阿里山 (逸酒店) (已結業)

屋企人好鍾意食古早味蛋糕，而見阿里山好出名，所以就買咗兩種口味同屋企人share食😝。阿里山同滄浪亭好近，都係係蕪湖街，係黃埔站行5分鐘左右就到。四重芝士 ($85)因為之前上網見到佢嘅芝士🧀味好吸引，咁啱又有出爐，所以二話不說就揀咗佢。四重芝士包括巴馬臣芝士、車打芝士、芝士粉同莫蕯里芝士😻，絕對啱晒鍾意食芝士嘅家姐。蛋糕面鋪滿咗即刨芝士，充滿鹹香。蛋糕入面就有唔少芝士，佢唔係就咁鋪一層係中間，而係係蛋糕中穿插，每食一啖都可能會發現芝士山窿😂🧀。蛋糕口感鬆軟，亦富有蛋味，成個芝士蛋糕都好出色。西班牙橙粒朱古力 ($100)呢款蛋糕定價比較貴，到底佢好唔好食呢？！蛋糕表面灑滿橙粒🍊同朱古力粒粒🍫，仲有朱古力拉花，個樣真係好吸引。蛋糕朱古力味濃厚，同芝士蛋糕一樣咁鬆軟。而內層除咗有一層厚厚嘅流心朱古力底，仲會有唔少朱古力山窿🍫🤤，足料。可能因為天氣凍，流心朱古力凝固咗，變成一層香濃朱古力夾心，超正🤩。另外，蛋糕內亦有橙粒夾雜，帶點甜甜酸酸，同朱古力好配，成個蛋糕絕對唔會太甜或膩，反而係吸引我愈食愈多😋。總括嚟講，呢兩款蛋糕都好出色又足料，比平時嘅芝士味、朱古力味特別👍🏻。店員亦好友善咁介紹

古早味蛋糕已經hit咗一排，一直都好想試，但timing 問題，次次都只是pass過蛋糕店，今日終於都停低係阿里山（紅磡）接近兩點時經過店舖，香氣吸引下停下來，原來有古早味蛋糕啱啱出爐，通過透明玻璃見到店舖內的一大片蛋糕時，感覺興奮，忍唔住帶走兩款新鮮出爐嘅蛋糕（日本柚子蜂蜜 和 西班牙橙粒朱古力 各半份）大慨二十五分鐘左右先返到屋企，打開蛋糕盒時仲有陣陣蛋糕香氣，用手按落去都仲軟綿綿。 每款味道都砌開一小塊。先係試左個「日本柚子蜂蜜」面表佈滿一粒粒口感柚子，蛋糕如想像般鬆軟，蜂蜜甜味適中，柚子味中和飽肚感。「西班牙橙粒朱古力」內外都灑滿粒粒朱古力，再有少許橙粒夾雜中間，朱古力味濃厚，橙粒調和下提升清甜感，摸上手中一樣軟綿。