鵝腸,一向對鵝腸嘅興趣唔大,好彩呢度都幾彈牙同幾易咀嚼.鮮蝦滑,調味都OK.NO.1鵝血,質感好似豬紅,都幾滑溜.精選午餐肉,切得都算厚.竹笙,同埋豆卜,將佢哋放入火鍋入面煮就會吸滿辣汁,食得都幾過癮.紅薯粉比其他地方嘅厚身,要煮好耐先至軟身入味.食物唔錯,不過佢哋嘅檯面非常非常非常窄,個鍋同爐位已經佔咗三分二左右,一唔小心嘅話就會好易將檯上面嘅

踏入11月，我們靚女四人幫為11月生日之星的壽星女慶祝！作為飯局攪手又是傷腦筋的時候！ 通常我會考慮大家的工作及區住地區，又要交通方便，不同群組 budget 亦不一樣 ...等等因素及範疇！記得上年為她慶祝生日食火鍋，既然秋去冬來時節，今年食火鍋為她慶祝也很合時宜呢！印象中，近柯士甸站的佐敦一帶食肆多！ 一於找找這裡的火鍋吧！ 文英街是一條各式各樣餐廳林立的食街！ 找到一間火鍋店 <二家姐正宗原味麻辣火鍋>，以火鍋小店的格局，當我們走入去，已有一陣麻辣香撲鼻，風味滿載！這裡的裝潢古色古香頗有中國特色！ 長方形桌子配長身椅子，反而坐靠牆位置有點窄！感覺不太舒適！ 店內有電視睇！兩位店員阿姐勤快又幫得手！見她們忙得不可開交，服務態度依然是不錯！醬油 $15/位有多款醬料任君選擇！包括：油、醬油、生蒜蓉、芝麻粒、辣椒、蔥花、...等。恐怕全場只得一個醬油架，見店員阿姐催我們用完未！轉頭交給另一枱食客嘞！食物選擇多元化，令人花多眼亂！而且價錢大眾化！ 卻是飲品選擇偏少，只有烏龍茶及汽水，別無他選之下，我只好選擇汽水吧！汽水 $10火鍋湯底除了重慶麻辣鍋、重慶麻辣鴛鴦鍋之外，還