影片
更多
2014-11-30
2544 浏览
吟彩。hea。由於係Happy Friday，除咗lunch要食好啲，夜晚要更加豐富先會有nice weekend的。下個月又到我嘅生日月，年年黐住聖誕都食到滯，所以要用平均成本法去食生日飯。第一餐由今個月底阿姨開始自從8月Restaurant Week匆匆一別，一直念念不忘。睇報紙見到吟彩有四大名蟹宴，即刻將生日飯由近期最愛鉄人旨花鐵板燒(4星期內去咗3次)轉場嚟呢度。仲要book完位第二日餐廳根據我之前留嘅contact打嚟話我知兩週年有新menu同優惠現金券，所以幫阿姨省回$300大洋﹏😇愛吟彩嘅裝潢高尚有格調，仲要係contemporary art嗰隻，空間感闊落，食材高質素，調味層次豐富多變，仲要整體presentation精緻，名副其實睇得又食得😘個餐有8道菜，第一道－先付，毛蟹雲丹山葵啫喱。金屬碗裝住冰塊响底除咗保持溫度，連埋上面海膽木板盛載嘅食物，整體望落似一幅霧氣氤氳嘅仙境圖畫，黃山上有夜光寶珠，以及盛綻千年能解百毒嘅妖艷花朵🌹。海膽嘅軟滑襯埋似有還無的wasabi啫喱，仲有拆哂一絲絲嘅毛蟹肉，全部入口即溶，極鮮甜地融為一體。其實魚子好淡味，小花瓣微苦澀，兩者都係裝飾
由於係Happy Friday，除咗lunch要食好啲，夜晚要更加豐富先會有nice weekend的。下個月又到我嘅生日月，年年黐住聖誕都食到滯，所以要用平均成本法去食生日飯。第一餐由今個月底阿姨開始
自從8月Restaurant Week匆匆一別，一直念念不忘。睇報紙見到吟彩有四大名蟹宴，即刻將生日飯由近期最愛鉄人旨花鐵板燒(4星期內去咗3次)轉場嚟呢度。仲要book完位第二日餐廳根據我之前留嘅contact打嚟話我知兩週年有新menu同優惠現金券，所以幫阿姨省回$300大洋﹏😇愛吟彩嘅裝潢高尚有格調，仲要係contemporary art嗰隻，空間感闊落，食材高質素，調味層次豐富多變，仲要整體presentation精緻，名副其實睇得又食得😘
個餐有8道菜，第一道－先付，毛蟹雲丹山葵啫喱。金屬碗裝住冰塊响底除咗保持溫度，連埋上面海膽木板盛載嘅食物，整體望落似一幅霧氣氤氳嘅仙境圖畫，黃山上有夜光寶珠，以及盛綻千年能解百毒嘅妖艷花朵🌹。海膽嘅軟滑襯埋似有還無的wasabi啫喱，仲有拆哂一絲絲嘅毛蟹肉，全部入口即溶，極鮮甜地融為一體。其實魚子好淡味，小花瓣微苦澀，兩者都係裝飾多；而海藻、菠菜除咗有深淺不一嘅綠色增加視覺藝術效果，亦提供咗唔同嘅爽脆口感。
第二道－前菜，鱈場蟹茶碗蒸，淺灰藍珍珠底碗，以黑枱做背景，加埋從上而下嘅燈光效果，好似一粒夜明珠暗暗發出低調嘅光芒。打開蓋，撲鼻而來係清新薑味，一啖入口，蛋質感適中不過散帶水或過實，滑溜順喉，蟹鮮甜，個人略嫌薑味稍重搶了蟹及蛋的風頭。
第三道－燒物，備長碳燒鱈場蟹腳，伴以一束禾稻，粒粒稻爆開伴碟，又是另一幅秋意盎然的美麗圖畫🍂。蟹肉帶炭火味又多肉汁，點上隨付嘅淡柚子醋，將鮮味昇華倍增。
第四道－松葉蟹天麩羅。店方除了細碎蘿白泥醬汁，同時準備了3款調味：檸檬、綠茶芥末鹽、粗岩鹽。店方細心的逐一上炸好的食材，待我們用膳完畢再上另一件，避免放涼影響食味。天麩羅有3件：蟹肉腐皮卷、蟹肉紫蘚葉，第三件蟹膏配蟹拑。炸漿好薄，放上碟基本上冇油，放入口脆熱，蟹肉鮮味依然。試過就咁食同點粗岩鹽，點咗鹹啲更香口。
第五道－蟹八寸，以大冰盤盛載造型震撼，我們跟從店方提示順序進食。杮子鱈場蟹肉，配以淡淡芝麻豆腐醬，夾雜蟹肉絲絲鮮甜；菠菜浸松葉蟹將軟爽混為一體；香箱蟹配土佐醋啫喱，雖然蟹子實實的，但襯上軟軟的蟹膏，淡淡的醋味帶起了無盡鮮美。
第六道－主菜，鱈場蟹雜菜鍋。蔬菜盡吸鮮甜嘅木魚昆布湯底，蟹肉變得軟綿綿但不失鮮味。第七道－食事，我哋揀咗粥，仲要求杰身啲，店員將啲飯放入先前嘅湯底淆煮。一邊食一邊爐火熱住，第一碗食到湯底嘅清甜，第二、三碗係滲入心扉嘅鮮甜！
最後係甘味－焙茶麻糬以矜貴金箔點綴，黑糖微甜軟糯黏口。成餐飯傾下講下食咗兩個半鐘頭，輕鬆愉快。有點美中不足是拆蟹肉藏有蟹殼碎，如第一、五道。
不得不讚的是，戴眼鏡嘅男店員全晚週到照料我們的每一道菜(天麩羅除外，由另外的店員作傳遞員)，細心講解每道菜嘅食材、如何食法比建議。總括兩次經驗，其餘店員服務就一般，有時會感覺較散漫。
下次我想去試和牛蒸籠﹏
张贴
