尚興潮州海鮮飯店 (已結業)

今晚同老豆和Uncle去左尚德食飯，平時成日排長龍先入得，今天不用等位。其實之前食過都ok，不過今天的餸菜就有少少敗北。一坐低梗係整杯功夫茶飲下先啦。茶味香濃又夠熱。呢度的前菜也很不錯，食落口慢慢滲出d甜味，覺得應該無落太多糖做調味。全晚最敗北係海蜇手撕雞，味道係正常的，之不過雞肉少之又少得來，擺到明係用刀切的，無左手撕出來的雞肉質感，色澤亦唔多靚。下次都係要叫返滷水鴨。黃花魚貫切水準，只係我地去到嘅時候叫咩魚無咩魚，最後先至食黃花魚。不過黃花魚不嬲都肉嫩，煮過龍都唔會老，所以要整到呢個水準其實難度唔高。蠔餅ok的，外脆內腍，蠔仔份量適中，不過略嫌過左少少火候，顏色深左d，影響左個賣相。建議大家可以叫佢俾碟芫茜一起食。又棉又稠的潮州粥。奉送潮州馳名糖水開邊綠豆爽，正。

為友人預祝生日，早幾星期已訂位，但黎到竟然要等多廿分鐘！老闆仲話要一班堅持要坐房既疑似有米大陸客坐好，先會安排枱俾我地。訂位服務係咪如同虛設？又係咪恰我地比較後生，冇消費能力食D好貴既菜式？ 擾攘一輪，終於安排咗個近收銀台既位俾我地，拿拿臨點菜！醃瀨尿蝦：好得意既口感！醃完冇咗蝦肉本身種爽脆，變得淋bat bat，但外殼依然係咁硬，要慢慢「梅」D肉出黎。蝦肉鹹香，佐酒一流！潮州拼盤（小）：含四樣小食，仲有同生日友人最夾既壽星公雕花海蜇爽口多汁，魷魚炒得香脆，另外兩款炸野唔太食得出係咩，斷估係類似魚餅既野，不過油份唔多，幾好食！炸蠔餅：好多隻肥美蠔仔但完全唔腥，而且粉同蛋漿既比例好好，唔會有食落一口麵粉既感覺。推介潮州小炒（左）：有幾種菜同魷魚、肉絲、海蜇絲炒成，有咬口既一碟小菜。粉絲雜菜煲（右）：非常足料，用上湯煮成，冇落味精。蠔仔粥：又一推介！每一羹都有大大隻隻既蠔仔，汁多肉嫩，每人一碗唔多夠喉鹵水拼盤：可以自己揀拼D咩。我地拼墨魚、鵝片、豬大腸，有幾片豆腐墊底。隻鹵水味道較得幾好，唔會好鹹，鵝片同大腸等都好入味！綠豆糖水：一人送一碗。第一次食呢款糖水，幾特別！綠豆去咗殼冇味，唔會