妹記大排檔

营业中

休息中

朋友話好耐冇見，要食大排檔，揀了妹記，佢話可以飲下啤酒吹下水，第一次食呢間，環境真係好嘈，大家傾計都要大聲啲！不過坐得唔迫，還可以啦！蠔仔粥 | $128蠔仔味道唔會好鹹，配埋胡椒粉一齊食辣辣地，都幾好味，可惜蠔仔份量少滑蛋蝦仁 | $75蛋滑，蝦算大隻和新鮮，而且爽口，唔錯生菜包 |  $88 肉碎味道帶點辣，超重花生味，連埋生菜一起食，好有口感椒鹽八爪魚咀 | $85八爪魚咀幾大粒，熱辣辣炸得剛好，配埋椒鹽調味，這個好快就KO了椒鹽豆腐 | $68豆腐炸到金黃色，外皮夠脆，豆腐嫩滑，食完這2個椒鹽菜，即刻叫了藍妹啤酒清熱😆

久違地可以出街食飯，見好耐無過食大排檔，就揀左食妹記。我地3個人叫左4個餸～豉椒炒蜆：應該係大蜆，味道ok, 好似好大蝶，但係其實每人得幾隻，寧願佢俾細蜆我椒鹽鮮魷： 同出面食嘅唔同，好大舊粉包係出面，個椒鹽又就咁灑係面，唔係舊舊都有椒鹽味完全失望海鮮雜菜煲：正常雜菜煲，無咩特別，係粉絲太少蠔仔粥：份量ok, 蠔仔味道鮮甜，不過未食完就收走個胡椒粉囉3個人食左$406，不過性價比低～咁嘅價錢寧願食其他嘢。

與朋友慶祝生日🥳, 因為我地的工作地點好唔同, 所以決定揀係最方便的旺角食飯。由於主角想食大排檔, 我地就揀左妹記。不過因為我地都係當日先決定食呢間, 係無book位的情況下, 我地等左差唔多2個鐘先入到去食😢…… 實在太肚餓了, 我地一入到去就係咁點菜! 4個人眼寬肚窄咁點左5個菜🤪。好在呢度既上菜速度都幾快, 好快我地張枱已經佈滿食物!蠔仔粥 - 4-6位用 ($108)第一條上枱的就係呢個起大碗的蠔仔粥, 好多蠔仔, 好多芥菜粒。粥底唔算綿密, 水份比較多, 所以有點稀。而蠔仔方面就不過不失, 味道正常, 如果多少少鮮味會更好。不得不說個份量真係幾多, 我地每人最少食左兩碗, 但仲未食哂! 食完呢樣, 已經飽左一半。魚香茄子煲 ($78)黎到大排檔就梗係要食佢既鑊氣啦, 魚香茄子煲🍆係必選菜色! 未上枱已經聞到好香, 茄子煮到好軟身, 入哂味。仲要加左少少辣椒去炒, 就更加惹味! 所以呢碟菜好快就已經俾我地清哂🤤咸魚茸飛天通菜 ($68)呢道菜反而有少少失望 因為我期望通菜會更淋身, 更入味。但食落去咸魚味唔夠重, 要用匙羹🥄”不”埋D醬汁先夠味道。妹記小炒皇 ($78)呢個都炒

因為有中學同學生日，就決定約出嚟食餐好嘅！因為大家都係呢頭番工，而且旺角又多食肆，所以就揀左旺角啦！第一味係 戰鬥啤！鐘意飲啤酒嘅必須飲，因為呢度嘅啤酒嘅溫度非常好，飲落口仲有少少冰碎，力推！之後嚟左個少牛柳粒，都野味嘅味道非常適中，而且薯仔都好入味，正呀！脆炸豬手係我嘅最愛因為外皮夠哂脆，肉亦都好滑，而且份量好足！我地六個人食，每人都食到有三大件！真係大件夾抵食雞煲仔有好多雞但就略嫌咸左少少🤓但總結嚟講都不錯嘅蠔仔粥都非常不錯，因為真係好多蠔基本上每一啖都有幾粒蠔，真係正！對於唔太想食飯嘅朋友，呢一味真係啱哂你！最後仲有個好特別嘅油炸鬼！其實我食落就唔係好似我認知嘅油炸鬼嘅，口感有少少似魚蛋。但佢特別在於炸得嚟一啲都唔覺得好油膩好特別嘅小吃！絕對可以一戰！

耐唔耐都要食返次唔係因為好食到要不停幫趁，而係有時唔知食咩好，又想確保食物質素正常，就揀呢間。記得對上一次食都係閒日，但都要等成半個鐘，今次7點左右到，一入去就有位。3個人叫咗4個餸，分別係蠔仔弼、妹記炸豬手、豉椒炒蜆同埋蒜蓉通菜。其實都冇乜睇過餐牌，去之前已經大約諗好，不過原本想叫既卥水拼盤已經冇再做（如果冇聽錯）。蠔仔弼每人都有兩至三碗，蠔仔剛剛好，唔會因為煲得太耐。通菜其實偏咸，但我地送粥所以岩岩好。印象中豬手係冇幫你切碎的，唔知係咪耐冇食，同印象中已經不一樣，而家咁樣方便好多。最後係蜆，少少失望，過熟了，大部分都甩晒殼。幾次來到都有個印象，就係啤酒姐姐會唔止一次過黎問你要唔要酒，都真係幾「勤力」。食完大約8點幾，外面都好似冇乜人等位，唔知係咪最近旺角太多其他新寵了（笑）。

帶外國友人聚餐，大排檔算係特色本土餐廳，妹記咁出名，便來一試。（揀旺角妹記仲有個原因係有冷氣）好興奮上到來，可能未到食飯時間，又係午市所以好冷清⋯⋯午市餐牌大部分係粉麵飯餐，應我地要求店員比左小菜menu。揀得大排檔就係想食大排檔特色，點知炒聖子又冇，鬼馬油炸鬼又冇，豬手又冇，蜆都冇，好失望⋯⋯最後叫左黃金蝦、飛天通菜、乾炒牛河、蠔仔粥、避風塘炒蟹。乾炒牛河味道唔錯，牛肉入味，河粉唔會太林。黃金蝦幾好味，唯一不足係唔夠脆。蠔仔粥普通，唔夠熱。我諗夜晚應該會熱鬧好多，午市試不出水準